agriculture news in marathi, 17 licence cancel due to Illegal sell of insecticide , Maharashtra | Agrowon

बेकायदा कीटकनाशक विक्री; १७ परवाने निलंबित
टीम अॅग्रोवन
मंगळवार, 31 जुलै 2018

राज्यात एकाच वेळी कीटकनाशकांच्या साठ्याची तपासणी करण्याची कल्पना कृषी आयुक्तांनी मांडली होती. त्यानुसार झालेल्या कारवाईला मोठ्या प्रमाणात यश आले असून, बाजारात बोगस कीटकनाशके येण्यास आळा बसला आहे. 
- विजयकुमार इंगळे, कृषी संचालक, गुण नियंत्रण विभाग, कृषी आयुक्तालय, पुणे

पुणे : यवतमाळ विषबाधा दुर्घटनेची पुनरावृत्ती टाळण्यासाठी राज्यातील कीटकनाशकांच्या साठ्यांची तपासणी करण्याचा निर्णय कृषी आयुक्तांनी घेतल्यानंतर आतापर्यंत बेकायदा साठा व विक्रीच्या १७ घटना उघड झाल्या आहेत. या प्रकरणात संबंधितांचे परवाने निलंबित करण्यात आले आहेत.   

कीटकनाशकांच्या साठ्यांची तपासणी करण्यासाठी मोहीम राबविण्याचे आदेश कृषी आयुक्त सच्चिंद्र प्रताप सिंह यांनी एप्रिलमध्ये दिले होते. ‘‘कीटकनाशकांच्या साठवण स्थळांची अचानक तपासणी करण्याचा मुख्य हेतू या मोहिमेचा होता. १२ ते १४ जुलै या दोन दिवसांत राज्यभर एकाच वेळी मोहीम घेण्यात आली. त्यानुसार बेकायदा कामे करणाऱ्या १७ जणांचे परवाने निलंबित करण्यात आले आहेत,’’ असे सूत्रांनी स्पष्ट केले.

या मोहिमेत कारवाई करण्यात आलेले १७ जण हे विक्रेते आहेत की कंपन्या आहेत तसेच निलंबित परवानाधारक आणि परवाने रद्द करण्यात आलेल्या कंपन्या कोणत्या याची माहिती मात्र कृषी विभागाने जाहीर केलेली नाही. या मोहिमेत ६५ गुणवत्ता निरीक्षकांनी भाग घेतला होता. 

यवतमाळ जिल्ह्यात कीटकनाशक फवारणीमुळे गेल्या वर्षी विषबाधा झाल्याने १९ शेतकऱ्यांचा मृत्यू झाला होता. शेकडो शेतकऱ्यांवर रुग्णालयात उपचार करण्यात आले, तर २५ शेतकऱ्यांना अंधत्व आले. यामुळे राज्य शासनाला एसआयटी नेमून प्रकरणाचा तपास करावा लागला होता. कीटकनाशकांच्या तपासणी मोहिमेत एकूण ३४२ ठिकाणी तपासणी करण्यात आली. प्रयोगशाळेकडे यानंतर ६५२ नमुने पाठविण्यात आले. कीटकनाशक कायदा १९६८ आणि कीटकनाशके नियम १९७१ मधील कोणत्याही तरतुदींचे उल्लंघन झाल्याचे निदर्शनास आल्याने १२.७५ टन कीटकनाशकांच्या साठ्यास विक्री बंदचे आदेश देण्यात आले. 

राज्याचे गुण नियंत्रण संचालक विजयकुमार इंगळे व मुख्य गुणवत्ता नियंत्रण अधिकारी सुभाष काटकर यांच्या मार्गदर्शनाखाली ही मोहीम राबविण्यात आली. ‘‘राज्यात कोणीही शेतकऱ्यांना अनधिकृत कीटकनाशके विकू नयेत, तसेच शिफारस केलेल्या पिकांसाठी व मान्यता असलेल्या भागांसाठी जी कीटकनाशके आहेत त्याचीच विक्री करावी. शेतकऱ्यांची फसवणूक केल्यास कारवाई करण्यात येईल,’’ असा इशारा कृषी विभागाने दिला आहे. 

फरिदाबादच्या केंद्रीय कीटकनाशके मंडळ व नोंदणी समितीने कीटकनाशकनिहाय पिकांसाठी केलेल्या शिफारशी कृषी विभागाच्या krishi.maharashtra.gov.in या वेबसाइटवर ‘निविष्ठा’ या तपशिलातील ‘कीटकनाशके’ या मेन्यूमध्ये दिलेल्या आहेत. शेतकरी बांधवांनी या वेबसाइटवरील शिफारशींप्रमाणेच कीटकनाशकांचा योग्य वापर करावा, असेही कृषी विभागाचे म्हणणे आहे.  

सहा कंपन्यांचे परवाने रद्द 
 यवतमाळ तसेच इतर जिल्ह्यातील शेतमजूर व शेतकरी यांना कीटकनाशकांच्या हाताळणीमुळे विषबाधा झाल्यामुळे कृषी आयुक्तांनी गुणनियंत्रण विभागाला अतिशय दक्षता घेण्याच्या सूचना केल्या असून, आतापर्यंत सहा कंपन्यांचे परवानेदेखील निलंबित करण्यात आलेले आहेत. 

कृषी विभागाची कारवाई...

  • वर्षभरात कीटकनाशकांबाबत कारवाई झालेली प्रकरणे ः २३४४ 
  • विक्री बंद आदेश दिलेल्या कीटकनाशकांच्या साठ्यांची किंमत ः १४.५६ कोटी रुपये 
  • जप्त करण्यात आलेली कीटकनाशके ः सात कोटी ४४ लाख रुपये
  • परवाना निलंबनाची प्रकरणे ः १९८ 
  • परवाने रद्द ः ५३ 
  • फौजदारी कारवाई झालेली संख्या ः १३
  • न्यायालयात दावा दाखल केलेली प्रकरणे ः १८६

इतर अॅग्रो विशेष
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...
सिंचन योजनांचे अर्थसाह्य महामंडळाच्या...मुंबई : पंतप्रधान कृषी सिंचन योजनेतील...
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...