विक्रीव्यवस्था बळकट करणारी उच्चशिक्षित शेतकऱ्याची शेती

हळदीच्या शेतीतील अाघाडीचे गाव म्हणून माटोडाची (जि. अकोला) अोळख अाहे. याच गावात मंगेश कुकडे हा इंजिनिअर तरुण नोकरी सोडून प्रक्रिया उद्योगात स्थिरावू लागला आहे. सुमारे ५० हून अधिक शेतकऱ्यांना सोबत घेत धान्ये, कडधान्ये, हळद- मिरची पावडर आदी सुमारे ३० उत्पादनांना त्याने मार्केट मिळवून दिले आहे. त्यासाठी विक्री केंद्रेही उभारली आहेत.

माटोडा गावातील कुकडे यांची पार्श्वभूमी

उद्योजक म्हणून प्रवास

मंगेश काय म्हणतो? आपली १२ एकर शेती. पूर्वीपासून हळद, कडधान्ये घेतो. त्यांची क्षमता पूर्ण वापरून प्रक्रिया करून विक्री सुरू केली तर? चांगला नफा वाढेल. कंपनीत अनेक बंधने, अटी असतात. उद्योजक झालो तर स्वतःचा माल स्वतःच विकून अन्य शेतकऱ्यांचा मालही विकणे शक्य होईल.   शहर- पुणे- नोकरीचे ठिकाण-  हाॅटेल्स, नातेवाईक, मित्रपरिवार यांच्याकडे जाऊन मंगेश म्हणतो...माझ्या गावची, घरची हळद आहे. स्वाद, दर्जा एक नंबर. एकवेळ घेऊन पाहा...

मंगेश व पालकांमधील संवाद

मंगेश- पुणे, मुंबई मार्केट चांगले आहे. आत्मविश्वास येतोय. विक्री चांगली होतेय. आता पूर्णवेळ उद्योजक व्हावं असं वाटतंय. घरची मंडळी - तू इंजिनिअर आहेस. हुशार आहेस. चांगल्या कंपनीत चांगला पगार आहे. या सगळ्यावर पाणी सोडून गावाकडं शेती करण्याचा विचार धोकादायक आहे. आम्हाला तुझा निर्णय पटलेला नाही. मंगेश - काळजी करू नका. नोकरीपेक्षा चांगले उत्पन्न शेतीतून काढतो की नाही ते पाहा.माझ्यावर विश्वास ठेवा. . गावाकडे उद्योगाची उभारणी

  कच्च्या मालाचे स्त्रोत -

  तयार होणारी उत्पादने सुमारे ३०

उत्पादनाचा ब्रॅंड - शेतकरी   विक्री व्यवस्था

   व्यावसायिक आराखडे

पारंपरिक विक्री पद्धतीत बदल केला काही पारंपरिक स्थापित वितरक क्वालिटी पाहण्यापेक्षा स्वस्त दरात मालाची अपेक्षा करतात. तरच माल विक्रीला ठेवतो म्हणतात. त्यामुळे मंगेश यांनी नवे वितरक नेमले. त्यांना मार्केटिंगबाबत सर्व मार्गदर्शन, साह्य केले. त्यातून वितरकांनी गुणवत्तेला महत्त्व दिलेच, शिवाय उत्पादनांची सगळी रेंज देखील ठेवली. 

मोफत मार्गदर्शन घ्या अाज अनेकजण अापला व्यवसाय सुरळीत चालायला लागला, की त्याबाबत माहिती देण्याचे टाळतात. मंगेश मात्र काहीही हातचे राखून ठेवत नाहीत. शेतकरी उद्योजक म्हणून घडावा यासाठी बॅंकेबल प्रोजेक्टपासून ते मार्केटिंगपर्यंतचे सर्व प्रशिक्षण मी मोफत देतो. राज्यभरातील कोणत्याही शेतकऱ्याने माझ्याशी संपर्क साधावा. या व्यवसायात कितीही जण उतरले तरी पदार्थांना भरपूर मागणी असल्याने स्पर्धेची भीती नाही असे मंगेश सांगतात. संपर्क- मंगेश कुकडे - ९८८१४८७६४२