agricultural success story in marathi, Vermiwash production from waste material, Varudi, Jalna | Agrowon

टाकाऊ घटकांपासून दर्जेदार ‘व्हर्मीव्हॉशची’ निर्मिती
संतोष मुंढे
सोमवार, 27 ऑगस्ट 2018

बुद्धीचा कल्पक व कार्यक्षम वापर करून जयकिसन शिंदें (वरूडी, जि. जालना) येथील अल्पभूधारक शेतकऱ्याने शुद्ध, गाळणी केलेले व्हर्मीव्हॉश अर्थात गांडूळखत पाणी तयार करण्याचे सुलभ तंत्र विकसित केले आहे. विशेष म्हणजे हे तंत्र तयार करण्यासाठी टाकाऊ वस्तूंचा उपयोग झाला असून त्यासाठी अत्यंत अल्प खर्च आला आहे. सेंद्रिय घटकांमधील आवश्यक घटक असलेले व्हर्मीव्हॉश शेतकऱ्यांसाठी उपयुक्त असून शेतकऱ्यांसाठी ते पुरेशा प्रमाणात आपण उपलब्ध करू असे शिंदे म्हणतात.
 

बुद्धीचा कल्पक व कार्यक्षम वापर करून जयकिसन शिंदें (वरूडी, जि. जालना) येथील अल्पभूधारक शेतकऱ्याने शुद्ध, गाळणी केलेले व्हर्मीव्हॉश अर्थात गांडूळखत पाणी तयार करण्याचे सुलभ तंत्र विकसित केले आहे. विशेष म्हणजे हे तंत्र तयार करण्यासाठी टाकाऊ वस्तूंचा उपयोग झाला असून त्यासाठी अत्यंत अल्प खर्च आला आहे. सेंद्रिय घटकांमधील आवश्यक घटक असलेले व्हर्मीव्हॉश शेतकऱ्यांसाठी उपयुक्त असून शेतकऱ्यांसाठी ते पुरेशा प्रमाणात आपण उपलब्ध करू असे शिंदे म्हणतात.
 
जालना जिल्ह्यातील वरूडी येथे जयकिसन शिंदे यांची सुमारे सव्वा तीन एकर शेती आहे. त्यात डाळिंब हे मुख्य पीक असून कांदा, मका ही दुय्यम पिके आहेत. सेंद्रिय पद्धतीच्या उत्पादनाला शेततळ्यातील मत्स्यपालनाची जोड त्यांनी दिली आहे.

व्हर्मीव्हॉशची निर्मिती
अलीकडील काळात सेंद्रिय घटकांचा वापर शेतीत वाढला आहे. त्यातूनच शिंदे यांनी गांडूळखतावर आधारित ‘व्हर्मीव्हॉश’ तयार करण्याचं स्वकल्पनेतील छोटे पण सुलभ तंत्र तयार केले. त्यासाठी टाकाऊ वस्तूंचा वापर केला.

असे आहे हे सुलभ तंत्र
लागणारे साहित्य

  • घरात पडून असलेला जवळपास १५ लिटर क्षमतेचा प्लॅस्टिक कॅन
  • सलाईनची नळी
  • दोरीच्या साह्याने तयार केलेले शिंकाळे
  • सोळा लिटर क्षमतेचा माठ
  • ठिबकची नळी व सूक्ष्म ड्रीपर

तंत्राची रचना व जोडणी

  • छायाचित्रात दिसत असल्याप्रमाणे शेतातील चिकूच्या घनदाट सावली देणाऱ्या झाडावर प्लॅस्टिकची टाकी किंवा कॅन ठेवला आहे.
  • त्यातील पाणी माठापर्यंत पोहचविण्यासाठी सलाईनच्या नळीचा वापर केला आहे.
  • चिकूच्या झाडावरच कॅनपेक्षा कमी उंचीवर दुसऱ्या एका फांदीवर दोरीच्या साह्याने शिंकाळे तयार केले आहे. त्यात माठ ठेवला आहे.
  • माठाच्या तळाशी जवळपास अर्धा ते एक इंचाचे विटांचे तुकडे टाकले. त्यांवर विटांचेच अजून बारीक आकाराच्या तुकड्यांचा थर आहे. त्यावर वाळूच्या मोठे खड्यांचा थर, त्यावर बारीक रेतीचा थर, त्यावर बारीक सुती कापड, त्यावर मातीचा जवळपास चार इंचीचा थर व त्यावर शेणाचा थर आहे.
  • माठाच्या बुडाला १६ मिमी आकाराचे छिद्र पाडले आहे. त्यात ठिबकची नळी बसवली आहे.
  • रबरी वायसर व १६ मिनी आकाराचे टेकअप यांद्वारे माठ व नळी ही यंत्रणा ‘फीट’ केली आहे.
  • ठिबकच्या नळीला सूक्ष्म ड्रीपर्स बसवले आहेत.

असे तयार होते ‘व्हर्मीव्हॉश’

  • झाडावर ठेवलेल्या कॅनमधील पाणी सलाईन नळीच्या साह्याने माठात येते. तेथे वरच्या बाजूला असलेल्या शेणाच्या थरावर ते पडते. माठात सुमारे अर्धा किलो गांडूळ कल्चर सोडले जाते.
  • सुमारे बारा तासात किमान दोन ते अडीच लिटर म्हणजे चोवीस तासांत चार लिटरपेक्षा जास्त पाणी कॅनमधून माठात येणार नाही याची दक्षता घेतली जाते. त्यासाठी सलाईन नळीला लावलेला खटका पाणी पडण्याच्या वेगाला नियंत्रित करतो.
  • पाणी माठातील विविध थरांतून पाझरून बुडाशी जाते. त्यातून ते ठिबकच्या नळीद्वारे
  • थेंबाथेंबाने खाली येते. ते प्लॅस्टिक बॉटलमध्ये संकलित केले जाते.
  • शुद्ध, उत्तम क्वालिटीचे व्हर्मीव्हॉश त्यातून मिळते.

शिंदे यांच्या शेतीची वैशिष्ट्ये

  • सन २०१५ मध्ये शिंदे यांनी औरंगाबाद येथील ‘वाल्मी’ संस्थेतून पाणी व्यवस्थापन विषयात प्रशिक्षण घेतले. त्यानंतर या विषयात काहीतरी करायचे त्यांनी ठरवले.
  • जालना येथील कृषी विज्ञान केंद्रातील तज्ज्ञांचे मार्गदर्शनही या तंत्र विकासात घेतले.
  • बारा तासांत किमान दोन ते अडीच लिटर व चोवीस तासांत चार लिटरपेक्षा जास्त पाणी झिरपणार नाही याची दक्षता घेतली.
  • बायोडायनॅमिक खताच्या कल्चरचीही निर्मिती
  • हवामानाचा अंदाज घेऊन शेतीचे नियोजन
  • शेततळ्यातील मत्स्यपालन गेल्या काही वर्षांपासून सुरू

गांडूळांची उपलब्धता
व्हर्मीव्हॉश तयार करण्यासाठी सुरवातीला शिंदे यांनी जवळच्याच वाहेगाव येथील शेतकऱ्याकडून सुमारे अर्धा किलो गांडूळ कल्चर आणले. त्यांची उत्पत्ती सातत्याने होत असल्याने एका कचरा थरात ती सोडली जातात. व्हर्मीव्हॉशसाठी गांडूळे सहज उपलब्ध व्हावीत यासाठी बागेतील चिकूच्या झाडाखालीच खताच्या गोणीचे कापड अंथरले आहे. त्यावर जवळपास चार इंची मातीचा व त्यावर शेणाचा थर टाकला अाहे. त्यात गांडूळ सोडलेली अाहेत. त्यामध्ये सातत्याने ओलावा ठेवण्याचा प्रयत्न केला जातो. तेथेही गांडूळाची उत्पत्ती झाल्यास शेतात ती सोडण्यात येतात.

कल्पनेला कृतीची जोड दिली की अशक्‍यप्राय गोष्टही सहज शक्‍य होते. जयकिसन शिंदे यांनी टाकाऊ वस्तूंच्या उपयोगातून ‘व्हर्मीव्हाॅश’ तयार करणारे साधे सोपे तंत्र विकसित केले आहे. अन्य शेतकऱ्यांनाही ते तयार करणे सहज शक्‍य आहे. यातून सेंद्रिय घटकांचा वापर वाढून पिकांची गुणवत्ता वाढण्यासही मदत होईल.
डॉ. एस. बी. पवार
प्रमुख, राष्ट्रीय कृषी संशोधन प्रकल्प, औरंगाबाद

 
शेतकऱ्यांची गरज लक्षात घेऊन मी दर्जेदार व्हर्मीव्हॉश तयार केले आहे. सध्या माझ्या शेतीत त्याचा वापर सुरू आहे. शेतकऱ्यांनी आपली मागणी कळवल्यास त्यानुसार उपलब्ध करणे शक्य आहे.
जयकिसन शिंदे, ९५९५६१४०७०

 

फोटो गॅलरी

इतर टेक्नोवन
शेततळ्यातील बाष्पीभवन रोखण्याचे विविध...सध्या सर्वत्र दुष्काळाची स्थिती आहे. पिके...
हरितगृहातील प्रकाशाचे नियंत्रण...हरितगृहातील प्रकाशाच्या कार्यक्षम व्यवस्थापनासाठी...
गूळ प्रक्रियेच्या आधुनिक पद्धतीआरोग्यासाठी गूळ उत्तम असून, त्याची लोकप्रियता...
जलनियंत्रण बॉक्सद्वारे कमी करता येईल...अधिक काळ पाण्याखाली राहत असलेल्या जमिनीतून...
योग्य पद्धतीनेच वापरा पॉवर टिलर पॉवर टिलर चालू करीत असताना डेप्थ रेग्युलेटर चालू...
शेतात केले पेरणी ते मळणी यांत्रिकीकरणनंदुरबार जिल्ह्यातील आडगाव (ता. शहादा) येथील...
बॅटरीरहित उपकरणांचे स्वप्न येईल...सध्या विविध स्मार्ट उपकरणे बाजारात येत आहेत....
छोट्या यंत्रांनी होतील कामे सुलभया वर्षी दापोली येथे पार पडलेल्या संयुक्त कृषी...
पेरणी यंत्राचा वापर फायदेशीर ठरतो...बियाण्यांच्या लहान मोठ्या अाकरावरून पेरणीचा...
कमी वेळेत चांगल्या मशागतीसाठी रोटाव्हेटर१९३०च्या दशकात रोटरी कल्टिव्हेटर (रोटा + व्हेटर)...
पाच मिनिटांत एका एकरवर फवारणी !...शेतीमध्ये आधुनिक तंत्रज्ञान आले पाहिजे, असे जो तो...
रोपांच्या मुळांची गुंडाळी टाळण्यासाठी...ट्रे किंवा प्लॅस्टिक पिशव्यांमध्ये रोपांची...
आरोग्यदायी कडधान्य चिप्सतेलकट बटाटा चिप्सचे प्रमाण बाजारपेठेमध्ये वेगाने...
सुधारित अवजारे करतात कष्ट कमीवैभव विळा : १) गहू, ज्वारी, गवत कापणी जमिनीलगत...
सुधारित ट्रेलरमुळे कमी होईल अपघाताचे...ट्रॅक्टर व उसाने भरलेला ट्रेलर हे ग्रामीण...
कांदा बी पेरणी यंत्राने लागवड खर्चात बचतश्रीरामपूर (जि. नगर) येथे साधारण बारा वर्षांपासून...
मका उत्पादनाच्या अचूक अंदाजासाठी...विविध पिकांची लागवड देशभरामध्ये होत असते. मात्र,...
मळणी यंत्राची कार्यक्षमता महत्त्वाची...मळणी यंत्राची कार्यक्षमता ही जाळीचा आकार, जाळीचा...
योग्य पद्धतीने वापरा मळणी यंत्रसुरक्षित मळणी करण्यासाठी आयएसआय मार्क असलेले...
घरीच तयार करा सौरकुकरआपल्याकडे सौरऊर्जा मोठ्या प्रमाणात उपलब्ध आहे,...