agriculture news in Marathi, 247 died in kerala, Maharashtra | Agrowon

केरळमध्ये पुरामुळे २४७ जणांचा मृत्यू
सकाळ न्यूज नेटवर्क
शनिवार, 18 ऑगस्ट 2018

तिरुअनंतपुरम : मागील आठवडाभर चालू असलेल्या मुसळधार पावसाने केरळ राज्यातील जनजीवन विस्कळित केले आहे. या पावसामुळे राज्यातील मृतांचा आकडा हा २४७ वर गेला आहे. राज्यातील पूरस्थिती आणखी बिकट झाली असून, केंद्र सरकारने मदतकार्यासाठी अधिक आपत्कालीन बचाव पथके पाठवावीत, अशी विनंती केरळचे मुख्यमंत्री पिनारायी विजयन यांनी शुक्रवारी (ता.१७) केली आहे. एर्नाकुलम, अलाप्पुझा, त्रिसूर आणि पथनामतिट्टा या चार जिल्ह्यांमध्ये सर्वाधिक गंभीर परिस्थिती असून हजारो नागरिकांचा संपर्क तुटला आहे, असे विजयन यांनी सांगितले. 

तिरुअनंतपुरम : मागील आठवडाभर चालू असलेल्या मुसळधार पावसाने केरळ राज्यातील जनजीवन विस्कळित केले आहे. या पावसामुळे राज्यातील मृतांचा आकडा हा २४७ वर गेला आहे. राज्यातील पूरस्थिती आणखी बिकट झाली असून, केंद्र सरकारने मदतकार्यासाठी अधिक आपत्कालीन बचाव पथके पाठवावीत, अशी विनंती केरळचे मुख्यमंत्री पिनारायी विजयन यांनी शुक्रवारी (ता.१७) केली आहे. एर्नाकुलम, अलाप्पुझा, त्रिसूर आणि पथनामतिट्टा या चार जिल्ह्यांमध्ये सर्वाधिक गंभीर परिस्थिती असून हजारो नागरिकांचा संपर्क तुटला आहे, असे विजयन यांनी सांगितले. 

आठ ऑगस्टपासून केरळमध्ये पावसाने घातलेल्या थैमानामुळे दोन लाख तेवीस हजार नागरिकांना पुराचा फटका बसला आहे. नौदल आणि लष्कराची १३ हेलिकॉप्टर मदतकार्य करत असली तरी परिस्थिती गंभीर असल्याने आणखी पथकांची आवश्‍यकता असल्याचे विजयन यांनी म्हटले आहे. पंतप्रधान नरेंद्र मोदी हेदेखील पूरस्थितीची पाहणी करण्यासाठी केरळमध्ये रात्री दाखल झाले. आपत्कालीन बचाव पथकाने आतापर्यंत साडे चार हजार जणांची पुरातून सुटका केली आहे.

पेरियार आणि पंपा नद्यांची पातळी ओसरायचे नाव घेत नसल्याने अनेक ठिकाणचा संपर्क तुटला असून मदतकार्यात अडथळे येत आहेत. भारतीय वेधशाळेने केरळमधील आठ जिल्ह्यांमध्ये आगामी दोन दिवसांत मुसळधार पावसाचा अंदाज व्यक्त केला आहे. दरम्यान, मंत्रिमंडळ सचिवांच्या अध्यक्षतेखाली झालेल्या बैठकीमध्ये केरळमध्ये आणखी हेलिकॉप्टर पाठविण्याचा निर्णय झाला आहे. 

आपत्कालीन समितीची पुन्हा बैठक 
केरळमधील परिस्थिती हाताळण्यासाठी राष्ट्रीय आपत्कालीन व्यवस्थापन समितीची दोन दिवसांत शुक्रवारी दुसऱ्यांदा बैठक झाली. या बैठकीत केरळला आणखी मदत पाठविण्याचा निर्णय झाला. मोटार बोट, लाइफ जॅकेट्‌स, गमबूट, अन्नाची पाकिटे अधिक प्रमाणात पाठविली जाणार आहेत. लष्कर आणि नौदलाबरोबरच तटरक्षक दलाचे जवानही मदतकार्यात व्यग्र आहेत. 

कर्नाटकातही संपर्क तुटला 
कोडगू जिल्ह्यात पावसामुळे दरडी कोसळण्याचे प्रकार सुरूच असून, नद्यांच्या पातळीत वाढ झाली असल्याने या जिल्ह्याचा संपर्क तुटला आहे. विविध ठिकाणी दोनशेहून अधिक लोक अडकून पडले आहेत. 

सात राज्यांत ८६८ बळी 
मॉन्सूनमुळे झालेल्या दुर्घटनांमध्ये आतापर्यंत सात राज्यांमध्ये ८६८ जणांचा बळी गेला असून, त्यापैकी २४७ जण एकट्या केरळमधील आहेत. पावसामुळे उत्तर प्रदेश (१९१), पश्‍चिम बंगाल (१८३), महाराष्ट्र (१३९), गुजरात (५२), आसाम (४५) आणि नागालॅंडमध्ये (११) मोठी जीवितहानी झाली आहे. या सात राज्यांमध्ये मिळून एकूण २८ जण बेपत्ता आहेत. पावसामुळे डेंगीचाही फैलाव होत आहे. भारतीय हवाई दलानेही मदतकार्यासाठी २३ हेलिकॉप्टर आणि ११ वाहतूक विमाने पुरविली आहेत.

इतर अॅग्रो विशेष
आरोग्यदायी ड्रॅगन फ्रूटशरीरातील कोलेस्ट्रॉल नियंत्रित ठेवण्यासाठी आणि...
वनस्पतीच्या ताण स्थितीतील संदेश यंत्रणा...वनस्पतीतील ताणाच्या स्थितीमध्ये कार्यरत होणाऱ्या...
आर्थिक, सामाजिक, कृषिसंपन्न राजुरीचा...आर्थिक, सामाजिक व सांस्कृतिकदृष्ट्या प्रगत व...
नाला खोलीकरणात गेलेे शेत; न्यायासाठी...अकोला ः उद्दिष्ट पूर्ण करण्यासाठी यंत्रणा...
पावणेतीन हजार कोटींची ‘वसुंधरा’त...पुणे : कृषिविस्तार व सल्ला देण्याचे काम सोडून...
कांदा संचालनालयाला राष्ट्रीय संस्थेचा...पुणे : राजगुरुनगर भागात असलेल्या कांदा, लसूण...
शेतकऱ्यांना मिळणार तालुकानिहाय हवामान...दिल्ली : देशातील सुमारे साडेनऊ कोटी शेतकऱ्यांना...
राज्यात उष्णतेची लाट येणारपुणे : सूर्य आग ओकायला लागल्याने विदर्भात उन्हाचा...
हमीभाव वाढीचा बागुलबुवा आणि वास्तवलोकसभा, विधानसभा निवडणुकांमध्ये शेतकऱ्यांच्या...
‘कॅप्सूल’ सुधारणार मातीचे आरोग्यमहाराष्ट्र राज्यासाठी या वर्षी रासायनिक खतांची...
नागपूर : रब्बीची पैसेवारी काढली खरीप...नागपूर : खरीप आणि रब्बी हंगामात वेगवेगळी पिके...
अॅग्रोवन समृद्ध शेती योजनेचे...नांदेड: `अॅग्रोवन’च्या माध्यमातून...
मराठवाड्यातील २९२ लघुप्रकल्प कोरडेऔरंगाबाद : मराठवाड्यातील ७४९ लघुप्रकल्पांपैकी २९२...
दक्षिण आशियात यंदा सर्वसामान्य मॉन्सून...पुणे  : भारतासह दक्षिण आशियातील देशांच्या...
कृषिउद्योग महामंडळाकडून ‘बायोकॅप्सूल’चा...पुणे : सेंद्रिय शेतीकडे वळालेल्या शेतकऱ्यांच्या...
शासन दरबारी रब्बी हंगामात नागपूर...नागपूर  : खरिपानंतर पाण्याअभावी रब्बी...
बीटी बियाणे १५ मेपूर्वी विक्रीस मनाईपुणे : राज्यातील बियाणे उत्पादक कंपन्यांनी १५...
जमिनीचे जैविक पृथक्करणआजकाल शेतकऱ्यांना मातीचा पृथक्करण अहवाल करून...
सांगलीतून १२ टन द्राक्षे निर्यातसांगली ः यंदा प्रतिकूल परिस्थतीतही जिल्ह्यातील...
काळजी घ्या : उन्हाच्या झळा वाढल्यापुणे : उन्हाच्या झळा वाढल्याने विदर्भ,...