मूग, उडदाच्या नोंदणीला १५ दिवसांचीच मुदत

अकोला ः किमान आधारभूत किंमत योजनेअंतर्गत नाफेडच्या वतीने मूग, उडीद खरेदी केली जात असून, अाॅनलाइन नोंदणी प्रक्रिया सुरू करण्यात अाली आहे. मूग, उडदासाठी मंगळवार (ता. २५) पासून ९ अाॅक्टोबरपर्यंत म्हणजेच १५ दिवसांची मुदत देण्यात अाली अाहे. तर सोयाबीनसाठी १ ते ३१ अाॅक्टोबर अशी अाॅनलाइन नोंदणीची मुदत अाहे. मात्र प्रत्यक्ष खरेदी केव्हापासून सुरू होणार याबाबत स्पष्टता नाही. या वर्षी हमीभावाने खरेदी पणन महासंघ (मुंबई) व विदर्भ पणन महासंघ (नागपूर) यांच्याकडून केली जाणार आहे. सद्यःस्थितीत बाजारपेठेत या तीनही शेतीमालाचे दर हमीभावापेक्षा कमी असल्याने शासकीय खरेदीसाठी सातत्याने मागणी केली जात होती. अखेरीस शासनाने २५ सप्टेंबरपासून अाॅनलाइन नोंदणीचे सुरू केली आहे. मूग व उडीद विक्रीच्या दृष्टीने अाॅनलाइन नोंदणीसाठी १५ दिवस देण्यात अालेले असले तरी त्यानंतरसुद्धा जर अावक झालीच, तर खरेदी सुरू झाल्यापासून पहिले १५ दिवस नोंदणी होऊ शकेल. त्यानंतर मात्र ही नोंदणी करता येणार नाही. या वेळी पोर्टलवर नोंदविल्या जाणाऱ्या पीक क्षेत्राचा सातबारा व प्रत्यक्ष स्थळ पाहणी कृषी व महसूल विभागाकडून केली जाणार अाहे. शासनाने सध्या केवळ नोंदणीबाबत निर्देश दिले अाहेत. खरेदी केंद्र कधीपासून कार्यान्वित होतील, याचे अादेश जिल्हा यंत्रणांना अद्याप मिळालेले नाहीत. 

असे आहेत हमीभाव या हंगामासाठी केंद्राने मुगाला प्रतिक्विंटल ६९७५ रुपये, तर उडदाला ५६०० हमीभाव जाहीर केलेला अाहे. सोयाबीनला ३३९९ रुपये दर अाहे. मूग, उडदासाठी २५ सप्टेंबर ते ९ अाॅक्टोबरपर्यंत मुदत देण्यात अाली अाहे. तर सोयाबीनसाठी १ ते ३१ अाॅक्टोबर अशी अाॅनलाइन नोंदणीची मुदत अाहे.

कागदपत्रे आणि आर्द्रता अाॅनलाइन नोंदणीसाठी आधार कार्डची प्रत, मूग, उडीद किंवा सोयाबीन या पिकांची नोंद असलेला सातबारा उतारा सादर करावयाचा आहे. शेतकऱ्याचा कार्यरत असलेला मोबाईल नंबर खरेदी केंद्रावर द्यावयाचा आहे. नोंदणी झालेल्या शेतकऱ्यांना नोंदणीच्या क्रमवारीनुसार माल आणण्यासाठी एसएमएसद्वारे कळविले जाणार अाहे. शेतकऱ्यांनी ज्या केंद्रावर नोंदणी केलेली आहे, त्याच केंद्रावर माल विकता येईल. एफएक्यू दर्जाचा माल म्हणजेच काडीकचरा नसलेला, चाळणी करून व सुकवून १२ टक्क्यांपेक्षा जास्त आर्द्रता नसलेला शेतीमाल आणावा.