कांदाचाळीसाठी सव्वाशे कोटींचा निधी

कांदा चाळ
कांदा चाळ

नगर  ः एकात्मिक फलोत्पादन विकास कार्यक्रमांतर्गत यंदा राज्यातील १४ हजार १४३ शेतकऱ्यांना पहिल्या टप्प्यात कांदाचाळीचा लाभ मिळणार आहे. त्यासाठी २८ जिल्ह्याला १२३ कोटी ७५ लाख रुपयांचा निधी देण्यात आला आहे. यंदा  कांदाचाळीसाठी शेतकऱ्यांनी ऑनलाइन अर्ज केलेले असून, प्रत्येक तालुक्‍यात सोडत पद्धतीने क्रमावारी करून यादी निश्‍चित केलेली आहे. यंदा शासनाने राष्ट्रीय कृषी विकास योजनेच्या विविध योजनांच्या लाभासाठी ऑनलाइन अर्ज मागवले होते. त्यानुसार ३ लाख २१ हजार ५०० शेतकऱ्यांनी अर्ज केलेले असून, त्यातील कांदाचाळीची मागणी करणारे सुमारे दीड लाखाच्या जवळपास अर्ज आहेत. शासनाने पहिल्या टप्प्यात २८ जिल्ह्यांसाठी १२३ कोटी ७५ लाख रुपये मंजूर केलेले आहेत. त्यातून सर्वसाधारण प्रवर्गातील ११३२५, अनुसूचित जातीचे १४५४ व जमातीचे १३६४, अशा १४ हजार १४३ लाभार्थ्यांना त्याचा लाभ मिळणार आहे. कांदा उत्पादन घेतले जात नसलेल्या नागपूर, गडचिरोली, पालघर, रत्नागिरी, रायगड, सिंधुदुर्ग जिल्ह्यांसाठी मात्र निधी दिलेला नाही. मागणी अर्ज अधिक असल्याने सोडत पद्धतीने निवडी यादी निश्‍चित केली असल्याचे कृषी विभागातून सांगण्यात आले. मात्र प्राप्त निधीचा विचार करता पहिल्या टप्प्यात मागणीच्या तुलनेत दहा टक्केही लोकांना कांदाचाळीचा लाभ मिळणार नाही. जिल्हानिहाय उपलब्ध झालेला निधी ठाणे ः ८७ हजार ५००, नाशिक ः २० कोटी ७३ लाख, धुळे ः ४ कोटी २८ लाख, नंदुरबार ः १ कोटी ५२ लाख, जळगाव ः २ कोटी ७१ लाख, पुणे ः ६ कोटी १२ लाख, नगर ः २७ कोटी ९७ लाख, सोलापूर ः ४ कोटी ३७ लाख, कोल्हापूर ः १ लाख ७५ हजार, सातारा ः ७८ लाख ७५ हजार, सांगली ः १४ लाख, औरंगाबाद ः १३ कोटी १२ लाख, जालना ः ८ कोटी ५ लाख, बीड ः १० कोटी सहा लाख, लातूर ः ५ कोटी २५ लाख, नांदेड ः ३० लाख ६२ हजार, परभणी ः ३ कोटी ४१ लाख, हिंगोली ः २६ लाख, उस्मानाबाद ः ५ कोटी २५ लाख, अमरावती ः २२ लाख ७५ हजार, अकोला ः ८७ लाख ५० हजार, वाशीम ः १९ लाख, यवतमाळ ः २ कोटी ३६ लाख, बुलडाणा ः ५ कोटी ३३ लाख, चंद्रपूर ः ९ लाख ६२ हजार, गोंदिया ः १ लाख ७५ हजार, भंडारा ः ४ लाख ३७ हजार, वर्धा ः १९ लाख २५ लाख.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com