agriculture news in marathi, 312 villages in Marathwada below the 50 paise seasonal paisewari, Aaurangabad | Agrowon

मराठवाड्यातील ३१२ गावांची पैसेवारी ५० पैशांच्या खाली
संतोष मुंढे
गुरुवार, 5 ऑक्टोबर 2017

औरंगाबाद : शासनाच्या निर्णयाप्रमाणे गाव हा घटक माणून मराठवाड्यातील ८ हजार ५२५ गावांची हंगामी पैसेवारी प्रशासनाच्या वतीने जाहीर करण्यात आली. त्यामध्ये ३१९ गावांची हंगामी पैसेवारी ५० पैशांच्या आत, तर तब्बल ८,२१३ गावांची पैसेवारी ५० पैशांपेक्षा जास्त असल्याचे स्पष्ट करण्यात आले आहे.

औरंगाबाद : शासनाच्या निर्णयाप्रमाणे गाव हा घटक माणून मराठवाड्यातील ८ हजार ५२५ गावांची हंगामी पैसेवारी प्रशासनाच्या वतीने जाहीर करण्यात आली. त्यामध्ये ३१९ गावांची हंगामी पैसेवारी ५० पैशांच्या आत, तर तब्बल ८,२१३ गावांची पैसेवारी ५० पैशांपेक्षा जास्त असल्याचे स्पष्ट करण्यात आले आहे.

प्रशासनाच्या वतीने जाहीर करण्यात आलेल्या हंगामी पैसेवारी ५० पैशांपेक्षा कमी असलेल्या गावांमध्ये औरंगाबाद जिल्ह्यातील १३५३ गावांपैकी ९३ गावांचा समावेश आहे. दुसरीकडे परभणी जिल्ह्यातील गंगाखेड तालुक्‍यातील १०६, पालम तालुक्‍यातील ५५, पाथरी तालुक्‍यातील ५८ मिळून सर्वाधिक २१९ गावांची पैसेवारी ५० पैशापेक्षा कमी आली आहे.

दुसरीकडे जालना जिल्ह्यातील ९७१, औरंगाबाद जिल्ह्यातील १२६०, परभणी जिल्ह्यातील ६३०, हिंगोली जिल्ह्यातील ७०७, नांदेड जिल्ह्यातील १५६२, बीड जिल्ह्यातील १४०३, लातूर जिल्ह्यातील ९४३, उस्मानाबाद जिल्ह्यातील ७७३ गावांची हंगामी पैसेवारी ५० पैशापेक्षा जास्त आहे.

शासनाच्या ३ नोव्हेंबर २०१५ च्या निर्णयानुसार लागवडीखालील एकूण पिकाच्या २/३ किंवा त्यापेक्षा अधिक क्षेत्र खरीप असल्यास रब्बी हंगामाची वाट न पाहता पैसेवारी जाहीर करण्याच्या सुचनेनुसार ही हंगामी पैसेवारी जाहीर करण्यात आली आहे.

तसेच मराठवाड्यात ३० सप्टेंबरला हंगामी, ३१ ऑक्‍टोबरला सुधारित व १५ डिसेंबरला अंतिम खरीप हंगाम पैसेवारी जाहीर करणे आवश्‍यक आहे; तर रब्बी हंगामासाठी ३१ डिसेंबरला हंगामी, ३१ जानेवारीला सुधारित व १५ मार्चला अंतिम पैसेवारी जाहीर करणे अपेक्षित आहे. यंदा पावसाचा प्रदीर्घ खंड, उडीद, मुगासह सोयाबीन या मुख्य पिकाच्या उत्पादकतेवर पावसाच्या खंडामुळे निर्माण झालेले प्रश्नचिन्ह पाहता सुधारीत व अंतिम पैसेवारीनंतरच पैसेवारीचे चित्र स्पष्ट होईल.

२७ तालुक्‍यांची पैसेवारी ५०.७ ते ६० पैशांदरम्यान
मराठवाड्यातील ७६ तालुक्‍यांपैकी २६ तालुक्‍याची हंगामी पैसेवारी ५०.७ ते ६० पैशांदरम्यान आली आहे. त्यामध्ये औरंगाबाद, परभणी  जिल्ह्यातील प्रत्येकी पाच, जालन्याती चार, हिंगोलीतील एक, नांदेड व बीड जिल्ह्यातील प्रत्येकी सहा तालुक्‍यांचा समावेश आहे. तर २७ तालुक्‍यांची पैसेवारी ६१ ते ७० पैशांदरम्यान,  जालना जिल्ह्यातील परतूर तालुक्‍याची पैसेवारी ५०.७ पैसे, औरंगाबादमधील वैजापूर तालुक्‍याची ५१ पैसे आली आहे. १४ तालुक्‍यांची पैसेवारी ७०.१४ पैसे ते ८० पैशांदरम्यान आली आहे. बीड जिल्ह्यातील पाटोदा व हिंगोली जिल्ह्यातील वसमत तालुक्‍याची हंगामी पैसेवारी ८० पैशांच्या पुढे आहे.

पाच तालुक्‍यांत ५० टक्‍केही पाऊस नाही
मराठवाड्यातील परभणी जिल्ह्यातील पाथरी, हिंगोली जिल्ह्यातील कळमनुरी व नांदेड जिल्ह्यातील माहूर, हिमायतनगर आणि देगलूर या तीन तालुक्‍यांत ४ ऑक्‍टोबरअखेरपर्यंत अपेक्षित सरासरी पावसाच्या तुलनेत ५० टक्‍केही पाऊस पडला नाही. विशेष म्हणजे परभणी जिल्ह्यातील पाथरी वगळता हिंगोली, नांदेड जिल्ह्यातील एकाही तालुक्‍याची हंगामी पैसेवारी ५० पैशापेक्षा कमी आली नसल्याचे हंगामी पैसेवारीचे आकडे सांगतात.

इतर बातम्या
खोटी आकडेवारी दाखवून गाळप परवाने घेतले...पुणे   : शेतकऱ्यांना `एफआरपी` दिल्याचे...
वाशीम जिल्ह्यात रब्बीची २४ टक्के पेरणीवाशीम   ः जिल्हा प्रशासनाला रब्बी हंगामातील...
उत्तर महाराष्ट्रात टंचाईच्या झळा तीव्रनाशिक : भूजल पातळीत वेगाने घट होत असल्याने उत्तर...
नगरमध्ये गहू, हरभरा पिकांचे १५ हजार...नगर   ः जिल्ह्यात कृषी विभागाच्या विविध...
खानदेशातील जलसाठ्यात घट जळगाव : खानदेशात पाणीबाणी वाढू लागली असून,...
‘वसाका`च्या गळीत हंगामास प्रारंभकळवण, जि. नाशिक : विठेवाडी येथील वसंतदादा पाटील...
पुणे जिल्ह्यात पंधरा दिवसांत पाणीसाठा...पुणे : दुष्काळाच्या झळा वाढत असतानाच पुणे...
शेतीप्रश्नांसाठी तरुणांच्या चळवळीची गरज...वैराग, जि. सोलापूर : ‘‘शेतीचे प्रश्न वाढतायेत, ते...
जिनर्स कापूस खरेदी केंद्रांसाठी ९००...जळगाव ः भारतीय कापूस महामंडळाच्या (सीसीआय) कापूस...
केळीच्या खेडा खरेदीबाबत भरारी पथकांची...जळगाव  ः खानदेशात केळीच्या खेडा खरेदीसंबंधी...
दावणीला आणि छावणीला परिस्थितीनुसार चारा...बीड : राज्यात सरासरीच्या ७० टक्के पाऊस पडला असून...
बोंड अळीच्या नुकसानीचे अनुदान...अकोला : अाधीच अनेक दिवसांपासून रखडलेले बोंड अळी...
राज्यात दुधाचे दर पुन्हा घसरलेपुणे: राज्यात होत असलेल्या जादा दुधाच्या...
सत्ताधाऱ्यांना नमवण्याची ताकद...मुंबई : गेल्या चार वर्षांत देश चुकीच्या...
नगर जिल्ह्यातील दहा लाख जनावरे...नगर  ः दुष्काळाच्या पाश्वर्भूमीवर लोकांना...
जत तालुक्यातील दुष्काळग्रस्तांना...सांगली  : जत तालुक्यातील शेतकरी दुष्काळाच्या...
राणी लक्ष्मीबाईंचे गाव बनले पाणीदारसातारा: झाशीची राणी लक्ष्मीबाईंचे मूळ गाव म्हणजे...
हरभरा पेरणी ३३ टक्क्यांनी माघारलीनवी दिल्ली ः देशातील दुष्काळी स्थितीचा परिणाम...
श्री विठ्ठल-रुक्मिणीचे २४ तास दर्शनसोलापूर ः पंढरपुरात श्री विठ्ठल -रुक्मिणीच्या...
विदर्भापाठोपाठ मराठवाडा, मध्य...पुणे : राज्यात किमान तापमानाचा पारा घसरल्याने...