जळगाव जिल्ह्यात नोंदणीकृत १५ हजार क्विंटल तूर खरेदी शिल्लक

जळगाव जिल्ह्यात नोंदणीकृत १५ हजार क्विंटल तूर खरेदी शिल्लक
जळगाव जिल्ह्यात नोंदणीकृत १५ हजार क्विंटल तूर खरेदी शिल्लक

जळगाव : जिल्ह्यात तूर शिल्लक असताना तूर खरेदी बंद केल्याने शेतकऱ्यांचे हजारो रुपयांचे नुकसान होणार आहे. शासकीय तूर खरेदी बंद झाल्याने नाईलाजाने शेतकऱ्यांना खासगी बाजारात तूर विक्री करावी लागेल. शासकीय केंद्रात तूूर विक्रीसंबंधी नोंदणी केलेल्या सुमारे दोन हजार शेतकऱ्यांची १५ हजार किंवटल तूर पडून आहे.  तूर खरेदीसंबंधी जिल्ह्यात नऊ केंद्रे सुरू होते, परंतु यातील अमळनेर, भडगाव, चाळीसगाव व जळगाव येथील केंद्र रखडतच सुरू होते. अमळनेर केंद्र अनेकदा बंद असायचे. तर जळगाव येथील केंद्रातही दुपारी केंद्र बंद केले जायचे. मध्यंतरी जळगाव केंद्रात धान्य खरेदीवरून शेतकरी व कर्मचारी यांच्यात वाद झाला होता. केंद्र बंद करून कर्मचारी निघून गेल्याने शेतकऱ्यांनी शेतकी संघाचे संचालक व वरिष्ठांकडे तक्रार केली होती.  त्यानंतर खरेदी सुरू झाली. रखडत तूर खरेदी सुरू असल्याने तूर शिल्लक राहिली. मुक्ताईनगर, बोदवड, रावेर व जामनेर भागात तूर अधिक शिल्लक आहे. तसेच बिगर नोंदणीकृत शेतकऱ्यांच्या तुरीलाही शासकीय खरेदी बंद झाल्याने खासगी बाजारात व्यापारी कमी दर देतील, अशी भीती आहे. कारण शासकीय केंद्रात ५४०० रुपये प्रतिक्विंटलचा दर तुरीला होता. तर खासगी बाजारात ४८०० रुपयांपर्यंतचे दर शेतकऱ्यांना व्यापारी देत असल्याचे सांगण्यात आले.  बोदवडमध्ये शासकीय तूर खरेदी पुन्हा सुरू करण्याची मागणी पुढे आली आहे. कारण बाजारात आयात तुरीचे प्रमाण वाढून पुढे आणखी दरांवर परिणाम होईल, असे शेतकऱ्यांचे म्हणणे आहे. जिल्ह्यात अमळनेर व चोपडा येथील बाजारात तुरीची आवक पुढे वाढू शकते, असे सांगण्यात आले.  तूर खरेदीसंबंधी नवे आदेश नाहीत. ज्यांनी नोंदणी केली होती, त्यातील दीड हजार शेतकऱ्यांची तूर खरेदी राहिली आहे. आदेश आल्यानंतर तूर खरेदी सुरू होईल.  - परिमल साळुंखे, पणन अधिकारी, मार्केटिंग फेडरेशन

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com