agriculture news in marathi, 10 percent seed sale in Ahmednagar District | Agrowon

नगर जिल्ह्यात बियाण्यांची अवघी दहा टक्के विक्री
टीम अॅग्रोवन
शुक्रवार, 22 जून 2018

नगर ः खरिपासाठी जिल्ह्यामध्ये मागील तीन वर्षांची सरासरी गृहित धरून यंदा ६२ हजार ५७६ क्विंटल बियाण्याची मागणी केली. त्यातील जवळपास सत्तर टक्‍क्‍यांपेक्षा अधिक बियाणे उपलब्धही झाले. मात्र, पाऊस नसल्याने बियाण्यांना मागणी नाही. आतापर्यंत साधारण दहा टक्केही बियाण्यांची विक्री झालेली नाही. त्यामुळे शेतकऱ्यांसोबत बियाणे विक्रेतेही हतबल झाले आहेत. 

नगर ः खरिपासाठी जिल्ह्यामध्ये मागील तीन वर्षांची सरासरी गृहित धरून यंदा ६२ हजार ५७६ क्विंटल बियाण्याची मागणी केली. त्यातील जवळपास सत्तर टक्‍क्‍यांपेक्षा अधिक बियाणे उपलब्धही झाले. मात्र, पाऊस नसल्याने बियाण्यांना मागणी नाही. आतापर्यंत साधारण दहा टक्केही बियाण्यांची विक्री झालेली नाही. त्यामुळे शेतकऱ्यांसोबत बियाणे विक्रेतेही हतबल झाले आहेत. 

नगर जिल्ह्यामध्ये खरिपात भात, ज्वारी, बाजरी, मका, तूर, मूग, उडीद, भुईमूग, तीळ, सूर्यफूल, सोयाबीन, कापूस ही पिके प्राधान्याने घेतली जातात. जिल्ह्यामध्ये या वर्षी चार लाख ८० हजार ५५० हेक्‍टर क्षेत्रावर पेरणी होण्याचा कृषी विभागाचा अंदाज आहे. त्यानुसार नियोजन केले जात आहे. यंदाच्या खरिपासाठी कृषी विभागाने ६२ हजार ५७६ क्विंटल बियाण्याची मागणी केलेली आहे.

मागील तीन वर्षांत २०१५ मध्ये ३१ हजार १३८, २०१६मध्ये ५५०८१, आणि गेल्या वर्षी २०१७ मध्ये ४४१८० क्विंटल बियाण्यांची विक्री झाली होती. त्यानुसार मागील तीन वर्षांत बियाण्यांची केलेली मागणी आणि विक्री याची सरासरी काढून बियाण्यांची मागणी केली आहे. मात्र, यंदा पावसाळा सुरू होऊन पंधरा दिवसांचा कालावधी झाला असला तरी अजूनही पेरणी आणि कापूस लागवडीसाठी अपेक्षित पाऊस नाही. त्याचा गंभीर परिणाम बियाणे विक्रीवर झाला आहे. आतापर्यंत ८० टक्‍क्‍यांपर्यंत बियाणे उपलब्ध झाले आहेत. मात्र, पाऊस नसल्याने शेतकऱ्यांना बियाणे घेण्याबाबत उत्साह नाही. जोरदार पाऊस नेमका कधी पडेल, याचीही शाश्‍वती नसल्याने कोणते बियाणे घ्यावे याबाबतही शेतकऱ्यांत साशंकता आहे. 

मूग, उडीद, बाजरीचे क्षेत्र घटणार 
पावसाला उशीर होत असल्याने पेरण्या लांबत आहेत. त्यामुळे आता मूग, उडिदाचे क्षेत्र घटणार आहे. त्याजागी कांदा लागवड होण्याचा अंदाज व्यक्त केला जात आहे. लवकर पाऊस आला नाही तर कापसालाही फटका बसू शकतो असे जाणकारांचे मत आहे.

यंदा वेगवेगळ्या नवीन वाणांचे बियाणे उपलब्ध झाले आहे. मात्र, पाऊस नसल्याने बियाण्यांची खरेदी करण्यासाठी शेतकऱ्यांचा उत्साह अजून दिसत नाही. गतवर्षी या दिवसापर्यंत जवळपास पन्नास टक्‍क्‍यांहून अधिक बियाणे विक्री झाले होते. त्या तुलनेत यंदा विक्री नाही.
- ऋषभ गांधी, बियाण्यांचे विक्रेते, नगर

इतर ताज्या घडामोडी
सूज, जखमांवर काळी अळू उपयुक्त स्थानिक नाव    : काळी अळू...
खानदेशातील पपई पीक अंतिम टप्प्यातनंदुरबार : पपई दरांमध्ये दर आठवड्याला...
जालन्यात कृषिमाल निर्यात केंद्र सुरू जालना : येथील कृषी उत्पन्न बाजार समितीच्या...
कोल्हापूर जिल्ह्यात ट्रॅक्‍टर, पॉवर...कोल्हापूर/गडहिंग्लज : वर्षभराच्या प्रतीक्षेनंतर...
औरंगाबादेत खरबूज प्रतिक्‍विंटल १००० ते...औरंगाबाद : येथील कृषी उत्पन्न बाजार...
विद्यापीठांपेक्षा शेतकरी संशोधनात...सांगली : सध्या विद्यापीठाच्या तंत्रज्ञानापेक्षा...
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...