agricultural stories in marathi, grapes advice | Agrowon

द्राक्ष सल्ला : छाटण्या शेवटच्या आठवड्यापर्यंत लांबवल्यास फायद्याचे
डॉ. एस. डी. सावंत
गुरुवार, 14 सप्टेंबर 2017

सर्व द्राक्ष विभागांमध्ये पाऊस सुरू झालेला आहे. हा पाऊस येत्या आठवड्यामध्ये सर्व भागांमध्ये कमी जास्त प्रमाणात चालूच राहील.

सर्व द्राक्ष विभागांमध्ये पाऊस सुरू झालेला आहे. हा पाऊस येत्या आठवड्यामध्ये सर्व भागांमध्ये कमी जास्त प्रमाणात चालूच राहील.

  • नाशिक विभागामध्ये दिंडोरी, कळवण, वणी या भागांमध्ये गुरुवार- शुक्रवार आणि त्यानंतर सोमवारी चांगला पाऊस होण्याची शक्यता आहे. निफाड, उगाव, खडक माळेगाव; तसेच येवला, संगमनेर, जुन्नर, अकोले या सर्व भागांमध्ये गुरुवारी- शुक्रवारी चांगला पाऊस होईल. त्यानंतर आठवडाभर हलका पाऊस अधूनमधून सुरू राहील.
  • सांगली विभागातील जतमध्ये शुक्रवारी मोठा पाऊस होण्याची शक्यता आहे. तसे पाहता गुरुवारपासून शनिवारपर्यंत अधूनमधून हलका पाऊस सुरू राहील. हलका ते मध्यम स्वरूपाचा पाऊस पळशी, खानापूर, विटा, तासगाव, भिलवडी, वाळवा व कर्नाटकातील काही भाग कागवड, शिरगुप्पी या सर्व भागांमध्ये सोमवारपर्यंत पाऊस होईल.
  • सोलापूर विभागामध्ये शहर, नानज, काटी, कारी, बार्शी, वैराग, तुळजापूर, उस्मानाबाद, लातूर, होटगी, बोरामणी या सर्व भागामध्ये आज आणि उद्या चांगला व त्यानंतर सोमवार -मंगळवारपर्यंत हलका ते मध्यम स्वरूपाचा पाऊस होईल.
  • पुणे विभागामध्ये जुन्नर, नारायणगाव, कळम या भागांबरोबरच उरुळी कांचन, यवत, पारगाव, पाटस, बारामती, सुपे या सर्व भागांमध्ये आठवडाभर मध्यम ते हलक्या स्वरूपाचा पाऊस होईल.

उपाययोजना ः

  • वर सुचवलेल्या हवामानाच्या स्थितीनुसार, १५, १६ तारखेनंतर १७, १८ तारखेपर्यंत पाऊस तीव्र होण्याची शक्यता आहे. या अंदाजाप्रमाणे आता ज्या बागा छाटलेल्या नाहीत, त्या बागांच्या छाटण्या या महिन्यांच्या शेवटच्या आठवड्यापर्यंत लांबवल्यास फायद्याचे होऊ शकेल.
  • पूर्वानुमानाप्रमाणे ऑक्टोबरच्या पहिल्या आठवड्यानंतर नोव्हेंबरपर्यंत पुढे पावसाची शक्यता नाही. या हिशोबाने सप्टेंबरच्या शेवटच्या आठवड्यात छाटलेल्या बागांतील पोंगा अवस्था ऑक्टोबरच्या पाच सहा तारखेनंतर येईल. असे झाल्यास या बागांमध्ये रोगाचा धोका फार कमी प्रमाणात राहील. न छाटलेल्या बागांसाठी येत्या काही दिवसांच्या पावसामध्ये डाउनी मिल्ड्यू, भुरी, करपा, बुरशीजन्य करपा, तांबेरा या सर्व रोगांचा प्रादुर्भाव वाढण्याची शक्यता आहे.
  • बागेमध्ये नवीन फुटी कोवळी फूट असल्यास जास्त रोग वाढण्याची शक्यता असते. जिथे शक्य आहे, तिथे खुडणी करून घेतल्यास रोगाचा प्रादुर्भाव कमी होऊ शकेल.
  • पावसाळी वातावरणामध्ये कमी प्रकाश व जास्त आर्द्रता असल्यास जैविक नियंत्रणासाठी वापरलेले घटक विशेषतः बुरशी किंवा जिवाणू चांगल्या प्रकारे काम करू शकतात. त्यामुळे त्यांचा वापर या दिवसांत फायद्याचा असतो. या घटकांची संख्या बागेमध्ये वाढल्यास रोगनियंत्रण बऱ्यापैकी मिळेल; तसेच छाटणीनंतर येणाऱ्या फुटीवरील रोगांचे प्रमाण कमी करण्यासाठीसुद्धा त्यांचा उपयोग होऊ शकेल. ट्रायकोडर्मा, बॅसिलस सबटिलिस, भुरी व डाउनीच्या नियंत्रणासाठी उपयुक्त आहेत. बिव्हेरिया बॅसियाना, व्हर्टिसिलियम लेकॅनी या बुरशी मिली बग, तुडतुडे, फुलकिडे कमी करण्यासाठी उपयोगी आहेत. त्यांचा वापर न छाटलेल्या बागांमध्ये येत्या पावसात निश्चित करावा. ट्रायकोडर्मा किंवा बॅसिलस सबटिलिस छाटणी आधी आठवडाभर ठिबकद्वारे प्रतिएकरी एक लिटर किंवा किलो या प्रमाणात सोडल्यास छाटणीनंतर येणाऱ्या फुटी सशक्त व रोगास प्रतिकार करणाऱ्या असतात. त्यामुळे त्यानंतर छाटणीनंतर रोगनियंत्रण सोपे होऊ शकते.
  • ज्या बागा छाटलेल्या आहेत, त्या बागांमध्ये या पावसाच्या वातावरणामध्ये रोगनियंत्रण कठीण आहे. प्रत्येक दिवशी अपेक्षित पाऊस हा दुपारनंतर किंवा संध्याकाळी होण्याची शक्यता आहे. फवारणीसाठी सकाळची वेळ निवडल्यास फायद्याचे होईल.
  • पोंगा किंवा एक-दोन पाने बाहेर आलेल्या स्थितीमध्ये मॅन्कोझेब २ ते २.५ किलो प्रतिएकर याप्रमाणे धुरळणीसाठी वापरावे. धुरळणीमुळे वातावरणातील रोगकारक घटक नष्ट होतात. पोंगा स्थितीमध्ये किंवा छोट्या पानावर फवारणीद्वारे दिलेले बुरशीनाशक फार कमी प्रमाणात पोचते. अशा वेळी धुरळणी केल्यास जास्त प्रमाणात बुरशीनाशक पानावर चिकटते. त्यामुळे रोगनियंत्रण चांगले मिळते.
  • बागेमध्ये फुटीवर तीन ते चार पानापेक्षा अधिक पाने असल्यास फवारणी फायदेशीर ठरेल. पावसाच्या वातावरणामध्ये आंतरप्रवाही बुरशीनाशके चांगल्या प्रकारे आंतरप्रवाही होत नाहीत. ज्या वेळी हलके ऊन किंवा पावसापासून मिळालेली उघडीप असल्यास आंतरप्रवाही बुरशीनाशकांचा वापर करणे शक्य आहे.

 

  • अशा वेळी डाऊनी मिल्ड्यूच्या नियंत्रणासाठी (फवारणी प्रति लिटर पाणी)
  1. सायमोक्झानिल अधिक मॅन्कोझेब (रेडी मिक्स) ३ ग्रॅम किंवा
  2. डायमिथोमॉर्फ १ ग्रॅम अधिक मॅन्कोझेब २ ग्रॅम (टॅंक मिक्स) किंवा
  3. इप्रोव्हॅलिकार्ब अधिक प्रोपीनेब (रेडी मिक्स) ३ ग्रॅम किंवा
  4. मॅन्डीप्रोपामिड ०.७५ ग्रॅम अधिक मॅन्कोझेब २ ग्रॅम (टॅंक मिक्स)
  • पाच पानांपेक्षा जास्त पाने असल्यास फवारलेले बुरशीनाशक पावसाने धुवून जाऊ नये, याकरिता त्यावर कायटोसॅन २ मि.लि. प्रति लिटर या प्रमाणात फवारल्यास फायदा होऊ शकेल.

संपर्क ः डॉ. एस. डी. सावंत, ०२०-२६९५६००१
(राष्ट्रीय द्राक्ष संशोधन केंद्र, मांजरी, जि. पुणे)

इतर अॅग्रो विशेष
दोन आठवड्यांनंतर मॉन्सूनची प्रगती..पुणे : नैऋत्य मोसमी वाऱ्यांनी (मॉन्सून)...
राज्यात दमदार पाऊस; कोकण, विदर्भात...पुणे : मॉन्सून सक्रिय झाल्याने कोकण, मध्य...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांतील १३९...
बाजारात कांदा टप्प्याटप्प्याने आणा..नाशिक : येत्या काळात देशभरातील कांदा बाजारात आवक...
दागिने गहाण टाकून पीककर्ज भरले...कोल्हापूर ः कारखान्यांनी एफआरपी देताना हात आखडता...
राज्यातील सोसायट्यांच्या दहा हजार...नाशिक : विविध कार्यकारी सेवा सहकारी संस्थांमार्फत...
राज्यातील पाच नदी खोऱ्यांच्या जल...मुंबई : राज्यातील महत्त्वपूर्ण अशा कृष्णा,...
जमिनीची सुपीकता जपत वाढविले पीक उत्पादनकुडजे (ता. हवेली, जि. पुणे) येथील शुभांगी विनायक...
शिक्षण, जलसंधारणातून ग्रामविकासाला गतीमराठवाडा ग्रामीण विकास संस्थेचा आरोग्य सेओवा,...
बॅंकेच्या चकरा अन् कागदपत्रांच्या...धुळे ः मागील दोन - तीन महिन्यांपासून पीककर्जासाठी...
‘ई-नाम’मधील १४५ बाजार समित्यांसाठी हवेत...पुणे ः शेतकऱ्यांना त्यांचा शेतीमाल देशातंर्गत...
सुमारे साठ एकरांवर ‘ड्रीप अॅटोमेशन’पाणी व खतांचा काटेकोर वापर करण्याबाबत अनेक शेतकरी...
भारताकडून अमेरिकेच्या हरभरा, तुरीच्या...नवी दिल्ली ः अमेरिकेने भारतातून आयात होणाऱ्या...
राज्यात अनेक ठिकाणी जोरदार पावसाची हजेरीपुणे ः राज्यातील अनेक भागांत शुक्रवारी (ता. २२)...
माॅन्सून पुढे सरकण्यास अनुकूल स्थितीपुणे : माॅन्सूनला राज्यातून पुढे सरकण्यास अनुकूल...
राज्यात आजपासून प्लॅस्टिकबंदी...मुंबई : राज्य सरकारच्या प्लॅस्टिकबंदीच्या...
धान्याला कीड लागताच सेन्सर देणार माहितीकऱ्हाड, जि. सातारा : साठवणूक केलेल्या ठिकाणी अथवा...
साखर निर्यातीचा कोटा ८० लाख टन करण्याची...कोल्हापूर : साखर निर्यातीची कोटा ८० लाख टन करावा...
सुकाणू समितीच्या कार्यकारिणीची जवळगाव...अंबाजोगाई, जि. बीड : शेतकरी संघटना व सुकाणू...
शेती म्हणजे तोटा हे सूत्र कधी बदलणार? शेती कायम तोट्यात कंटूर मार्करचे संशोधक व शेती...