agriculture news in Marathi, 30 ton hapus mango export from Ratnagiri, Maharashtra | Agrowon

तीस टन हापूसची रत्नागिरीतून थेट निर्यात
टीम अॅग्रोवन
सोमवार, 27 मे 2019

स्थानिक बागायतदारांनी निर्यातदार व्हावे यासाठी प्रयत्न सुरू आहेत. त्यादृष्टीने पणन मंडळाकडून सेवा दिल्या जात आहेत. रत्नागिरीतून निर्यातीचे प्रमाण वाढत आहे.
- मिलिंद जोशी, अधिकारी, पणन मंडळ
 

रत्नागिरी ः रत्नागिरीतील प्रक्रिया केंद्रातून इंग्लंड, कॅनडा, दुबईसह अमेरिकेला तीस टन हापूसची निर्यात आतापर्यंत करण्यात यश आले आहे. सध्या पणन मंडळाचे हे प्रक्रिया केंद्र निर्यातदाराला चालविण्यास देण्यात आले आहे. हंगाम संपेपर्यंत या केंद्रातून शंभर टनापर्यंत निर्यातीचे लक्ष्य पणन मंडळाने ठेवले आहे.

प्राथमिक प्रक्रिया करून फळाची हाताळणी करण्यासाठी पणन मंडळाने रत्नागिरीत आंबा प्रक्रिया केंद्र सुरू केले होते; मात्र त्याला प्रतिसाद कमी मिळत होता. गतवर्षी अवघा दहा टन आंबाच निर्यात करता आला. यावर्षी खासगी निर्यातदारामार्फत हे प्रक्रिया केंद्र चालविण्यास सुरवात केली आहे. या केंद्रामध्ये आलेल्या आंब्याची तपासणी करून ग्रेडिंग केले जाते. त्यानंतर त्या-त्या देशाला आवश्यक त्या प्रक्रिया त्यावर होतात. 

अमेरिका आणि ऑस्ट्रेलियाला आंबा पाठविताना विकिरण प्रक्रिया (रेडिएशन) अत्यावश्यक असते. त्यासाठी आंबा वाशीला पाठविण्यात येतो. तत्पूर्वी रत्नागिरीतील प्रक्रिया केंद्रात तो ४८ डिग्री सेल्सिअसला तीन मिनिटे ठेवून त्यावर हॉट वॉटर ट्रीटमेंट केली जाते. त्यातून बाहेर काढल्यावर आंबा ब्रशिंग, वॉशिंग, ड्रायिंगमधून काढला जातो. पुढे त्याचे अंतिम ग्रेडिंग करून पॅकिंग केले जाते. ही प्रक्रिया झाल्यानंतर विकिरण प्रक्रियेसाठी वाशीत पाठविण्यात येतो. वाशीतून पुढील सफर हवाईमार्गे सुरू होते. ही सेवा संबंधित निर्यातदारांमार्फतच होते.

प्रसन्न पेठे, मनोज काणे यांसारख्या बागायतदारांकडून अमेरिका, ऑस्ट्रेलियाला आंबा पाठविण्यात आला आहे. दुबई, कॅनडासाठी अन्य देशांप्रमाणे कोणतीही प्रक्रिया करावी लागत नाही; मात्र आंब्यावर कीटकनाशकांचा प्रादुर्भाव राहू नये, यासाठी प्राथमिक प्रक्रिया केल्या जातात. तसेच वॉशिंग, ब्रशिंग आणि ग्रेडिंग याच प्रक्रिया केंद्रात केले जाते. नुकतेच रत्नागिरीतून दुबईला १५ टन आंबा पाठविण्यात आला. या केंद्रातून स्थानिक शेतकऱ्यांकडून आलेला आंबाही पिकवून दिला    जातो. आतापर्यंत १०९ टन आंबा पिकवून दिला आहे. त्यासाठी एका पेटीस पन्नास रुपये दर आकारला जातो.

प्रक्रिया केंद्रातील सेवेचे दर असे

  • तीन किलोचा बॉक्स ने-आणसाठी दीड रुपये
  • ग्रेडिंगसाठी तीन ३ रुपये बॉक्सला
  • हॉट वॉटरसाठी तीन किलोच्या बॉक्सला २५ रुपये
  • आंब्यासाठीचे फोम नेट प्रतिनग १ रुपया
  •  कामगार वापरासाठी बॉक्सला २० रुपये
  • बॉक्स हाताळणीसाठी २ रुपये

आतापर्यंत निर्यात झालेला आंबा

  • दुबईला १५ टन
  • युरोपला ३ टन ६०० किलो
  • अमेरिकेला ३ टन ५०० किलो
  • कॅनडाला ८ टन 

इतर अॅग्रो विशेष
उत्पन्नवाढीचे गणित चुकते कुठे?साधारणपणे एप्रिल महिन्याच्या आरंभास विविध...
पीकविम्याचे कवित्वप तप्रधान पीकविमा योजनेची देशपातळीवर अंमलबजावणी...
‘वैद्यकीय' प्रवेशास मराठा आरक्षण लागू...नवी दिल्ली : वैद्यकीय आणि दंतवैद्यकीयच्या...
राज्यात सर्वदूर पावसाची हजेरी पुणे : राज्यात मॉन्सून दाखल झाल्यानंतर सर्वदूर...
तीव्र दुष्काळाच्या प्रदेशात ११० एकरांवर...आटपाडी (जि. सांगली) येथील राजेश सातारकर यांची...
आठवडाभराच्या खंडानंतर पुन्हा चांगला...पुणे: राज्याच्या बहुतांशी भागात मॉन्सूनचे आगमन...
मालेगाव बाजार समितीत ‘इतर’च्या नावाखाली...नाशिक: मालेगाव कृषी उत्पन्न बाजार समितीमध्ये ‘इतर...
मॉन्सूनने मराठवाडा, विदर्भ व्यापलापुणे : नैर्ऋत्य मोसमी वाऱ्यांनी (मॉन्सून) सोमवारी...
ठिबकसाठी केंद्राकडून २९० कोटीपुणे : राज्यातील शेतकऱ्यांना ठिबक अनुदान वाटप...
पीकेव्ही २ बीटी वाणामुळे कापूस...अकोला ः डॉ. पंजाबराव देशमुख कृषी विद्यापीठाचे...
अलिबागच्या पांढऱ्या कांद्याला मिळणार...चिपळूण, जि. रत्नागिरी ः अलिबागच्या पांढऱ्या...
कर्जमाफीची कूर्मगतीराज्यात दोन आठवड्याने उशिरा मॉन्सून दाखल झाला...
सोयीनुसार निवडणूक घेण्याचे ढोंग कशाला?देशापुढील वास्तव संकटे, समस्या अग्रक्रमाने...
मराठवाड्यातील ५८ तालुक्यांत पाऊसऔरंगाबाद, नांदेड : मराठवाड्यामध्ये रविवारी (...
पीकविम्यातील हलगर्जीपणा; कृषी...पुणे : प्रधानमंत्री पीकविमा योजनेची कामे करताना...
मॉन्सूनने निम्मा महाराष्ट्र व्यापलापुणे : नैर्ऋत्य मोसमी वाऱ्यांनी (मॉन्सून)...
तुरळक ठिकाणी मुसळधारेची शक्यतापुणे : राज्याच्या दक्षिण भागात मॉन्सूनने आगमन...
औरंगाबाद, कोपरगाव, येवल्यात धोधो पाऊसपुणे : कोकणानंतर गेल्या दोन दिवसांपासून राज्यातील...
`गुणनियंत्रण`चा चेंडू आता ‘एसीबी’च्या...पुणे : राज्याच्या कृषी विभागातील गुणनियंत्रण...
आटपाडीत पावसाने पाणीपातळीत वाढसांगली : आटपाडी तालुक्याच्या पश्चिम भागात दोन...