शेतमाल तारण योजनेतून २० कोटी कर्ज वाटप

पुणे : पणन मंडळाच्या वतीने १९९० पासून बाजार समित्यांमध्ये राबविण्यात येणाऱ्या शेतमाल तारण याेजनेत यंदा विक्रमी शेतमाल तारण ठेवण्यात आला आहे. २३ जानेवारीअखेर १ लाख क्विंटलचा टप्पा पार करण्यात आला असून, या तारणावर २ हजार ५६५ शेतकऱ्यांना २० काेटींचे कर्जवाटप करण्यात आले आहे. अशी माहिती पणन मंडळाचे कार्यकारी संचालक सुनील पवार यांनी दिली.

श्री. पवार म्हणाले, ‘‘पणन मंडळाच्या वतीने १९९० पासून शेतमाल तारण याेजना राबविण्यात येत आहे. मात्र या याेजनेला चांगला प्रतिसाद मिळत नव्हता. मात्र सध्या शेतकऱ्यांमध्ये बाजारभावांबाबत जागरूकता आणि व्यावहारिकता वाढत असून, बाजार समित्यांच्या गाेदामांमध्ये शेतमाल ठेवण्याकडे शेतकऱ्यांचा कल वाढत आहे.

यंदा २०१७-१८ या याेजनेतील एेतिहासिक टप्पा पार केला असून, एक लाख क्विंटल शेतमाल तारण ठेवला आहे. या याेजनेत ३०७ पैकी ११५ बाजार समित्यांमध्ये शेतमाल तारणा याेजना कार्यान्वित आहे. यामध्ये प्रामुख्याने अन्नधान्यांच्या बाजार समित्यांचा समावेश आहे.’’

या याेजनेच्या प्रभावी अंमलबजावणीसाठी सहकार व पणनमंत्री सुभाष देशमुख आणि पणन विभागाचे प्रधान सचिव विजयकुमार यांचा सातत्याने पाठपुरावा आणि आग्रह हाेता. बाजार समित्यांना प्राेत्साहन देण्यासाठी पणन मंडळाने पुरस्कारदेखील सुरू केले आहेत.

गेल्या वर्षी पुरस्कारांचे पहिलेच वर्ष हाेते. दिवसेंदिवस बाजार समित्यांची संख्या वाढत असून, शेतमाल तारणासाठीच्या पायाभूत सुविधांसाठी पणन मंडळाच्या वतीने कर्जदेखील दिले जात अाहे, असेही पवार यांनी या वेळी सांगितले.