‘बळिराजा'चे सोळा उमेदवार जाहीर

‘बळिराजा'चे सोळा उमेदवार जाहीर
‘बळिराजा'चे सोळा उमेदवार जाहीर

कोल्हापूर : देशात शिक्षण, आरोग्य, रोजगार तसेच शेतीचे प्रश्‍न जैसे थे आहेत. शेतकऱ्यांसह इतर प्रश्‍नांसाठी बळिराजा पक्षाच्या वतीने लोकसभा निवडणूक लढविली जाणार असल्याची माहिती पक्षाचे अध्यक्ष दिगंबर लोहार यांनी दिली.   दरम्यान, पक्षातर्फे कोल्हापुरातून किसन काटकर व हातकणंगलेतून बी. जी. पाटील रिंगणात उतरणार आहेत.  सुरेश पाटील यांच्या मराठा क्रांती सेनेच्या वतीनेही यापैकी काही उमेदवार निवडणूक लढविणार असल्याची घोषणा इचलकरंजीत केली होती. याबाबत पत्रकारांना विचारले असता त्यांचे आणि आमचे बोलणे झाले आहे. त्यानुसार जाहीर केलेले उमेदवार आमच्याच एमबी फॉर्मवर निवडणूक लढविणार असल्याचे लोहार यांनी स्पष्ट केले. कोल्हापूर प्रेस क्‍लब येथे झालेल्या बैठकीत ते बोलत होते.  लोहार म्हणाले, सध्या शेतीचे मोठे प्रश्‍न आहेत. शेतकऱ्यांना उत्पादन खर्चानुसार दर मिळत नाहीत. त्यामुळे, चांगले आणि अभ्यासू लोक संसदेत जाणे अपेक्षित आहे. नागरिकांच्या संविधानिक हक्कांच्या संरक्षणासाठी बळिराजा पक्ष लोकसभेची निवडणूक लढविणार आहे. संपर्कप्रमुख शिवाजी माळकर, यशवंत महाडिक, किसन काटकर, दत्तात्रेय सुतार उपस्थित होते.  उमेदवार असे  पंजाबराव पाटील (सातारा), संजय पाटील (माढा), गणेश जगताप (बारामती), मोहन घारे (शिरूर), संभाजी गुणहाट (मावळ), पवन हिरे (शिर्डी), संजय पाशीलकर (रायगड), अरुण कनोरे (मुंबई उत्तरपूर्व), खुशबू बेलेकर (नागरपूर), ॲड. शीला ढगे (वर्धा), नंद नरोटे (गडचिरोली), डॉ. धनंजय नालट (अकोला), संजय देशमुख (बुलढाणा) व संजय टेंबरे (भंडारा-गोंदिया).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com