agriculture news in marathi, 2200 tonnes of banana per day in Jalgaon | Agrowon

जळगावमधून प्रतिदिन २२०० टन केळीची पाठवणूक
टीम अॅग्रोवन
मंगळवार, 9 ऑक्टोबर 2018

जळगाव ः जिल्ह्यात कांदेबाग केळीची आवक सुरू झाली आहे. रावेर, यावलमध्ये पिलबाग व जुनारी केळीमधील कापणी जवळपास आटोपली आहे. दर्जेदार केळीला उत्तरेकडून सणासुदीमुळे मागणी असून, पंजाब, काश्‍मिर, दिल्ली व उत्तर प्रदेशात जिल्ह्यांतून प्रतिदिन किमान २२०० टन केळीची पाठवणूक सुरू आहे. कांदेबागांमधील दर्जेदार केळीचे दर १००० रुपये प्रतिक्विंटलवर स्थिर आहेत.

जळगाव ः जिल्ह्यात कांदेबाग केळीची आवक सुरू झाली आहे. रावेर, यावलमध्ये पिलबाग व जुनारी केळीमधील कापणी जवळपास आटोपली आहे. दर्जेदार केळीला उत्तरेकडून सणासुदीमुळे मागणी असून, पंजाब, काश्‍मिर, दिल्ली व उत्तर प्रदेशात जिल्ह्यांतून प्रतिदिन किमान २२०० टन केळीची पाठवणूक सुरू आहे. कांदेबागांमधील दर्जेदार केळीचे दर १००० रुपये प्रतिक्विंटलवर स्थिर आहेत.

केळीचे दर मागील अडीच महिन्यांपासून टिकून आहेत. मध्यंतरी कमी दर्जाच्या केळीला (वापसी) मुंबई, ठाणे, पुणे भागातूनही मागणी होती. गणेशोत्सवात मागणी चांगली होती. आता नवरात्रोत्सवानिमित्तही मागणी चांगली आहे. पिलबाग केळीची कापणी रावेरात मागील महिन्याच्या अखेरपर्यंत सुरू होती. परंतु पिलबाग केळीची कापणी जवळपास आचटोपली आहे. तर रावेरातील हिवाळ्यात लागवड केलेल्या केळीची कापणी अजून सुरू झालेली नाही.

चोपडा, जळगाव, पाचोरा, जामनेर व यावलमधील काही भागातून केळी उपलब्ध होत आहे. रावेरातील सातपुडा पर्वतालगतच्या भागात केळी काही प्रमाणात कापणीसाठी उपलब्ध होत आहे. पण सर्वाधिक पुरवठा चोपडा, जळगाव भागातून होत आहे. जळगाव चोपडा भागातून ठाणे, कल्याण येथेही (लोकल) क्रेटमध्ये भरून केळी पाठविली जात आहे. तर उत्तर भारतातील मोठे खरेदीदार, केळी पिकवणी केंद्रचालक सावदा (ता. रावेर) येथील व्यापाऱ्यांकडून (एजंट) केळीची मागणी करून घेत आहेत. सावदा येथील व्यापारी चोपडा व जामनेरातून केळीची अधिकची खरेदी करीत आहेत.

उत्तरेकडे प्रतिदिन २२०० टन केळीची मागणी असल्याने पुरवठ्यासंबंधी एजन्सी चालकांनी शेतकऱ्यांकडे आगाऊ नोंदणी करून ठेवली आहे. दर्जेदार केळीला ऑनचे दर आहेत. मागील आठवड्यात चोपडा, जळगाव व जामनेर भागातून प्रतिदिन १८० ट्रक (१५ टन क्षमता) केळीचा पुरवठा झाला. तर यावल, रावेर, मुक्ताईनगरात मिळून १५० ट्रक केळीचा पुरवठा झाला. जळगावातील काही भागातून नागपूर, राजस्थान व छत्तीसगड येथे कमी दर्जाच्या केळीची पाठवणूक झाली. पुरवठा कमी अधिक असल्याने दर्जेदार केळीसंबंधीच्या अडचणी फैजपूर (ता. यावल) व रावेरातील एजन्सी समोर येत असल्याचे सांगण्यात आले. कारण परतीचा पाऊस नसल्याने केळीच्या दर्जावरही परिणाम झाल्याचे सांगितले जात आहे.

भरीताच्या दर्जेदार वांग्यांचा पुरवठा कमी
जिल्ह्यात यावल तालुक्‍यातील भालोद, बामणोद, पाडळसे, न्हावी या गावांमधून भरताच्या दर्जेदार वांग्यांचा हवा तसा पुरवठा नाही. दिवाळीच्या वेळेस या भागातून वांगी उपलब्ध होतील. परंतु भुसावळमधील तळवेल, वरणगाव, पिंप्रीसेकम भागातून भरताच्या वांग्यांचा पुरवठा सुरू आहे. बाजारात त्यांना किमान १००० व कमाल २१०० रुपये प्रतिक्विंटलचा दर आहे.

इतर ताज्या घडामोडी
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...
रताळे उत्पादनवाढीसाठी ओडिशाचा...पेरू येथील आंतरराष्ट्रीय बटाटा केंद्राच्या...
सिंधुदुर्ग जिल्ह्यात गीर, साहिवाल...पुणे : सिंधुदुर्ग जिल्ह्यात दुग्ध आणि कुक्कुट...
औरंगाबाद जिल्ह्यात ४६९७ क्‍विंटल...औरंगाबाद : हमीभावाअंतर्गत औरंगाबाद जिल्ह्यात मका...
मराठवाड्यातील ५६९ गाव-वाड्यांना टॅंकरऔरंगाबाद : मराठवाड्यातील पाणीटंचाईचा सामना...
तुरीला ५००० पर्यंत दर, देशी वाणांना...जळगाव : खानदेशात तुरीची मळणी अनेक भागात सुरू झाली...
टँकरऐवजी पाइपलाइनने पाणीपुरवठा करा :...नागपूर : अपुऱ्या व अनियमित पावसामुळे जिल्ह्यातील...
दिल्लीतील व्यावसायिकांनी फळबागा...नगर : नगर जिल्ह्यामधील पाथर्डी तालुक्‍यातील तीव्र...
सातारा जिल्ह्यातील धरणांत अल्प साठासातारा : जिल्ह्यातील प्रमुख धरणांत गतवर्षीच्या...
नाशिक जिल्हा बँकेत खडखडाट तरी सचिवांना...नाशिक : एकीकडे सभासदांना पुरेशी रक्कम देण्यास...
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...