agriculture news in marathi, 180 talukas from state facing drought condition, declares CM | Agrowon

राज्यातील १८० तालुक्यांमध्ये दुष्काळसदृश्य परिस्थिती : मुख्यमंत्री
टीम अॅग्रोवन
मंगळवार, 23 ऑक्टोबर 2018

मुंबई : राज्यातील १८० तालुक्यांमध्ये दुष्काळसदृश्य परिस्थिती असल्याचे मुख्यमंत्री देवेंद्र फडणवीस यांनी जाहीर केले आहे. या तालुक्यांत दुष्काळाच्या आठ उपाय योजना लागू करणार असून, केंद्रीय पथकाने पाहणी केल्यांनतर मदत देण्यात येणार असल्याची माहिती मुख्यमंत्र्यांनी दिली. 

मुंबई : राज्यातील १८० तालुक्यांमध्ये दुष्काळसदृश्य परिस्थिती असल्याचे मुख्यमंत्री देवेंद्र फडणवीस यांनी जाहीर केले आहे. या तालुक्यांत दुष्काळाच्या आठ उपाय योजना लागू करणार असून, केंद्रीय पथकाने पाहणी केल्यांनतर मदत देण्यात येणार असल्याची माहिती मुख्यमंत्र्यांनी दिली. 

राज्य मंत्रिमंडळाची बैठक आज (ता.२३) झाली. यानंतर मुख्यमंत्री देवेंद्र फडणवीस यांनी ही माहिती दिली. 180 तालुक्यांमध्ये दुष्काळसदृश परिस्थिती सरकार आता यानुसार उपाययोजना करणार असल्याचे मुख्यमंत्री देवेंद्र फडणवीस यांनी सांगितले आहे. दुष्काळसदृश परिस्थितीशी सामना करण्यासाठी एकूण आठ उपाययोजना राबविण्यात येणार असल्याचेही त्यांनी सांगितले आहे.

केंद्र सरकारची टीम लवकरच महाराष्ट्रात दाखल होऊन पाहणी करणार आहे. त्यानंतर मदतीची घोषणा करण्यात येईल. राज्य सरकारच्या अखत्यारित दुष्काळ घोषित करणे आणि उपाययोजना राबवणे असल्याने आम्ही ते केले आहे असे फडणवीस यांनी सांगितले आहे. यावेळी त्यांनी चारा छावण्याची वेळ अद्याप आलेली नाही आणि ती येणार नाही असेही सांगितले.

12 लाख शेतकरी राहणार वंचित
मॉन्सूनच्या प्रारंभी सर्वत्र चांगला पाऊस झाला. एक कोटी 39 लाख 40 हजार 311 हेक्‍टरपैकी सुमारे 89 लाख हेक्‍टरवर पेरणी झाली होती. तसेच, एक कोटी 91 लाख 105 हेक्‍टर उसाच्या क्षेत्रापैकी 64 टक्‍के क्षेत्रावर उसाची लागवड करण्यात आली. परंतु, पावसाने ओढ दिल्याने खरीप पिकांची वाढ खुंटली व बहुतांशी पिके वाया गेली. मात्र, सुरवातीच्या काळातील माहितीचा विचार दुष्काळी मदतीसाठी केला जातो. सध्या पाण्याची पातळी घटली असली तरीही ऑक्‍टोबरची पाणीपातळी गृहीत धरली जाते. या सर्व निकषांमुळे राज्यातील 11 ते 12 लाख शेतकरी दुष्काळी मदतीपासून वंचित राहतील, असा अंदाज सूत्रांकडून व्यक्‍त करण्यात आला.

मंत्रिमंंडळाचे इतर निर्णय...

1. प्रधानमंत्री आवास योजनेतील घरकुलांच्या बांधकामास गती देण्यासह मोठ्या वसाहतींचे प्रकल्प उभारण्यासाठी महाराष्ट्र गृहनिर्माण विकास महामंडळ स्थापन्यास मान्यता.

2. पुणे वनवृत्तात वन्यप्राण्यांसाठी उपचार केंद्र (ट्रांझिट ट्रिटमेंट सेंटर) स्थापन्यास मान्यता.

3. मराठवाडा व विदर्भातील निवडक जिल्ह्यातील शेतकऱ्यांना मत्स्यव्यवसायासाठी मासळी विक्रीसाठी फिरते वाहन उपलब्ध करुन देण्याच्या पथदर्शी योजनेस मान्यता.

4.चंद्रपूर शहरातील बाबूपेठ उड्डाणपुलासाठी आवश्यक असलेल्या शासकीय जमिनीवरील अपात्र अतिक्रमणधारकांना एकरकमी मोबदला देण्यास मान्यता.

5.मुंबई शहराच्या डायल-100 प्रकल्पासह शहर सीसीटीव्ही प्रकल्प व्यापक करणार.

इतर बातम्या
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...
संत गाडगेबाबा अमरावती विद्यापीठ साधणार...अमरावती ः दुष्काळ, पाणीटंचाईच्या पार्श्‍वभूमीवर...
दोन्ही शिंदेंना आत्मविश्वास नडला सोलापूर : सोलापूर आणि माढा लोकसभा मतदारसंघाच्या...
नांदगाव तालुक्यात फळबागा वाचविण्यासाठी...नाशिक : नांदगाव तालुक्यातील फळबागा वाचविण्यासाठी...
सांगोला साखर कारखाना राज्य बँकेच्या...सोलापूर : सांगोला सहकारी साखर कारखाना राज्य...
‘कृष्णे’च्या पाणीपातळीत घटसांगली : म्हैसाळ उपसा सिंचन योजनेला पाणीपुरवठा...
अरुणाग्रस्तांचा गाव न सोडण्याचा निर्धारसिंधुदुर्ग : अरुणा प्रकल्पात पाणीसाठा केला, तरी...
बुलडाण्यात मागणी आल्यास तत्काळ टँकर...बुलडाणा  : जिल्ह्यात पाणीटंचाईचे संकट भीषण...
नांदेड : साडेतेरा हजार हेक्टरवर उन्हाळी...नांदेड : जिल्ह्यात २०१९ च्या उन्हाळी हंगामात १३...
वऱ्हाडात विद्यमान खासदारांनाच पुन्हा...अकोला ः लोकसभा निवडणुकीच्या निकालात गुरुवारी (ता....
पुणे जिल्ह्यातील चौदा कारखान्यांकडे...पुणे   ः जिल्ह्यात गळीत हंगाम संपवून...
नाशिकला हेमंत गोडसे रिपीट, तर डॉ. भारती...नाशिक : नाशिक जिल्ह्यात नाशिक व दिंडोरी लोकसभा...
जळगावात कांदा विक्रीत शेतकऱ्यांची लूटजळगाव ः कांद्याचे दर दबावात असतानाच त्याची विपणन...
जळगावात किसान सन्मान निधीचे वितरण...जळगाव ः खानदेशात सुमारे सव्वादोन लाख शेतकऱ्यांना...
पुणे जिल्ह्यात फळबाग लागवडीसाठी एक...पुणे  ः यंदा खरीप हंगामात फळबाग लागवड करू...
निविष्ठांची तस्करी रोखण्यासाठी...यवतमाळ ः गेल्या वर्षीच्या अनुभवातून बोध घेत...
नगर, शिर्डीत ‘काँटे की टक्कर’ मतात...नगर ः भारतीय जनता पक्ष आणि शिवसेनेच्या कामावर...
अकरापैकी सहा आमदारांचा लोकसभेत प्रवेशमुंबई ः सतराव्या लोकसभा निवडणुकीच्या रिंगणात...