कृषी सल्ला : आंबा, काजू, नारळ, सुपारी, कलिंगड

सद्यस्थितीचा विचार करता पिकानिहाय खालील प्रकारे नियोजन करावे. 

भात अवस्था-परिपक्वता तयार झालेल्या भातपिकाची सकाळी कापणी करून घ्यावी. त्याची लगेच मळणी करावी. भात उन्हामध्ये चांगले वाळवणे.

आंबा

काजू काजूवरील ढेकण्या किडीचा प्रादुर्भाव वाढण्याची शक्‍यता आहे. नियंत्रणासाठी, फवारणी प्रतिलिटर पाणी लॅंबडा सायहॅलोथ्रिन (५ टक्के) ०.६ मि.ली.

नारळ/सुपारी

भाजीपाला लागवड रब्बी हंगामासाठी टोमॅटो, वांगी व मिरची यांची रोपे तयार करावीत. रोपांचे जीवाणूजन्य मर या रोगांपासून संरक्षण करण्याकरिता पेरणीपूर्वी गादीवाफ्यावर कॉपर ऑक्सिक्‍लोराइड २ ते २.५ ग्रॅम प्रतिलिटर पाणी याप्रमाणे फवारणी करावी, तसेच वाफ्याच्या बाजूने मुंग्यांच्या बंदोबस्तासाठी शिफारशीत कीडनाशकाचा वापर करावा. पेरणीपूर्वी ३ ग्रॅम थायरम प्रतिकिलो बियाणे याप्रमाणे बीजप्रक्रिया करावी.

कलिंगड    कलिंगडाची लागवड करण्यासाठी जमीन नांगरून कुळवून तयार करावी. लागवडीसाठी ४ मीटर अंतरावर पाट किंवा सऱ्या काढाव्यात. पाटाच्या दोन्ही बाजूंस ९० सें.मी. अंतरावर ३० x ३० x ३० सें.मी. आकाराचे खड्डे करून त्यात १ ते १.५ किलो चांगले कुजलेले शेणखत व कार्बारील (१० टक्के पावडर) १० ग्रॅम याप्रमाणे मिसळून खड्डा भरून घ्यावा. प्रत्येक खड्ड्यात ३-४ बिया एकमेकांपासून ४-५ सें.मी. अंतरावर व २ ते २.५ सें.मी. खोलीवर लावाव्यात. रुजवा झाल्यानंतर १५ दिवसांनी रोपांची विरळणी करून प्रत्येक ठिकाणी २ चांगली जोमदार रोपे ठेवावीत. या पिकाला प्रतिहेक्‍टरी १५० किलो नत्र, ५० किलो स्फुरद व ५० किलो पालाश याची मात्रा द्यावी. स्फुरद आणि पालाश याची संपूर्ण मात्रा व नत्राची १/३ मात्रा पेरणीच्या वेळेस द्यावी. उर्वरित नत्राची मात्रा सम प्रमाणात विभागून १ व २ महिन्यांनी लागवडीनंतर द्यावी.

संपर्क ः : डॉ. सुभाष चव्हाण, ९४२२४३१०६७ : डॉ. ज्ञानेश्‍वर जगताप, ९४०३९८८१४३ : प्रा. विरेश चव्हाण, ९४२२०६५३४४ (कृषिविद्या विभाग, डॉ. बाळासाहेब सावंत कोकण कृषी विद्यापीठ, दापोली.)