agriculture news in marathi, 300 crore sanction for drought hit district, Maharashtra | Agrowon

दुष्काळग्रस्त जिल्ह्यांसाठी ३०० कोटींचा निधी मंजूर
टीम अॅग्रोवन
बुधवार, 5 सप्टेंबर 2018

मुंबई : राज्यातील आत्महत्याग्रस्त दुष्काळी जिल्ह्यांसाठी वरदान ठरणाऱ्या नानाजी देशमुख कृषी संजीवनी प्रकल्पाच्या ३०० कोटींच्या वार्षिक कृती आराखड्याची अंमलबजावणी करण्यास राज्य सरकारने नुकतीच प्रशासकीय मान्यता दिली आहे. 

मुंबई : राज्यातील आत्महत्याग्रस्त दुष्काळी जिल्ह्यांसाठी वरदान ठरणाऱ्या नानाजी देशमुख कृषी संजीवनी प्रकल्पाच्या ३०० कोटींच्या वार्षिक कृती आराखड्याची अंमलबजावणी करण्यास राज्य सरकारने नुकतीच प्रशासकीय मान्यता दिली आहे. 

मराठवाडा आणि विदर्भ या दुष्काळग्रस्त विभागावर राज्य शासनाने विशेष लक्ष केंद्रित केले आहे. जागतिक बॅंकेच्या सहकार्याने नानाजी देशमुख कृषी संजीवनी योजनेची (पूर्वीचे नाव हवामान अनुकूल कृषी प्रकल्प) सुरवात या विभागातील गावांसाठी करण्यात आली आहे. योजनेंतर्गत दुष्काळी मराठवाड्यातील आणि विदर्भातील क्षारयुक्त जमीन असणाऱ्या गावांमध्ये शेतकऱ्यांचे कृषी उत्पन्न वाढविण्यासाठी आणि गावातील जमिनीचे मृद संवर्धन करण्यासाठी प्रयत्न करण्यात येत आहेत. 

या प्रकल्पाची १५ जिल्ह्यांतील ५,१४२ गावांत पुढील ६ वर्षे कालावधीत अंमलबजावणी करण्यात येणार आहे. या योजनेसाठी चार हजार कोटींचा खर्च अपेक्षित आहे. जागतिक बॅंक आणि राज्य सरकार संयुक्तपणे हा खर्च करणार आहे. जागतिक बॅंकेकडून २,८०० कोटी रुपयांचे कर्ज अल्प व्याजदरावर उपलब्ध होणार आहे, तर राज्य सरकार १,२०० कोटी रुपये स्वनिधीतून देणार आहे. 
चालू वर्षासाठी या योजनेकरिता एकूण ३०० कोटींचा वार्षिक कृती आराखडा शासनाला सादर करण्यात आला आहे.

या आराखड्यास राज्याचे मुख्य सचिवांच्या अध्यक्षतेखालील समितीने मान्यता दिली आहे. त्यानुसार चालू वर्षासाठी १,२२३ गावांमध्ये प्रकल्पांतर्गत विविध बाबींची प्रत्यक्ष अंमलबजावणी करण्यात येणार आहे; तसेच पुढील वर्षी हाती घ्यायच्या कामांचे नियोजन करण्यात येणार असून, त्यासाठी ३०० कोटींचा कार्यक्रम राबविण्यास प्रशासकीय मान्यता देण्यात आली आहे. यासंदर्भातील शासन निर्णय कृषी खात्याने प्रसिद्ध केला आहे.

प्रकल्पाची उद्दिष्टे 

  • हवामान बदलास अनुसरून कृषीपद्धती विकसित करणे
  •  अल्प व अत्यल्प शेतकऱ्यांच्या कृषी उत्पादकतेत वाढ करणे
  •  शेतकऱ्यांचे उत्पन्न वाढविण्यासाठी कृषी मूल्य साखळीमध्ये त्याचा सहभाग वाढविणे
  •  राज्यातील अवर्षणग्रस्त व खारपाणपट्टा जमिनी असलेल्या जळगाव, औरंगाबाद, बीड, जालना, उस्मानाबाद, परभणी, हिंगोली, बुलडाणा, अकोला, अमरावती, वर्धा, वाशीम, यवतमाळ, नांदेड आणि लातूर या जिल्ह्यांत प्रकल्प राबविणार

 

इतर अॅग्रो विशेष
पाणी व्यवस्थापनासाठी सूक्ष्मजीवांचा...पाणी व्यवस्थापन म्हटले, की आपल्या डोळ्यासमोर ठिबक...
शिवरायांच्या आदर्शावर राज्य कारभार सुरू...पुणे : ‘‘छत्रपती शिवाजी महाराज यांच्या...
वनक्षेत्राने वेढलेल्या भागामध्ये...कृषी क्षेत्रानजीक वनक्षेत्र असलेल्या परिसरामध्ये...
चारा छावण्या लांबणीवरमुंबई: राज्यात दुष्काळ तीव्र होत चालला असला...
विदर्भात वादळी पावसाची शक्यतापुणे  : राज्याच्या किमान तापमानात वाढ होत...
खरीप पीकविमा परतावाप्रश्नी उच्च...परभणी: परभणी जिल्ह्यात २०१७ च्या खरिपातील...
शेतकरी आठवडे बाजारातून विस्तारताहेत...संत शिरोमणी श्री सावता माळी शेतकरी आठवडी...
मार्केटच्या अभ्यासातून गुलाब शेतीत...निमगाव (ता. राहाता) येथील हर्षल प्रभात पाटील या...
आजचा चंद्र हा सर्वांत जवळ : 'ग्रेट...या वर्षी जानेवारी, फेब्रुवारी व मार्च या...
समजून घ्या पाण्याचे महत्त्वपाण्याची समस्या शाश्वत पद्धतीने सोडवण्यासाठी...
जनावरांची तडफड, लोकांचा पाण्यासाठी टाहोसोलापूर ः राज्य शासनाने दुष्काळ जाहीर करून जवळपास...
‘गुणनियंत्रण’विरोधात विखेंचेही पत्र पुणे : राज्याच्या कृषी खात्यातील गुण नियंत्रण...
राज्य बॅंकेकडून साखरेच्या मूल्यांकनात...कोल्हापूर : केंद्राने खुल्या साखरेचे किमान विक्री...
राज्यात उद्या हलक्या पावसाची शक्यतापुणे: वेगाने बदलणारे वातावरण, वाऱ्यांच्या...
प्रेरणा प्रकल्पातून ९० हजार शेतकऱ्यांचे...मुंबई : राज्यातील शेतकरी आत्महत्याग्रस्त १४...
कांद्याच्या ढिगाऱ्यात बुजवून घेत...नाशिक  : कमी पाऊस, दुष्काळी परिस्थिती व...
एका संदेशाने आयुष्य केले बळकटटाकळी ढोकेश्वर, जि. नगर  ः काही तासांपूर्वी...
'दावणीलाही नाही आणि छावणीत नाही; जनावरे...सोलापूर :  मागील सरकारच्या काळात छावणीत...
वनहक्काच्या ४३ हजारांहून अधिक...मुंबई : राज्यात मागील अवघ्या तीन महिन्यांत...
खानदेशात मका दरात वाढजळगाव ः खानदेशातील प्रमुख बाजार समित्यांमध्ये मक्...