agricultural stories in Marathi, women SHG in rural development,kadvanchi village | Agrowon

कडवंची : अर्थकारणाला मिळाली बचत गटांची साथ
संतोष मुंढे
रविवार, 21 एप्रिल 2019

शेती आणि ग्रामविकासामध्ये महिलांचा महत्त्वपूर्ण सहभाग आहे. गटांच्या माध्यमातून महिलांनी आर्थिक बचत केलीच, त्याचबरोबरीने पशुपालन, फळबागांसाठी ठिबक सिंचन, विहीर कूपनलिकांची खोदाई, द्राक्ष बाग उभारणीतील आर्थिक भारही उचलला.

शेती आणि ग्रामविकासामध्ये महिलांचा महत्त्वपूर्ण सहभाग आहे. गटांच्या माध्यमातून महिलांनी आर्थिक बचत केलीच, त्याचबरोबरीने पशुपालन, फळबागांसाठी ठिबक सिंचन, विहीर कूपनलिकांची खोदाई, द्राक्ष बाग उभारणीतील आर्थिक भारही उचलला.

कडवंची गावाच्या शेती आणि आर्थिक विकासात महिला बचत गटांनी मोलाचे योगदान दिले आहे. या गावात सव्वीस महिला बचत गट असून या गटांशी सुमारे २८८ महिला जोडलेल्या आहेत. आठवड्याला २० ते ३० रुपयांपर्यंतची बचत या महिला करतात. बचतीच्या माध्यमातून कुटुंबाची आर्थिक स्थिती मजबूत करायला हातभार लागला आहे. या बचत गटाच्या एकत्रीकरणातून गावात ग्रामगीता महिला ग्रामसंघ तयार झाला. ग्रामसंघाच्या माध्यमातून बचत गटांचे प्रश्न तालुका स्तर आणि प्रभाग संघाच्या माध्यमातून जिल्हा स्तरावर मांडून त्याची सोडवणूक करण्याचा प्रयत्न होतो. बचतीच्या सवयीचा उपयोग महिलांना पूरक उद्योग वा आर्थिक अडचणीच्या काळात कर्ज म्हणून मिळण्यासाठी झाला.

    ग्रामसंघाच्या अध्यक्षा शकुंतला दत्तात्रय वाहूळ म्हणाल्या की, गटातील महिलांनी मिळालेल्या कर्जाचा वापर पशुपालन, शेळीपालन, द्राक्ष बाग उभारणी, किराणा दुकानासाठी लागणारे साहित्य खरेदी करण्यासाठी केला आहे. सुरवातीला २० रुपयांच्या बचतीत फारसे काही भागत नव्हते, परंतू पंचायत समितीकडून अर्थसाहाय्य मिळाल्यानंतर कुणी शेळी घेतली, बैल घेतले, गाय घेतली. कुणाच्या मुलाच्या शिक्षणाचा खर्च भागला. मिळालेले पैसे कामी आले. एका महिलेला गटातील सर्व महिलांनी मिळून शेततळे खोदाई आणि आच्छादनासाठी प्लॅस्टिक कागद घेण्यासाठी मदत केली. सर्वांना विश्वासात घेऊन काम सुरू असल्याने ग्रामसंघाची वाटचाल चांगली सुरू आहे. बचतीच्या सवयीमुळे आम्ही व्यवहार शिकलो. बचत गटातील प्रत्येक महिलेचा शेती आणि ग्रामविकासात मोलाचा वाटा आहे.

द्राक्ष बाग उभारणीला मदत
शिवशक्ती स्वयंसहायता महिला बचत गटातील सदस्या रेखा रवींद्र क्षीरसागर म्हणाल्या की, आमचा गट जून २०१४ मध्ये सुरू झाला. गटात ११ सदस्या आहेत. गटाच्या अध्यक्षा आशा गिरे आणि सचीव माया क्षीरसागर आहेत. माझ्याकडे आर्थिक नोंदीची जबाबदारी आहे. आत्तापर्यंत गटाने ६३,८०० रुपये बचत केली आहे. गटाने काही वर्षापूर्वी ८० हजाराचे कर्ज घेतले. या कर्जातून काही सदस्यांनी शेळ्या, म्हशी, गाईंची खरेदी केली. काही सदस्यांनी विहीर, कूपनलिका, ठिबक सिंचनासाठी ही रक्कम उपयोगात आणली. गटात दोन टक्के व्याज दराने कर्ज दिले जाते. बचत गटातून मिळालेल्या कर्जातून मी पिठाची गिरणी आणि गाय घेतली आहे. त्यामुळे पशुपालनाला चालना मिळाली आहे. विशेष म्हणजे सावकारी कर्ज वाचले.

     गटातील सदस्या कर्जाची वेळेवर परतफेड करतात. त्यामुळे सर्वांनाच फायदा होतो. बचत गटामुळे आर्थिक गणित कळाले. मिळालेला पैसा योग्य कारणासाठी खर्च होतो. बचत गटामुळे महिलांचे धाडसही वाढले. महिला आता ग्रामसभेत सहभाग घेऊन आपल्या अडचणी मांडतात, ग्रामविकासासाठी उपायही सुचवितात. आमच्या गटातील प्रत्येक सदस्याकडे द्राक्ष बाग आहे. त्यामुळे आम्ही बाग उभारणी, छाटणी, पाणी व्यवस्थापन, फवारणी, पॅकिंगबद्दल शिकून घेतले आहे.

पशुपालनाला मिळाली चालना
मुक्ताई स्वयंसहायता महिला बचत गटाच्या सचिव आसराबाई अंबिलवादे म्हणाल्‍या की,  खरपुडी येथील कृषी विज्ञान केंद्राच्या माध्यमातून २००५ साली स्थापन झालेला आमचा पहिला बचत गट. गटाच्या अध्यक्षा सुशिला जारे आहेत. गट दहा सदस्यांचा असून आम्ही दरमहा १०० रुपयांची बचत करतो. शेती, ग्रामविकास कार्य आणि आरोग्य शिबिरामध्ये गटातील सदस्यांचा चांगला सहभाग असतो. गटाच्या बचतीतून आम्ही २ टक्के व्याज दराने सदस्यांना कर्ज वाटतो. या रकमेतून सदस्यांनी पूरक उद्योगाला सुरवात केली आहे. सध्या गटातील सदस्यांकडे १२ शेळ्या, १५ गाई, म्हशी झाल्या आहेत. जनावरांच्या मुळे बायोगॅसची उभारणी काही सदस्यांनी केली आहे. यामुळे गॅस सिलिंडरची चांगली बचत होते. बायोगॅसच्या स्लरीचा वापर शेतीमध्ये केला जातो. त्यामुळे जमिनीची सुपीकता वाढविण्यास मदत होत आहे. काही जणींनी बांगडी दुकान, पीठ गिरणी व्यवसाय सुरू केला आहे. गावामध्ये द्राक्ष लागवड मोठ्या प्रमाणात आहे. त्यामुळे येत्या काळात गटातर्फे बेदाणा निर्मिती उद्योगाची उभारणी करणार आहोत.

 

फोटो गॅलरी

इतर यशोगाथा
गिलक्‍याने दिले अर्थकारणाला बळबाजारपेठेची गरज ओळखून कठोरा (ता. जि. जळगाव) येथील...
सेवानिवृत्तीनंतर शिक्षकाची शेतीत सेवा...आयुष्यभर नोकरी करताना अनेक गोष्टींचा त्याग करावा...
विदर्भात उत्कृष्ट व्यवस्थापन असलेली २३...वर्धा जिल्ह्यात केळी पिकाला पुन्हा गतवैभव प्राप्त...
वर्षभरात पाच हंगामात दर्जेदार कोथिंबीरपाणी व हवामान यांचा विचार करून वर्षभरात सुमारे...
अळिंबी उत्पादनातून केली संकटांवर मातलोणी (जि. जळगाव) येथील अनिल माळी यांच्याकडे कृषी...
पशुपालन, प्रक्रिया उद्योगात नेदरलॅंडची...शास्त्रीय पद्धतीने पशुपालन, दुग्धोत्पादन आणि...
आदिवासी पाड्यावर रुजली कृषी उद्योजकताकोणे (ता. त्र्यंबकेश्वर, जि. नाशिक) येथील आदिवासी...
दोनशे देशी गायींच्या संगोपनासह ...सुमारे दोनशे देशी गायींचे संगोपन-संवर्धन यासह...
अर्थकारण उंचावणारी उन्हाळी मुगाची शेती वाशिम जिल्ह्यातील पांगरी नवघरे येथील दिलीप नवघरे...
शंभर एकरांत सुधारित तंत्राने शेवग्याची...नाशिक जिल्ह्यातील पवारवाडी (ता. मालेगाव) येथील...
निर्धारातून टाकोबाईची वाडीच्या...सातारा जिल्ह्यातील फलटण तालुक्याचा काही भाग...
निसर्गरम्य पन्हाळा तालुक्यात ...कोल्हापूर जिल्ह्यातील डोंगराळ, निसर्गरम्य पन्हाळा...
दुष्काळात स्वयंपूर्ण शेतीचा आदर्श,...नव्वद क्विंटल तूर, ३० क्विंटल ज्वारी व हरभरा, १५०...
उच्चशिक्षित कृषी पदवीधराने उभारला...गोपालपुरा (जि. आणंद, गुजरात) येथील एमएस्सी...
अभ्यासातून शेतीमध्ये करतोय बदलवेंगुर्ला (जि. सिंधुदुर्ग) येथील महाविद्यालयात...
आळिंबी, गव्हांकुर उत्पादनातून बचत गटाची...गोद्रे (ता. जुन्नर, जि. पुणे) गावातील महिलांनी...
कुटुंबाची एकी, सुधारित तंत्र, शिंदे...नांदेड जिल्ह्यातील वसंतवाडी येथील शिंदे परिवाराला...
दुष्काळात बाजरी ठरतेय गुणी, आश्‍वासक... कमी पाणी, कमी कालावधी, अल्प खर्चातील बाजरी...
AGROWON AWARDS : नैसर्गिक, एकात्मिक...ॲग्रोवन महाराष्ट्राचा स्मार्ट शेतकरी पुरस्कार...
रडायचं नाही, आता लढायचं : वैशाली येडे पुणे : सावकाराचे कर्ज डोक्यावर ठेवून पतीने...