agriculture news in Marathi, 22 farmers marriage fix in Malikwad gathering, Maharashtra | Agrowon

शेतकरी नवराच हवा गं बाई...
राजकुमार चौगुले
मंगळवार, 14 ऑगस्ट 2018

कोल्हापूर : ‘शेतकरी नवरा नको गं बाई’ म्हणून प्रगतिशील शेतकऱ्यांचीही स्थळे नाकारणाऱ्या युवतींमध्ये जागृती करण्यात मलिकवाड (जि. बेळगाव) येथे झालेल्या शेतकरी वधू-वर मेळाव्याला यश आले आहे. येथील मुनीश्रुवतनाथ दिगंबर जैन मंदिर कमिटी, वीर सेवा दल आणि वीर महिला मंडळाच्या कार्यकर्त्यांनी एप्रिलमध्ये फक्त शेतकरी नवरा निवडीसाठी वधू-वर मेळावा आयोजित केला होता. त्याचा परिणाम म्हणून २२ विवाह जुळून आले अाहेत. 

कोल्हापूर : ‘शेतकरी नवरा नको गं बाई’ म्हणून प्रगतिशील शेतकऱ्यांचीही स्थळे नाकारणाऱ्या युवतींमध्ये जागृती करण्यात मलिकवाड (जि. बेळगाव) येथे झालेल्या शेतकरी वधू-वर मेळाव्याला यश आले आहे. येथील मुनीश्रुवतनाथ दिगंबर जैन मंदिर कमिटी, वीर सेवा दल आणि वीर महिला मंडळाच्या कार्यकर्त्यांनी एप्रिलमध्ये फक्त शेतकरी नवरा निवडीसाठी वधू-वर मेळावा आयोजित केला होता. त्याचा परिणाम म्हणून २२ विवाह जुळून आले अाहेत. 

सध्या शेतकरी उपवर मुलांचे लग्न जमण्याचा प्रश्न गंभीर बनला आहे. निर्व्यसनी, सुस्वभावी, सुस्थितीत असणाऱ्या मुलांनाही केवळ ते शेती करतात म्हणून मुली पसंती देत नसल्याने एकप्रकारचे नैराश्‍य अनेक शेतकरी कुटुंबांत दिसते. ही सार्वत्रिक समस्या अाहे. या प्रश्नाची तीव्रता पाहून महाराष्ट्र आणि कर्नाटकाच्या सीमेवर असणाऱ्या मलिकवाड येथील जैन मंदिर कमिटीने सहा महिन्यांपूर्वी जैन समाजातील शेतकऱ्यांसाठी अनोखा वधू-वर मेळावा घेण्याची घोषणा केली.

प्रत्येक गावात जाऊन या बाबतची जनजागृती केली. प्रगतिशील शेतकऱ्यांचे संसार सुखाचे होऊ शकतात हे उदाहरणांसह पटवून दिले. त्यामुळे या उपक्रमाला गती आली. या मेळाव्यात सुमारे सातशेहून इच्छुक वर आणि तीनशेहून अधिक वधूंनी आपली नावे नोंदविली. मेळावा झाल्यानंतर समितीच्या सदस्यांनीही प्रयत्न करून जास्तीत जास्त विवाह व्हावेत यासाठी प्रयत्न केले. लग्न जमत नाही म्हणून दु:खी असणाऱ्या शेतकरी वरांसाठी हे प्रयत्न उत्साह वाढविणारे ठरले. त्यातून २२ विवाह पार पडून त्यांच्या संसाराला सुरवात झाली आहे. 

जोडप्यांचा सत्कार 
समितीच्या वतीने लग्न झालेल्या जोडप्यांचा नुकताच मलिकवाड येथे सत्कार करण्यात आला. समितीच्या वतीने यापुढेही हे काम सुरूच ठेवण्याचा निश्चय व्यक्त करण्यात आला. तसेच इतर जातींतील प्रमुख व्यक्ती, विवाह संस्था यांनीही या विषयामध्ये गांभीर्याने काम करण्याची गरज असल्याची भावना या वेळी व्यक्त करण्यात आली.

ॲग्रोवनविषयी कृतज्ञता
`ॲग्रोवन`ने शेतकरी मुलांच्या विवाहाचा प्रश्‍न महत्त्वाचा मानून त्याला चांगली प्रसिद्धी दिली. बातम्यांबरोबर अग्रलेखामधूनही या प्रश्‍नाचे गांभीर्य स्पष्ट केले. त्यामुळे संयोजन समितीला राज्यभरातून फोन आले. अनेकांनी माहिती घेऊन या सोहळ्यात आपला सहभाग नोंदविला. `ॲग्रोवन`ने केवळ शेतीविषयक घडामोडी व संबंधित प्रश्नांवरच न थांबता सामाजिक समस्येचीही प्रभावी रितीने दखल घेतल्याबद्दल सर्वच वक्त्यांनी कृतज्ञता व्यक्त केली.

इतर अॅग्रो विशेष
'शेतकऱ्यांना दिलासा देणारे निर्णय लवकरच...नवी दिल्ली  : समस्याग्रस्त शेती क्षेत्र आणि...
नंदुरबार, धुळ्यात पपई काढणी बंदनंदुरबार  : पपईच्या दरावरून शेतकरी, व्यापारी...
...त्या दिवशी घरातलं कुणी जेवलं नायसुपे, जि. पुणे : एकच बैल होता. चितऱ्या...
किमान तापमानात वाढ होण्याची शक्यतापुणे  : राज्याच्या किमान तापमानात वाढ...
सावित्रीबाई फुले पुणे विद्यापीठाला जगात...पुणे - द टाइम्स हायर एज्युकेशनने जाहीर...
पीक फेरपालटीवर भर देत श्रीमंती केळीचे...कलाली (ता. अमळनेर, जि. जळगाव) येथील योगेश व मनोज...
बळिराजाच्या हाती पुन्हा ‘लोखंड्या नांगर’गणूर, जि. नाशिक : शेतमालाला मिळणारे कवडीमोल भाव,...
दराच्या प्रतीक्षेतील कांद्याला फुटले...वडेल, जि. नाशिक :  आज ना उद्या दर वाढला, की...
पोटदुखीवर कडू कंद उपयुक्त कडू कंद ही वेलवर्गीय वनस्पती असून...
शिरूर ठरले मुगासाठी हक्काची बाजारपेठपुणे जिल्ह्यात शिरूर बाजार समिती ही मुगासाठी...
तहात अडकले ‘ब्रेक्झिट’युरोपीय महासंघातून बाहेर पडायचे अथवा नाही, या...
साखरेच्या कमी दराची शिक्षा ऊस...ऊस दराच्या बाबतीत कधी नव्हे एवढी आर्थिक कोंडी या...
बायोडायनॅमिक पद्धतीने कमी काळात कंपोस्ट...बायोडायनॅमिक तंत्रज्ञान हे मूलत: भारतीय वेदांवर...
पाने कुरतडणाऱ्या मुंग्यांकडूनही होते...उष्ण कटिबंधीय जंगले हे नायट्रस ऑक्साईड या हरितगृह...
पणन सुधारणेतील दुरुस्तीला शेतकरी...मुंबई ः महाराष्ट्र कृषी उत्पन्न पणन (विकास व...
ताराराणी महोत्सवातून घडली उद्यमशीलता,...कोल्हापूर जिल्हा परिषद व पंचायत राज विभागाच्या...
कृषी निविष्ठा अनुदानासाठी ‘ऑनलाइन'ची...पुणे : राज्यात कृषी विभागाच्या योजनांमधील विविध...
'आयमा'ची होतेय मुस्कटदाबी; मोठ्या...पुणे : ट्रॅक्टर, हार्वेस्टर, रोटाव्हेटरसारख्या...
विदर्भाच्या काही भागांत थंडीची लाट पुणे : उत्तर भारतात थंडीच्या वाढलेल्या...
संत्रा पिकातील सिट्रीस ग्रिनिंग...नागपूर : जागतिकस्तरावर संत्रा पिकात अतिशय गंभीर...