agricultural stories in Marathi, street marketing of grapes in kadvanchi saves 75 lakh | Agrowon

कडवंची : द्राक्षाच्या थेट विक्रीद्वारे वाचविले ७५ लाख
गणेश कोरे
रविवार, 21 एप्रिल 2019

कडवंचीमधील द्राक्ष बागायतदारांनी विविध राज्यांतील खरेदीदारांना थेट बांधावर येण्यास प्रवृत्त केले. यामुळे बागायतदारांचा द्राक्ष वाहतूक, अडत, हमाली, तोलाईद्वारे होणारा खर्च वाचला. दरवर्षी थेट विक्रीद्वारे बागायतदारांची सुमारे ७५ लाखांची बचत होते, बांधावरच अपेक्षित दर मिळत आहे.

कडवंचीमधील द्राक्ष बागायतदारांनी विविध राज्यांतील खरेदीदारांना थेट बांधावर येण्यास प्रवृत्त केले. यामुळे बागायतदारांचा द्राक्ष वाहतूक, अडत, हमाली, तोलाईद्वारे होणारा खर्च वाचला. दरवर्षी थेट विक्रीद्वारे बागायतदारांची सुमारे ७५ लाखांची बचत होते, बांधावरच अपेक्षित दर मिळत आहे.

कडवंची शिवारातून जाणाऱ्या जालना-सिंदखेडराजा महामार्गावर तीन किलोमीटर दुतर्फा वर्दळ... ठिकठिकाणी लहान-मोठी वाहने थांबलेली. प्रवासी, वाहनचालक विविध स्टॉलवर एकवटलेले. प्रवासी द्राक्षांची चव चाखत दराची विचारपूस करीत सहज दोन चार किलो खरेदी करताहेत. हे चित्र आहे कडवंची गावातील शेतकऱ्यांकडून थेट द्राक्षविक्रीचे...

द्राक्ष हंगामात येथील शेतकरी दररोज शेकडो टन द्राक्षे थेट विक्री करीत चांगला नफा मिळवीत आहे. मृद आणि जलसंधारणातून पाणीदार झालेल्या कडवंची (जि. जालना) गावातील शेतकऱ्यांनी स्वतः द्राक्षशेतीमध्ये वेगळी ओळख तयार केली. शेततळ्याच्या संरक्षित पाण्यावर सुमारे ४८० हेक्‍टरवर  द्राक्षबागा उभारत खरेदीदारांना थेट बांधावर येण्यास प्रवृत्त केले. यामुळे बाजार समितीमध्ये द्राक्षविक्रीसाठी वाहतूक, अडत, हमाली, तोलाईद्वारे होणारा खर्च वाचविण्यात यश आले. दरवर्षी थेट विक्रीद्वारे शेतकऱ्यांची सुमारे ७५ लाखांची बचत होत असून, बांधावरच अपेक्षित दर मिळत आहे. त्यामुळे द्राक्ष उत्पादनासाठी कडवंची ‘हब’ झाले आहे.  बाजार समित्यांमध्ये अडत दहा टक्‍क्‍यांपर्यंत आकारण्यात येते. तर, हमाली आणि तोलाईचे दरदेखील वेगवेगळे आहेत. यामुळे वार्षिक ४० ते ४५ कोटींची उलाढाल असलेल्या द्राक्षावरील अडत आणि इतर खर्च सुमारे ७५ लाखांपर्यंत जातो. मात्र, हाच खर्च थेट बांधावरील विक्रीद्वारे वाचविण्यात शेतकऱ्यांना यश आले.

फळे, भाजीपाला नियमनमुक्तीमुळे यश
राज्य शासनाने जुलै २०१६ मध्ये बाजार समित्यांमधून फळे, भाजीपाला नियमनमुक्त केले. या निर्णयामुळे बाजार समित्यांच्या आवाराबाहेर होणाऱ्या फळे, भाजीपाला खरेदी-विक्रीवर कोणतेही कर लावता येणार नसल्याचे स्पष्ट झाले आहे. यामुळे थेट बांधावरील खरेदी-विक्रीला चालना मिळाली. यामुळे कडवंचीमधील शेतकऱ्यांनी द्राक्षविक्रीसाठी खरेदीदारांनाच थेट बांधावर येण्यास प्रवृत्त केले. यामुळे बाजार समितीमधील विविध कररूपी द्यावे लागणारे पैसे वाचले.

नफा वाढला...
माझी स्वतःची सव्वा एकरावर द्राक्षबाग आहे. मी खरेदीदारांसह महामार्गावर द्राक्षविक्री करते. खरेदीदार २५ ते ३० रुपये प्रतिकिलोला दर देतात. तर, महामार्गावरील थेट विक्रीमध्ये प्रतिकिलोला ४० ते ५० रुपये दर मिळतो. द्राक्ष हंगामात मी दररोज सुमारे दोन हजार रुपयांची द्राक्षविक्री करते.
- लक्ष्मी सरोदे,
द्राक्ष उत्पादक आणि थेट विक्रेत्या

खरेदीदार थेट बांधावर...
कृषी विज्ञान केंद्राच्या वतीने २०१२ मध्ये करण्यात आलेल्या सर्वेक्षणानुसार कडवंची गावातील द्राक्षांची उलाढाल ही ४८ कोटी एवढी होती. आता ही उलाढाल ५५ कोटींपर्यंत वाढली आहे. खरेदीदार थेट बांधावर खरेदीसाठी येत असल्याने बाजार समितीमध्ये द्राक्ष नेण्याचा वाहतूक खर्च, अडत, हमाली, तोलाईसारखे खर्च वाचले आहेत.
- चंद्रकांत क्षीरसागर
सरपंच आणि द्राक्ष उत्पादक, कडवंची

इतर अॅग्रोमनी
सुधारित बहुपीक पद्धतीतून उत्पन्नामध्ये...चिदगिरी (जि. नांदेड) येथील कैलास गिरी यांनी...
सरकीने मोडला दराचा उच्चांकजळगाव ः कापसासह सरकीच्या दरानी नवा उच्चांक गाठला...
मका, हळद, गव्हाच्या किमतीत तेजीचा कलरब्बी मक्याच्या बाजारातील स्पॉट किमती सध्याच्या...
मका, हळद, हरभऱ्याच्या किमतीत वाढअमेरिकेने चीनकडून होणाऱ्या आयातीवर वाढविलेल्या...
नेहे कुटुंबीयांनी कांदा पिकावर बसवले...नगर जिल्ह्यातील सावरगाव तळ (ता. संगमनेर) हे डोंगर...
गावामध्ये उभारा बांबू आधारित उद्योगआपण बांबूचा औद्योगिक पीक म्हणून विचार केला नाही...
रब्बी हंगामातील आवकेचा दरावर परिणाम या सप्ताहात गेल्या सप्ताहाच्या तुलनेने गहू,...
सुताचे दर वाढले जळगाव ः देशांतर्गत सूतगिरण्यांसमोर कापूस...
मका, हळद, कापसाचा तेजीकडे कलबाजारातील मक्याच्या स्पॉट किमती सध्या...
रुपयाचे अवमूल्यन, सरकीतील तेजीने कापूस...पुणे ः सध्या कापसाचे दर बाजारात ६५००...
‘कडवंची ग्रेप्स’ ब्रँडसाठी कृषी...कडवंची गावाला द्राक्षबागेने आर्थिक स्थैर्य आणि...
कडवंची : द्राक्षाच्या थेट विक्रीद्वारे...कडवंचीमधील द्राक्ष बागायतदारांनी विविध राज्यांतील...
नियोजन, काटेकोर अंमलबजावणीतून साधला...शेतीतील वाढता खर्च ही शेतकऱ्यांसमोरची मुख्य...
हळद, मका, कापूस मागणीत वाढीचा कलएप्रिल महिन्यात हळदीची मागणी वाढत आहे. त्यामुळे...
पुढील हंगाम ७० लाख टन साखरेसह सुरू होणारकोल्हापूर : साखर हंगाम आता अंतिम टप्प्यात आला आहे...
कौशल्य विकासातून संपत्तीनिर्माणशेती-उद्योगात प्रशिक्षित मनुष्यबळ निर्माण ...
मिरज बाजारात जनावरांचे दर घटले सांगली ः चारा महागलाय, पाणी नाय, केवळ...
दुष्काळात शेतकऱ्यांसाठी लिंबाचा आधारउन्हाळ्यात लिंबाला मोठी मागणी असते. यंदाच्या...
कापूस, मक्याच्या मागणीत वाढ सध्या बाजारपेठेत मका, हळदीच्या मागणीत वाढ आहे....
कापसाच्या किमतीत आणखी सुधारणानिवडणुकीमुळे पुढील दोन महिने बहुतेक पिकांच्या...