agriculture news in marahi, farmers award dose not have any fund, jalgaon, maharashtra | Agrowon

जळगावमध्ये आदर्श शेतकरी पुरस्कारासाठी तरतूद नाहीच
चंद्रकांत जाधव
गुरुवार, 28 सप्टेंबर 2017
 जुलै महिन्यात आम्ही आदर्श शेतकरी किंवा कृषी पुरस्कारांसाठी तरतूद करण्याची मागणी केली. स्वनिधीचे पुनर्विलोकन करताना तरतूद वाढविणे शक्‍य होते, पण ही तरतूद अजूनही झालेली दिसत नाही. 
- नानाभाऊ महाजन, सदस्य, जळगाव जिल्हा परिषद.
जळगाव : येथील जिल्हा परिषदेतर्फे कृषी विभागाच्या माध्यमातून २०१२ पर्यंत आदर्श शेतकरी पुरस्कार दिले जात होते, पण ही परंपरा बंद झाली. जिल्हा परिषदेने पुन्हा ही परंपरा सुरू करावी, अशी मागणी मागील सर्वसाधारण सभेत सदस्यांनी केली. पण अद्यापही या पुरस्कारांसंबंधीची तरतूद जिल्हा परिषदेच्या वित्त विभागाने केलेली नाही. यामुळे सदस्यांमध्ये नाराजी आहे. 
 
जिल्हा परिषदेतर्फे यापूर्वी प्रत्येक तालुक्‍यातील प्रयोगशील, संघर्ष केलेल्या शेतकऱ्यांना आदर्श शेतकरी पुरस्कार प्रदान केले जात होते. स्मृतिचिन्ह व शाल असे पुरस्काराचे स्वरूप असायचे. परंतु २०१२ पासून ही परंपरा बंद पडली. मध्यंतरी म्हणजेच २०१४ मध्ये ही परंपरा पुन्हा सुरू झाली, परंतु जिल्हा परिषदेच्या प्रशासनाने २०१५ साठी या पुरस्कारांबाबत तरतूद न केल्याने २०१५ पासून ही परंपरा पुन्हा खंडित झाली. 
 
मागील जुलै महिन्यात जिल्हा परिषदेच्या सर्वसाधारण सभेमध्ये आदर्श शेतकरी पुरस्कारांची परंपरा पुन्हा सुरू करावी, अशी मागणी सदस्यांनी केली. सदस्य नानाभाऊ महाजन व इतरांनी ही मागणी उचलून धरली. त्यानुसार या पुरस्कारांसंबंधी तरतूद केली जाईल, असे आश्‍वासन पदाधिकाऱ्यांनी सभेत दिले होते. परंतु आता ऑक्‍टोबर महिना जवळ आला तरी तरतूद झालेली नसल्याचे समोर आले आहे. 
 
जिल्हा परिषदेने आपल्या स्वनिधीचे (अर्थसंकल्प) अलीकडेच पुनर्विलोकन केले आहे. त्यात कृषी विभागासाठी तरतूद वाढवून पुरस्कारांसाठी निधी ठेवण्याची संधी जिल्हा परिषद प्रशासनाला होती. परंतु तशी कुठलीही तरतूद प्रशासनाने केलेली नसल्याची माहिती जिल्हा परिषदेच्या सदस्यांनी दिली आहे. 
 
जिल्हा परिषदेची सर्वसाधारण सभा आता येत्या ११ ऑक्‍टोबरला आहे. या सर्वसाधारण सभेत सदस्य आदर्श शेतकरी पुरस्कारांचा मुद्दा मांडणार असून, प्रशासनाला जाब विचारणार असल्याची माहिती मिळाली. 

इतर ताज्या घडामोडी
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...
‘कृष्णामाई’चा कर्नाटकातील काठ तहानला;...कोल्हापूर : कृष्णा नदीवर अवलंबून असणाऱ्या कर्नाटक...
जळगावात लिंबू २२०० ते ५००० रुपये...जळगाव  : कृषी उत्पन्न बाजार समितीमध्ये...
देशभरात ७२४ महिला उमेदवारांचे भवितव्य...नवी दिल्ली : देशात नुकत्याच झालेल्या लोकसभा...
गारपिटीनंतर द्राक्ष बागेची अधिक काळजी...द्राक्ष बागेमध्ये वाढीच्या विविध अवस्थेमध्ये...
अमरावती : नाफेडने अचानक केली तूरखरेदी...अमरावती : ऑनलाइन नोंदणी केलेल्या दहा टक्‍के...
बुलडाणा जिल्ह्यात भीषण पाणीटंचाईबुलडाणा ः गेल्या काही वर्षांत पहिल्यांदाच...
दुष्काळात संत्रा बागेला टँकरच्या...अकोला ः दुष्काळी परिस्थितीने शेतकऱ्याला चौफेर...
खानदेशात सौर कृषिपंप योजनेतून लवकरच पंप...जळगाव ः सौर कृषिपंपासाठी खानदेशातून ८ हजार ९५०...
मिरज, तासगावसह सिंधुदुर्गात पाऊससिंधुदुर्ग, सांगली : विजांच्या कडकडाटांसह...
मराठवाड्यात नवीन खासदारांबाबत उत्कंठानांदेड : मराठवाड्यातील आठ लोकसभा मतदारसंघांतील...
कोल्हापूर, सांगलीत निकालाची उत्सुकता...सांगली : लोकसभा निवडणुकीची मतमोजणी गुरुवारी (ता....
सोलापूर, माढ्याच्या निकालाकडे देशाचे...सोलापूर : अत्यंत प्रतिष्ठेच्या ठरलेल्या...
परभणी जिल्ह्यातील ग्रामीण भागात ७५...परभणी : जिल्ह्याच्या ग्रामीण भागात पाणीटंचाईचे...
यसनी तोडून पुढे या : रमेश घोलपसोलापूर  : "परिस्थितीने बांधलेल्या यसनी तोडत...
पुणे विभागासाठी साडेपाच कोटींवर वृक्ष...पुणे  ः पर्यावरणाचे संतुलन अबाधित...
सोयाबीन उत्पादकांना पीकविम्याची रक्कम...मुंबई  : शासनाच्या विशेषतः कृषी विभागाच्या...
आमदार निधीतून दुष्काळग्रस्त भागासाठी...मुंबई  ः दुष्काळग्रस्त भागातील जनतेला आमदार...