agriculture news in marathi, 340 crores draft plan approved in Solapur district | Agrowon

सोलापूर जिल्ह्याचा सुमारे ३४० कोटींचा प्रारूप आराखडा मंजूर
टीम अॅग्रोवन
रविवार, 13 जानेवारी 2019

सोलापूर : जिल्हा वार्षिक योजना (सर्वसाधारण) सन २०१९-२० साठी ३३९ कोटी ७७ लाख रुपयांच्या प्रारूप आराखड्यास जिल्हा नियोजन समितीच्या बैठकीत शुक्रवारी (ता.११) मंजुरी देण्यात आली. सन २०१८-१९ मध्ये मंजूर असलेल्या कामावरील निधी पूर्णपणे खर्ची करावा, अशा सूचना पालकमंत्री विजयकुमार देशमुख यांनी दिल्या.

सोलापूर : जिल्हा वार्षिक योजना (सर्वसाधारण) सन २०१९-२० साठी ३३९ कोटी ७७ लाख रुपयांच्या प्रारूप आराखड्यास जिल्हा नियोजन समितीच्या बैठकीत शुक्रवारी (ता.११) मंजुरी देण्यात आली. सन २०१८-१९ मध्ये मंजूर असलेल्या कामावरील निधी पूर्णपणे खर्ची करावा, अशा सूचना पालकमंत्री विजयकुमार देशमुख यांनी दिल्या.

देशमुख यांच्या अध्यक्षतेखाली ही सभा झाली. या वेळी जिल्हा परिषद अध्यक्ष संजय शिंदे, खासदार विजयसिंह मोहिते पाटील, जिल्हाधिकारी डॉ. राजेंद्र भोसले, आमदार गणपतराव देशमुख, भारत भालके, बबनराव शिंदे, नारायण पाटील, दत्तात्रय सावंत, मुख्य कार्यकारी अधिकारी डॉ. राजेंद्र भारुड, महापालिका आयुक्त डॉ. अविनाश ढाकणे, जिल्हा नियेाजन अधिकारी सर्जेराव दराडे आदी उपस्थित होते.

पालकमंत्री देशमुख म्हणाले, ‘‘सन २०१८-१९ मध्ये विविध यंत्रणांनी ३१ डिसेंबर २०१८ अखेर १५६ कोटी ५५ लाख ४८ हजार इतका निधी विविध योजनांवर खर्च केला. खर्चाची टक्केवारी ७३.६३ टक्के इतकी आहे. यंत्रणांनी उर्वरित निधी आचारसंहितेपूर्वी खर्च करण्याचे नियोजन करावे.’’

सन २०१८-१९ मध्ये अनुसूचित जाती उपयोजनेंतर्गत यंत्रणांनी ६५ कोटी ९९ लाख ५५ हजार इतका निधी खर्च केला. खर्चाची टक्केवारी ८८.८० इतकी आहे. आदिवासी उपयोजनेंतर्गत १ कोटी ४५ लाख ८६ हजार खर्च, त्याची टक्केवारी ४७.६९ इतकी आहे, असेही देशमुख यांनी सांगितले. 

सन २०१९-२० जिल्हा वार्षिक योजनेतून गाभा क्षेत्रासाठी २१७ कोटी ८० लाख ,बिगर गाभा क्षेत्रासाठी १०४ कोटी ९८ लाख १३ हजार  आणि नावीन्यपूर्ण योजना, राज्य नावीन्यता परिषद, जिल्हा नावीन्यता परिषद व मूल्यमापन, डाटा एन्ट्री, सनियंत्रण आदीसाठी १६ कोटी ९८ लाख ८७ हजार रुपये इतक्या निधीची तरतूद करण्यात आली आहे, असेही त्यांनी सांगितले. 

पुनर्विनियोजनामधील निधी तीर्थक्षेत्र विकास, जनसुविघा व अन्य आवश्यक विकास कामांकडे वर्ग करण्याबाबत बैठकीत चर्चा करण्यात आली. जिल्ह्यातील दुष्काळ पाहता पाणीपुरवठ्यास आवश्यक निधीची तरतूद करण्याबाबतही बैठकीत विचारविनिमय झाला. तातडीने दुरुस्त होण्यासारख्या योजना सुरू करून पाणीपुरवठा केला जाईल, असेही ते म्हणाले.

नियोजन भवनाचे उद्‍घाटन
जिल्हा प्रशासनामार्फत शासकीय दूध डेअरी शेजारी नवीन नियोजन भवन बांधण्यात आले आहे. त्याचे उद्‍घाटन पालकमंत्री देशमुख यांच्या हस्ते करण्यात आले.

चारा डेपोबाबत लवकरच कार्यवाही
जिल्ह्यात पिण्याचे पाणी, रोजगार हमीची कामे आणि जनावरांना चारा उपलब्ध करुन देण्यास प्राधान्य देण्यात येत आहे. ज्या गावांचे टँकर मागणीचे प्रस्ताव प्राप्त होतील, त्या गावची पाहाणी प्रांताधिकारी, तहसीलदार, गटविकास अधिकाऱ्यांनी करुन त्वरित टँकर उपलब्ध करून द्यावा. जनावरांच्या चाऱ्यासंदर्भात चारा डेपोबाबत लवकरच निर्णय होऊन त्यानुसार कार्यवाही केली जाईल, असेही पालकमंत्री म्हणाले.

इतर ताज्या घडामोडी
दीड टक्‍क्‍यावर मराठवाड्यातील पाणीऔरंगाबाद : मराठवाड्यातील ८७२ प्रकल्प व...
‘संत्रा उत्पादकांना द्या भरीव मदत’नागपूर ः उन्हामुळे संत्रा उत्पादकांचे झालेल्या...
कर्ज नाकारणाऱ्या बॅंकांवर गुन्हे नोंदवू...सोलापूर : खरीप हंगामात किती शेतकऱ्यांना...
पीकविमा, दुष्काळी मदतीसाठी शेतकऱ्यांचा...माळाकोळी,जि.नांदेड : गतवर्षीच्या खरीप पिकांच्या...
बचत गट चळवळ बनली गावासाठी आधारनागठाणे, जि. सातारा : ‘गाव करील ते राव काय करील’...
नगरमध्ये चांगला पाऊस पडेपर्यंत छावण्या...नगर : नगर जिल्ह्यामध्ये ४९८ छावण्या सुरू आहेत....
पुणे : पावसाअभावी खरीप पेरण्या खोळंबल्यापुणे ः जूनचा अर्धा महिना ओलांडला तरी अजूनही...
कोवळ्या ज्वारीच्या विषबाधेपासून जनावरे...कोवळ्या ज्वारीची पाने अधिक प्रमाणात खाल्ल्याने...
जमिनीची सुपीकता, सूक्ष्मजीवांचा अतूट...वॉक्समन यांच्या सॉईल अॅण्ड मायक्रोब्स या...
शेतकऱ्यांचा सातबारा कोरा करण्याची मागणी...मुंबई  शेतकऱ्यांचा सातबारा उतारा कोरा झालाच...
अकोल्यात सोयाबीन सरासरी ३५९० रुपये...अकोला ः हंगामाच्या तोंडावर पैशांची तजवीज...
कृषी सहायकांसाठी ग्रामपंचायतीत बैठक...मुंबई : शेतकरी आणि शासन यांच्यातला दुवा...
आकड्यांचा खेळ आणि पोकळ घोषणा : शेतकरी...पुणे ः राज्य अर्थसंकल्पात शेतकऱ्यांची निराशा झाली...
राज्यावर पावणेपाच लाख कोटींचे कर्जमुंबई  : मुख्यमंत्री देवेंद्र फडणवीस यांच्या...
अर्थसंकल्पावेळी विरोधकांचा सभात्यागमुंबई : अर्थसंकल्प विधिमंडळात सादर...
संत श्री निवृत्तिनाथ महाराज यांच्या...नाशिक  : आषाढी एकादशी वारीसाठी संत श्री...
नदी नांगरणीचे सातपुड्याच्या पायथ्याशी...जळगाव ः शिवार व गावांमधील जलसंकट लक्षात घेता...
प्रत्येक गावात नेमणार भूजल...नगर ः राज्य शासनाच्या पाणीपुरवठा व स्वच्छता...
अरुणाग्रस्तांच्या स्थलांतराचा तिढा कायम सिंधुदुर्ग : अरुणा प्रकल्पग्रस्त आणि जिल्हा...
पाणीप्रश्नावरील आंदोलनाचे नेतृत्व करणार...नगर : ‘कुकडी’सह घोड धरणातील पाणीसाठे वाढविणे...