agriculture news in marathi, 120 ton banana daily export to UAE from raver and Shahada | Agrowon

आखातात रावेर, शहाद्यातून प्रतिदिन १२० टन निर्यात
चंद्रकांत जाधव
शुक्रवार, 27 एप्रिल 2018

जळगाव : अफगाणिस्तान, पाकिस्तानात रस्त्याने होणारी रोजची वाहतूक ठप्प झाल्याने महिन्याला एक हजार मेट्रिक टन केळीची निर्यात रोडावली आहे. देशातून जहाजाद्वारे अफगाणिस्तान व पाकिस्तानात होणारी निर्यातही अधिकचा वेळ आणि खर्च, यामुळे रखडतच सुरू आहे. केळी दरावर दबाव वाढला असून, निर्यातक्षम केळी उत्पादकांना क्विंटलमागे ऑनचा (जादा) ३०० रुपये दर देण्यास निर्यातदार असमर्थता दाखवित आहेत. परिणामी रावेर (जि. जळगाव) व शहादा (जि. नंदुरबार) येथील केळी उत्पादकांना महिन्याला सुमारे १२०० कोटी रुपयांचा फटका बसत आहे. 

जळगाव : अफगाणिस्तान, पाकिस्तानात रस्त्याने होणारी रोजची वाहतूक ठप्प झाल्याने महिन्याला एक हजार मेट्रिक टन केळीची निर्यात रोडावली आहे. देशातून जहाजाद्वारे अफगाणिस्तान व पाकिस्तानात होणारी निर्यातही अधिकचा वेळ आणि खर्च, यामुळे रखडतच सुरू आहे. केळी दरावर दबाव वाढला असून, निर्यातक्षम केळी उत्पादकांना क्विंटलमागे ऑनचा (जादा) ३०० रुपये दर देण्यास निर्यातदार असमर्थता दाखवित आहेत. परिणामी रावेर (जि. जळगाव) व शहादा (जि. नंदुरबार) येथील केळी उत्पादकांना महिन्याला सुमारे १२०० कोटी रुपयांचा फटका बसत आहे. 

मागील २० ते २५ दिवसांपासून केळीवरील ऑनचे दर मिळणे बंद झाले आहे. रावेर व शहादा येथे दर महिन्याला सुमारे चार हजार मेट्रिक टन केळीची उलाढाल होते.  पाकिस्तान, अफगाणिस्तानमध्ये विनाअडथळा निर्यात सुरू असताना केळी उत्पादकांना खरेदीदार किंवा निर्यातदार क्विंटलमागे ३०० रुपयांपर्यंत ऑनचे दर देत होते. यात सुमारे १३५० ते १४०० रुपये प्रतिक्विंटलचे दर रावेर व शहादा येथील केळी उत्पादकांना मिळत होते. परंतु निर्यातीसंबधी अडचणी वाढल्या आणि उष्णता वाढताच केळीची आवकही अधिक आहे.  

जम्मू व काश्‍मिरातून पुढे पाकिस्तानात होणारी केळीची निर्यात सुमारे दीड महिन्यापासून बंद असून, जहाजाद्वारे तेथे केळीची निर्यात मध्यंतरी पुणे भागातील निर्यातदारांनी सुरू केली. परंतु कराची बंदर अनेकदा कंटनेर उतरविण्यास उपलब्ध होत नाही. मग केळी निर्यातदारांना  इराणमधील अब्बास बंदरावर केळी पाठवावी लागते. तेथेही पाकिस्तान व अफगाणिस्तानमध्ये पाठविली जाणारी केळी तीन तीन दिवस पडून राहायची, कारण वाहतूकदार व सुरक्षेचे मुद्दे अधिक वेळ घेतात. निर्यात खर्च वाढल्याने तेथील व्यापाऱ्यांनाही जादा दरात केळी खरेदी करावी लागत आहे. ते त्यांना परवडत नसल्याने मागणी कमी झाली असून, त्याचा निर्यातीवर परिणाम झाला आहे. 

मध्य पूर्व आखातात मागणी
इराण, बहरीन, ओमन, सौदी अरेबिया आदी आखाती देशांमध्ये केळीची मागणी आहे. इराणमधील आयातदारांनी फिलिपिन्समध्ये केळीची करार शेती सुरू केली आहे, परंतु तेथे हंगाम संपल्याने केळीचा तुटवडा आहे. त्यामुळे इराणमधून भारतीय केळीची सातत्याने मागणी असून, रावेर, बऱ्हाणपूर (मध्य प्रदेश) व शहादा येथून इराण येथे केळी पाठविली जात आहे. आखातात रावेर येथून रोज चार कंटेनर (एक कंटेनर २० मेट्रिक टन) व शहादा येथून दोन कंटनेर केळी पाठविली जात आहे. 

बडवानी (मध्य प्रदेश) येथील केळीला उष्णता व अयोग्य जल व्यवस्थापनाचा फटका बसला असून, निर्यातक्षम केळी तेथे सध्या उपलब्ध होत नसल्याची स्थिती आहे. निर्यातीसाठी तेथे दोन कंपन्या पोचल्या होत्या. एका कंपनीने केळी पॅकिंग व इतर कार्यवाहीसाठी चार अधिकारी (वेंडर) यांची नियुक्तीही केली होती. तेथून प्रतिदिन दोन कंटनेर केळीची खरेदी करण्याचे नियोजन संबंधित कंपन्यांनी केले होते. परंतु केळीवरील चमकदारपणा हवा तसा नाही. केळीचा घेर व लांबी यासंबंधीदेखील समाधानकारक स्थिती नसल्याने बडवानी येथून केळी निर्यातदार कंपन्यांनी गाशा गुंडाळला असून, रावेर व शहादाकडे या कंपन्या दाखल झाल्या आहेत. 

इतर अॅग्रो विशेष
आज संत तुकाराम बीजदेहू, जि. पुणे  : जगद्‌गुरू संत श्री तुकाराम...
उज्ज्वल भविष्याचा सर्वोत्तम मार्ग ‘जल...भारत जलसंकट समस्येचा सामना करत आहे. वाढती...
जल‘मुक्त’ शिवारवॉ टर ग्रीडच्या माध्यमातून मराठवाड्यातील सर्व...
राज्यात शंभर लाख टन साखर उत्पादनभवानीनगर, जि. पुणे ः राज्यात ३० टक्के हुमणीग्रस्त...
मध्य महाराष्ट्र, मराठवाड्यात अवकाळीची...पुणे : रविवारी, सोमवारी पुन्हा काही अंशी...
जैविक कीड-नियंत्रणासाठी उपयुक्त बुरशीगेल्या काही वर्षांमध्ये कीडनियंत्रणासाठी...
केशर आंबा फळगळीची कारणे अन् उपाययोजना  सद्यःस्थितीत हवामान आंबा झाडांसाठी...
रसदार उन्हाळी काकडी अर्थकारणाला देतेय...जळगाव जिल्ह्यात पाचोरा, जामनेर, यावल, जळगाव आदी...
बॅंक अधिकारी झाला पूर्णवेळ प्रयोगशील...विशाखापट्टण व त्यानंतर हैद्रराबाद येथे खासगी...
स्मार्ट प्रकल्पाचा केंद्रबिंदू शेतमाल ‘...पुणे : राज्यातील बहुतेक शेतकऱ्यांना आता पिकवायचे...
पूर्व विदर्भात गारपीटपुणे  ः दोन दिवसांपूर्वी मध्य भारतात तयार...
जनावराच्या आहारात पाणी महत्त्वाचेजनावरांचे योग्य पोषण होण्यासाठी तसेच दुग्धोत्पादन...
राज्यात १७८ तालुक्यांत भूजल चिंताजनकपुणे ः कमी झालेला पाऊस, वाढत असलेला पाण्याचा उपसा...
दरामुळे साखरेचा रंग फिकाकोल्हापूर : साखरेचे विक्री मूल्य वाढविल्यानंतरही...
‘उजनी’तील पाणीसाठा उणे पातळीत सोलापूर  ः सोलापूर जिल्ह्याची वरदायिनी...
राज्यभरात अन्नत्याग आंदोलनमुंबई ः शेतकरी साहेबराव करपे व कुटुंबीयांप्रती...
मार्चनंतरही पणन करणार कापूस बाजारात...यवतमाळ ः शेतकऱ्यांच्या घरातील कापूस विकल्या...
मढी यात्रेला बुधवारपासून प्रारंभनगर ः होळीच्या दिवशी सकाळी कानिफनाथांच्या समाधीला...
दर्जेदार ऊसबेण्याची केली निर्मिती काशीळ (ता. जि. सातारा) येथील उच्चशिक्षित व...
मतदानासाठी सकाळी सात ते सायंकाळी...अकोला ः देशात होत असलेल्या लोकसभा...