agricultural success story in marathi, amravati dist. amravati , agrowon, maharashtra | Agrowon

सोयाबीनसह तूर भुईमुगासाठी अमरावती बाजारसमिती
विनोद इंगोले
बुधवार, 1 ऑगस्ट 2018

सोयाबीनसह तूर, भुईमुगासाठी अमरावती बाजार समिती
सोयाबीनसह तूर, हरभरा खरेदी विक्रीचे ‘हब’ म्हणून अमरावती बाजार समितीने ओळख मिळविली आहे. हंगामात १५ लाख क्‍विंटलपेक्षा अधिक सोयाबीनची आवक या बाजार समितीत होते. शेतमाल तारण, गोदामे, जनावरे बाजार, एसएमएसद्वारे बाजारभाव आदी विविध सुविधांही बाजार समितीद्वारे देण्यात आल्या आहेत.

सोयाबीनसह तूर, भुईमुगासाठी अमरावती बाजार समिती
सोयाबीनसह तूर, हरभरा खरेदी विक्रीचे ‘हब’ म्हणून अमरावती बाजार समितीने ओळख मिळविली आहे. हंगामात १५ लाख क्‍विंटलपेक्षा अधिक सोयाबीनची आवक या बाजार समितीत होते. शेतमाल तारण, गोदामे, जनावरे बाजार, एसएमएसद्वारे बाजारभाव आदी विविध सुविधांही बाजार समितीद्वारे देण्यात आल्या आहेत.

सोयाबीनसाठी प्रसिद्ध मात्र त्याबरोबर तूर, भुईमूग यांचीही आवक होणारी अमरावती बाजार समिती ''अ'' वर्ग बाजार समितीत येते. अमरावती व भातकुली या दोन तालुक्‍यांचा बाजार समितीच्या कार्यक्षेत्रात समावेश होतो. तब्बल २३६ गावे बाजार समितीच्या अंतर्गंत आहेत. बाजार समितीची स्थापना २७ ऑक्‍टोबर १९५६ रोजी बाजार समितीची स्थापना झाली. बडनेरा, भातकुली, शिराळा, आष्टी, खोलापूर, माहूली जहाॅँगीर, भातकुली, शिराळा, आष्टी, खोलापूर येथे समितीचे उपबाजार आहेत. बाजार समितीला ई-नाम प्रणाली मंजूर झाली आहे. रविवारी इथला धान्य बाजार बंद राहतो.

ठळक बाबी

  • धान्य व्यवहारासाठी ३७७, कापूस ८, भाजीपाला व्यवहारासाठी २०६, फळांसाठी ७४, बडनेरा उपबाजारासाठी ३०, जनावरे बाजारासाठी १० असे एकूण ७१२ अडते
  • खरेदीदार व्यापाऱ्यांची संख्या-३२४
  • खुल्या पद्धतीने लिलावाची प्रक्रिया पार पाडली जाते.
  • बाजार समितीचा परिसर १८ एकर १७ गुंठे.
  • फळे व भाजीपाला बाजार ८ एकर १४ गुंठे, बडनेरा जनावरांचा बाजार पाच एकर क्षेत्रावर विस्तारित
  • संपूर्ण परिसराला आवारभिंत  

एसएमएसद्वारे बाजारभाव
एसएमएसच्या माध्यमातून बाजारभावांची माहिती देण्याची सुविधा कार्यान्वित आहे. नोंदणीकृत शेतकऱ्यांना ही सेवा निशुल्क दिली जाते. साडेसात हजारावर शेतकऱ्यांनी यासाठी नोंदणी केली आहे. यासाठी बाजार समितीद्वारे प्रति एसएमएस १६ पैसे खर्च केले जातात.

बाजार समितीने पालटले भाजी बाजाराचे रूप
भाजीपाला बाजाराचे नियंत्रण पूर्वी नगरपालिकेद्वारा व्हायचे. पुढे बाजार समितीकडे त्याचे नियंत्रण आले. पावसाळ्याच्या दिवसांत चिखल व्हायचा. कचऱ्याची विल्हेवाट लावण्याची पुरेशी सोय नव्हती. यावर उपाय म्हणून बाजारातील व्यापाऱ्यांना कचरा ड्रम्सचे वाटप करण्यात आले. दोनशे रुपये शुल्क त्यापोटी आकारण्यात येते. खरे तर पूर्वी हे वाटप निशुल्क व्हायचे. परंतु, त्याचा दुरुपयोग झाल्याने शुल्क आकारणीचा निर्णय घेण्यात आला. आत्तापर्यंत ७० ड्रम्सचे वाटप करण्यात आले आहे. आता रस्त्यावर कचरा फेकला जात नाही. परिणामी, भाजी बाजार स्वच्छ ठेवणे शक्‍य झाले आहे. लवकरच येथील रस्त्याचे काॅँक्रीटीकरण करण्यात येणार आहे. तसा प्रस्ताव पणन मंडळाकडे देण्यात आल्याचे बाजार समितीचे सभापती प्रफुल्ल राऊत यांनी सांगितले. या थोड्याशा सुधारणेमुळे प्रतीदिवस १० ते १५ हजार रुपयांचा सेस वाढला. बाजार गुरुवारी बंद राहतो.

जनावरांच्या बाजाराचे नियंत्रण
बडनेरा येथील जनावरांच्या बाजाराद्वारे आठवड्याला एक लाख रुपयांपेक्षा अधिक सेस मिळतो. दर शुक्रवारी हा बाजार भरतो. देशी, संकरित गायी, मुऱ्हा, जाफराबादी म्हशी, शेळ्या तसेच घोडेदेखील या ठिकाणी विक्रीसाठी येतात.

शेतकऱ्यांसाठी प्रस्तावित सुविधा
माल घेऊन येणाऱ्या शेतकऱ्यांसाठी पाच रुपयांत जेवण देण्याची सुविधा सद्यस्थितीत आहे. जुन्या कंत्राटदाराचे कंत्राट संपल्याने लवकरच निविदा काढून ही सोय केली जाईल. पाण्यासाठी आरओ पद्धती असून दोनहजार लिटर प्रतितास पाण्याची उपलब्धता होणार आहे.

महत्त्वाचे प्रस्ताव 

  • भुईमूग विक्रीसाठी मेळघाटातील धारणी, चिखलदरा सारख्या दुर्गम भागातून शेतकरी बाजार समितीत येतात. खरेदी विक्रीला विलंब झाल्यास नाममात्र रुपयांत निवासाची सोय उपलब्ध करून देण्याचा प्रस्ताव पणन मंडळाकडे पाठविला आहे.  
  • बाजार समिती ते बस स्थानकापर्यंत शेतकऱ्यांसाठी बससेवा
  • शहीद जवानांच्या कुटुंबीयांसाठी अडीच ते दोन लाख रुपयांपर्यंत मदत करण्याचे नियोजन
  • आत्महत्याग्रस्त शेतकरी पाल्यांच्या शिक्षणासाठीही अशाप्रकारचे धोरण
  • शेतकरी कुटुंबासाठी कमी दरात वैद्यकीय सेवा

 
सीसीटीव्ही कक्षेत बाजार
पणन मंडळाकडे ‘सीसीटीव्ही’चा प्रस्ताव दिला आहे. साडेनऊ ते दहा लाख रुपयांचे महिन्याचे वीजबिल बाजार समिती भरते. ते पैसे वाचवण्यासाठी ‘सोलर’च्या माध्यमातून वीजनिर्मिती प्रस्तावीत आहे.
 
तारण माल योजनेचा करणार प्रसार
स्वनिधीतून राबविण्यात येणाऱ्या शेतमाल तारण योजनेला गेल्यावर्षी चांगला प्रतिसाद मिळाला. गेल्यावर्षी एक कोटी ५३ लाख रुपयांचा माल तारण ठेवण्यात आला. या योजनेचा अधिकाधिक शेतकऱ्यांनी फायदा घ्यावा यासाठी त्याचा प्रचार होण्यासाठी बाजार समिती प्रयत्नशील आहे. खरेदी विक्री सोसायटी अध्यक्षांची यासाठी मदत घेतली जाईल. गावागावात ध्वनीक्षेपक (लाऊडस्पीकर)च्या माध्यमातून जागृती केली जाणार आहे. शेतमाल किमतीच्या ७५ टक्‍के रक्‍कम दिली जाते. सहा टक्‍के व्याज यापोटी आकारले जाते. गोदाम भाडे वा अन्य कोणते शुल्क आकारले जात नाही. बाजार समितीकडे नऊ गोदामे आहेत. बाजार समितीची गोदामाची व्यवस्था अपुरी आहे. त्यामुळे शेतकऱ्यांनी तालुक्‍यातील कोणत्याही गोदामात माल ठेवल्यास त्यापोटीचे भाडेशुल्क बाजार समिती देणार असा ठराव घेण्यात आला आहे.

बाजारातील शेतमाल आवक क्‍विंटलमध्ये

२०१५-१६  
सोयाबीन    ११९७०१   
तूर     ८३५०९८   
हरभरा    ५९००१५   
भुईमूग     २३५११
गहू    ९०४३७

 

२०१६-१७  
सोयाबीन    २३९११८२
तूर     ९१११९०
हरभरा   ४५६१११
भुईमूग     १९२९२
गहू    ५७१७१

 

२०१७-१८  
सोयाबीन    १३२५१८३
तूर    ६५८५१७
हरभरा   ४३०८२५
भुईमूग    ३७०६३
गहू    ४५०३८

संपर्क : प्रफुल्ल राऊत, ८५५०९९५६७८

फोटो गॅलरी

इतर अॅग्रो विशेष
गहू पिकाचे जनुकीय विश्लेषण, सुसंगत...आंतरराष्ट्रीय संशोधकांच्या गटाने गहू पिकाचे...
वऱ्हाडात पावसाचे जोरदार पुनरागमनअकोला  : दोन दिवस उसंत घेतल्यानंतर वऱ्हाडात...
खान्‍देशात जोरदार पाऊसजळगाव : खानदेशात मागील २४ तासांत अनेक ठिकाणी...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यात पावसाने...
शासनाच्या नव्या निर्णयाचा महाबीज,...अकोला ः महाबीज आणि राष्ट्रीय बीज निगम यांच्या...
बियाणे उत्पादक शेतकऱ्यांना फरकाची रक्कम...मुंबई: राज्याला बियाणे उत्पादनात स्वयंपूर्ण...
राज्यातील धरणांमध्ये ५९ टक्के पाणीसाठापुणे : सह्याद्रीच्या घाटमाथ्यासह, मध्य...
बाळासाहेब ठाकरे ग्रामपंचायत बांधणी...मुंबई: राज्यातील ग्रामपंचायतींना स्वत:च्या...
‘ग्लायफोसेट’ला पर्याय काय? पुणे ः ग्लायफोसेट मानवी आरोग्य व पर्यावरणाला...
सेंद्रिय शेतीच्या प्रसारासाठी डॉ....मुंबई : राज्यातील शेतीक्षेत्रात रासायनिक खतांचा...
ग्लॅडिअोलस, गुलछडीतून दरवळला यशाचा सुगंधतांत्रिक शिक्षणाचा पुरेपुर वापर, नावीन्यांचा शोध...
‘बकरी ईद’चे उद्दिष्ट ठेवून बोकड संगोपन...बकरी ईदच्या सणाचे उद्दिष्ट ठेवत पुणे जिल्ह्यातील...
विदर्भात दणका; मराठवाड्यात जोरदारपुणे : राज्यात सुरू असलेल्या पावसाने...
तेलंगणातही आढळली लष्करी अळी हैदराबाद ः लष्करी अळीच्या प्रादुर्भावाने भारतासह...
केरळला २६०० कोटींचे पॅकेज द्या :...तिरुअनंतपूरम ः पुरामुळे केरळचे प्रचंड प्रमाणात...
केळी उत्पादकांना विमा परतावा सात...जळगाव ः हवामानावर आधारित फळ पीकविमा योजनेत जळगाव...
...तर दूध उत्पादकांना २५ रुपये दर देणे...पुणे: राज्यातील दूध उत्पादक शेतकऱ्यांना प्रतिलिटर...
गुणवत्तेच्या नावाखाली दूधदर कपातीचा...मुंबई : राज्यातील दूध उत्पादक शेतकऱ्यांनी...
काळी आई आणि तिच्या लेकरांवर प्रेम करा४ ऑगस्टच्या ‘अॅग्रोवन’मध्ये तीस वर्षे सतत फ्लॉवर...
युरियाचा वापर हवा नियंत्रितचपंधरा दिवसांच्या उघडिपीनंतर राज्यात पावसाने दमदार...