सांगलीतील मध्यम, लघू प्रकल्पांत २३ टक्के पाणीसाठा

सांगलीतील मध्यम, लघू प्रकल्पांत २३ टक्के पाणीसाठा
सांगलीतील मध्यम, लघू प्रकल्पांत २३ टक्के पाणीसाठा

सांगली ः जिल्ह्यातील ८४ मध्यम आणि लघू प्रकल्पांत १८०७.३३ दशलक्ष घनफूट म्हणजे २३ टक्के इतका पाणीसाठा शिल्लक आहे. ८४ प्रकल्पांपैकी २४ तलाव कोरडे आहेत. तर २१ तलावांत मृत पाणीसाठा आहे. एका बाजूला जिल्हा प्रशासन सांगत आहे, की तलावांत सिंचन योजनेचे पाणी सोडून तलाव भरले आहेत. मग तलावातील पाणी गेले कुठे असा प्रश्‍न शेतकरी उपस्थित करू लागला आहे.

जिल्ह्यातील दुष्काळी पट्ट्यातील आटपाडी, कवठेमहांकाळ, जत, खानापूर, तासगाव या तालुक्‍यांत पाणीटंचाईची तीव्रता कमी करण्यासाठी टेंभू, म्हैसाळ उपसा सिंचन योजना सुरू केल्या आहेत. हे पाणी जत आणि सांगोला तालुक्‍यात पोचले आहे. पाणीटंचाईची तीव्रता कमी करण्यासाठी तलाव भरून दिले आहेत, असे जिल्हा प्रशासन ठामपणे सांगते आहे. मात्र, दुष्काळी तालुक्‍यांतील एकही तलाव या योजनेच्या पाण्याने भरून दिला नाही. पाणी मिळावे यासाठी पैसेदेखील भरले. मात्र, पाणी मिळत नसल्याने शेतकरी संतप्त झाले आहे. 

कवठेमहांकाळ तालुक्‍यात ११ तलाव आहेत. त्यापैकी ३ तलाव कोरडे तर चार तलावांत २५ टक्के इतका पाणीसाठा आहे. उर्वरित ४ तलावांत मृत पाणीसाठा आहे. याचाच अर्थ असा, की योजना सुरू असूनही तलाव भरलेले नाहीत. त्यामुळे नाराजी आहे. 

पैसे भरूनदेखील पाणी नाही जत तालुक्‍यातील शेतकऱ्यांनी म्हैसाळ उपसा सिंचन योजनेचे पाणी मिळावे, यासाठी गेल्या महिन्यात पैसे भरले. मात्र, अद्यापही तालुक्‍यातील लाभक्षेत्रातील शेतकऱ्यांना पाणी मिळालेले नाही.  अद्यापही पाणी मिळाले नसल्याचे जत पंचायत समिती सदस्य अर्चना नाथा पाटील यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com