agricultural success story in marathi, agrowon, jyoti deshmukh, katyar, akola | Agrowon

...तिच्या कर्तृत्वापुढं शब्दही झाले मुके ! video
टीम अॅग्रोवन
रविवार, 31 डिसेंबर 2017

ज्योतीताईंच्या करुण कहाणीनं उपस्थितांचं मन हेलावलं अन् भावविवश झालेल्या सभागृहानं उभा राहून ज्योतीताईंच्या कर्तृत्वाला सलाम केला. अॅग्रोवन स्मार्ट अॅवॉर्ड पुरस्कारातील हे एक वेगळं नाव, वेगळं कर्तृत्व, ज्यानं सगळं संपलं म्हणता म्हणता... जगायला, लढायला पुन्हा उभं राहायला त्यांना प्रेरणा दिली.

अॅग्रोवन प्रेरणा अॅवॉर्ड : 
श्रीमती ज्योती देशमुख, कट्यार, ता. जि. अकोला
-----------------------------------------

कुटुंबातल्या तीन कर्त्या पुरुषांना हिरावून घेणाऱ्या नियतीला तिने आज हरवलं होतं... तिच्या कर्तृत्वापुढं नियतीही ठेंगणी झाली... जस जसा तिच्या धैर्याचा, जिद्दीचा पट उलगडला गेला, तसतसा तिच्या संघर्षाच्या कहाणीनं उपस्थितांचं मन हेलावलं अन्‌ शब्दही काहीसे मुके झाले. अॅग्रोवन प्रेरणा पुरस्काराने सन्मानित झालेल्या अकोला जिल्ह्यातील कट्यार येथील श्रीमती ज्योती देशमुख यांच्या या कर्तृत्वाला उपस्थितांनी मग थेट उभं राहूनच सलाम केला.

 अॅग्रोवन स्मार्ट अॅवॉर्डच्या दिमाखदार सोहळ्यात ज्योती यांना मिळालेल्या प्रेरणा पुरस्काराने सगळ्यांचेच लक्ष वेधून घेतले. स्मार्टकेम टेक्‍नॉलॉजीचे उपाध्यक्ष नरेंद्र देशमुख आणि सहयोगी उपाध्यक्ष विजयराव पाटील यांच्या हस्ते या पुरस्काराचे वितरण झाले. नापिकी, शेतमालाचे कोसळलेले दर आणि भरून न निघणारा शेतीतला तोटा, या परिस्थितीसमोर हात टेकलेल्या कुटुंबातल्या तीन कर्त्या पुरुषांनी एकापाठोपाठ एक करत जीवनयात्रा संपवली असताना ती डगमगली नाही, उमेद हरली नाही, मोठ्या जिद्दीनं, हिमतीनं उभी राहिली, जगण्याचा संघर्ष केला.

जवळपास २९ एकर शेतीचा पसारा स्वतः हातात घेतला. यापूर्वी कधीही शेतीत न गेलेल्या ज्योती यांनी मोठ्या धाडसाने शेती कसण्यास सुरवात केली. लोकांनी नावं ठेवली; पण त्याकडं दुर्लक्ष करत सोयाबीन, कापूस, हरभरा या पिकांच्या उत्पादनवाढीत आघाडी घेतली. त्यातून सावरत त्यांनी कुटुंबाला स्थिरस्थावर केलं. ज्योती यांच्या या कर्तृत्वाची माहिती एका चित्रफितीतून सांगितली जात होती, तेव्हाच त्यांच्याकडं पाहून खऱ्या अर्थानं प्रेरणादायी अशा त्यांच्या कामगिरीचं सगळ्यांनाच अप्रूप वाटलं.
पुरस्कार स्वीकारण्यासाठी त्या जेव्हा मंचावर आल्या, तेव्हा दोन शब्द बोलण्यासाठी आग्रह झाला. त्या म्हणाल्या, ‘‘लोकांनी नावं ठेवली, बाईनं कधी शेती केली का? लोकांच्या बोलण्याकडं दुर्लक्ष केलं. घर चालवायचं, मुलाचं शिक्षण करायचं, थांबून चालणार नव्हतं. निर्णय घेतला, रात्री अपरात्री शेतात जावं लागे, पिकाची राखण करणं, पाणी देणं, अशी सगळी कामं केली, स्वतःच्या शेतात काम करायला लाज आणि भीती कसली, अन माझ्यासमोर दुसरा पर्यायही नव्हता. त्या सांगत होत्या, तेव्हा क्षणभर त्यांचे डोळे भरले, शब्दही मुके झाले. त्यांच्या करुण कहाणीनं उपस्थितांचं मन हेलावलं अन् भावविवश झालेल्या सभागृहानं उभा राहून त्यांच्या कर्तृत्वाला सलाम केला. अॅग्रोवन स्मार्ट अॅवॉर्ड पुरस्कारातील हे एक वेगळं नाव, वेगळं कर्तृत्व, ज्यानं सगळं संपलं म्हणता म्हणता... जगायला, लढायला पुन्हा उभं राहायला प्रेरणा दिली.
 
स्मार्टकेमकडून २१ हजारांचे साह्य

‘स्मार्टकेम’चे उपाध्यक्ष नरेंद्र देशमुख यांनी पुरस्कार प्रदान केला, तेव्हा त्यांनीही ज्योतीताईंच्या धैर्याला, जिद्दीला दाद देत त्यांच्या कामगिरीचं कौतुक केलं आणि कंपनीकडून २१ हजार रुपयांचे साह्य खतांच्या रूपाने देत असल्याचे जाहीर केले.

यशोगाथेसाठी क्लिक करा पुढील लिंक....
http://www.agrowon.com/agriculture-stories-marathi-lady-farmer-jyoti-des...

फोटो गॅलरी

इतर अॅग्रो विशेष
मोदी सरकार पास की नापास? बघा रिपोर्ट...मोदी सरकारचा चार वर्षांचा प्रवास, पुढच्या...
भारत शेतीमध्ये जागतिक महासत्ता :...बारामती ः भारत हा शेतीच्या बाबतीत जगातील महासत्ता...
माॅन्सून अंदमानात; मंगळवारपर्यंत केरळातपुणे : नैऋत्य मोसमी वाऱ्यांनी (मॉन्सून) बंगालच्या...
जॉईंट अॅग्रेस्को : ‘कृषी’च्या मंथनाकडे...दापोली, जि. रत्नागिरी : शेतकऱ्यांच्या आत्महत्या...
मध्य महाराष्ट्रात पावसाचा अंदाजपुणे ः पावसाला पोषक हवामान असल्याने कोकण,...
गोष्ट अश्‍वमेधाच्या डिजिटल घोड्यांचीनरेंद्र मोदी देशाच्या राजकारणात उतरले तेच मुळी...
छत्तीसगडच्या शेतकऱ्यांना सीताफळाने...सीताफळ शेतीत देशात अाघाडीवर महाराष्ट्राची भुरळ...
चला आटपाडीला देशी शेळी, माडग्याळी मेंढी...आटपाडी (जि. सांगली) येथील अोढा पात्रात दर शनिवारी...
विशेष संपादकीय : देशाच्या 'फिटनेस'चे...नरेंद्र मोदी यांच्या नेतृत्वाखालील भारतीय जनता...
मोदी सरकार चार वर्ष : अपेक्षा...गेल्या चार वर्षांत नरेंद्र मोदी सरकारला अनेक चढ-...
विवेकबुद्धी, स्वयंप्रेरणाच बनली धूसरमोदी सरकारच्या काळात हिंदुत्व आणि नरम हिंदुत्व...
माॅन्सून अंदमानात दाखल !!!पुणे : माॅन्सूनसाठी अंदमानाच्या दक्षिण भागात...
फेरवाटपातून वाढतोय जलसंघर्षमहाराष्ट्र देशी जलसंघर्षांच्या संख्येत व तीव्रतेत...
शेतकरी सक्षमतेचा ‘करार’भारतीय शेतकऱ्यांसमोर आजची सर्वांत मोठी अडचण कोणती...
शेतकरी आत्महत्या थांबविण्यासाठी...दापोली, जि. रत्नागिरी : शेतकऱ्यांच्या...
‘त्या’ कृषी पर्यवेक्षकांना ‘मॅट’चा...अकोला ः अमरावती विभागीय कृषी सहसंचालकाकडून सन...
भुईमुगालाही हमीभाव मिळेनाअकोला ः या हंगामात लागवड झालेल्या भुईमुगाची काढणी...
जैन इरिगेशनला विदर्भातील सूक्ष्म सिंचन...जळगाव : जगातील अग्रगण्य सिंचन कंपनी जैन इरिगेशन...
कडधान्याचा पेरा वाढण्याची शक्यतानवी दिल्ली ः भारतीय हवामान खत्याने यंदा मॉन्सून...
माॅन्सून उद्या अंदमानातपुणे : माॅन्सूनसाठी अंदमानाच्या दक्षिण भागात...