agriculture news in Marathi, 40 MLA will asked question on poisoning and pink bollworm | Agrowon

फवारणीतून विषबाधा, बोंडअळीवर ४० आमदारांची ‘लक्ष्यवेधी’
टीम अॅग्रोवन
मंगळवार, 5 डिसेंबर 2017

यवतमाळ: फवारणीतून झालेल्या विषबाधेमुळे जिल्ह्यातील २२ शेतकरी, शेतमजुरांचा मृत्यू झाला. त्यानंतर आता बोंडअळीचा जिल्ह्यात प्रादुर्भाव दिसून येत आहे. हे दोन प्रश्‍न राज्यभरात गाजत आहेत. विधिमंडळाच्या हिवाळी अधिवेशनातही याच प्रश्‍नांवर विरोधक सरकारला घेरण्याच्या तयारीत असून, राज्यातील तब्बल ४० आमदारांनी कृषी विभागाकडे माहिती मागितली आहे.

यवतमाळ: फवारणीतून झालेल्या विषबाधेमुळे जिल्ह्यातील २२ शेतकरी, शेतमजुरांचा मृत्यू झाला. त्यानंतर आता बोंडअळीचा जिल्ह्यात प्रादुर्भाव दिसून येत आहे. हे दोन प्रश्‍न राज्यभरात गाजत आहेत. विधिमंडळाच्या हिवाळी अधिवेशनातही याच प्रश्‍नांवर विरोधक सरकारला घेरण्याच्या तयारीत असून, राज्यातील तब्बल ४० आमदारांनी कृषी विभागाकडे माहिती मागितली आहे.

जिल्ह्यातील शेतकरी दुष्काळाशी दोन हात करीत असतानाच आता नवे संकट शेतकऱ्यांसमोर आले आहे. कपाशीवर फवारणी करीत असताना फवारणीतून विषबाधा झाल्याने जिल्ह्यातील २२ शेतकरी, शेतमजुरांचा मृत्यू झाला. ८०० पेक्षा जास्त जणांना बाधा झाली. पहिल्यांदाच एवढ्या मोठ्या प्रमाणात फवारणीचे दुष्परिणाम समोर आले. हे संकट कमी होत नाही, तोच कपाशीवर बोंडअळीचे संकट आल्याचे समोर आले. या संकटाने शेतकऱ्यांचे कबंरडेच मोडले. एकरच्या -एकर कपाशीवर बोंडअळीचे आक्रमण झाल्याने हातात आलेले पीक निघून गेले. जिल्ह्यातील या दोन्ही समस्या देशपातळीवर चर्चेचा विषय ठरल्या. त्यानंतर विरोधी पक्षातील नेत्यांपासून तर सत्ताधारी पक्षातील नेत्यांपर्यंत सर्वांनीच जिल्ह्याचा दौरा केला. मात्र, या दौऱ्यातून म्हणावे तसे शेतकरी, शेतमजुरांच्या हाती काहीच आलेले नाही.  

याच प्रश्‍नावर आता विरोधकांनी सत्ताधाऱ्यांना घेरण्याची तयारी सुरू केली आहे. शेतकरी प्रश्‍नावर ‘राष्ट्रवादी’ने हल्लाबोल केला आहे, तर कॉंग्रेसही ‘जनआक्रोश’च्या माध्यमातून सभागृहाबाहेर लढा देत आहे. सभागृहात याच प्रश्‍नावर सत्ताधाऱ्यांना खिंडीत गाठण्याची तयारी सुरू आहे. फवारणीतून विषबाधा तसेच बोंडअळीच्या प्रश्‍नावर राज्यातील तब्बल ४० आमदारांनी प्रश्‍न उपस्थित केला आहे. तसे पत्र जिल्हा कृषी विकास अधिकाऱ्यांच्या कार्यालयात धडकले आहे. कॉंग्रेस, राष्ट्रवादीसोबत शिवसेना आमदारांनी या मुद्याला हात घातल्याने विधिमंडळात फवारणी, बोंडअळीचे पडसाद उमटण्याची शक्‍यता वर्तविण्यात येत आहे.

‘कृषी’चा ताप वाढला
फवारणी प्रकरण तसेच आता बोंडअळीने कृषी विभागाचा ताप वाढला आहे. अशातच आता ‘लक्ष्यवेधी’ व ‘तारांकित’ प्रश्‍नाच्या पत्रामुळे अधिकाऱ्यांची झोप उडाली आहे. ४० आमदारांच्या प्रश्‍नाला उत्तर देताना अधिकाऱ्यांची दमछाक होत असल्याची चर्चा आहे.

इतर अॅग्रो विशेष
आरोग्यदायी आहार हेच हवे लक्ष्य!पहिले आणि दुसरे महायुद्ध संपले, यामध्ये...
तापलेलं ‘दूध’अनिश्‍चित अशा शेतीला शाश्वत मिळकतीची जोड म्हणून...
खडकवासला, कलमोडी धरण भरलेपुणे  : जिल्ह्याच्या बहुतांशी भागात पावसाने...
दुधाचा भडका; सरकारची कोंडी पुणे  : राज्यातील दूध उत्पादक शेतकऱ्यांच्या...
दुधाचे टँकर बंदोबस्तात मुंबईकडे रवानानाशिक : स्वाभिमानी शेतकरी संघटनेने पुकारलेल्या...
कोकण, मध्य महाराष्ट्र, पूर्व विदर्भात...पुणे: कोकण, मध्य महाराष्ट्राला सोमवारी (ता. १६)...
दूध आंदोलनाचे विधिमंडळातही पडसादनागपूर: दुधाला लिटरमागे प्रतिलिटर पाच रुपये...
बाजारपेठ ओळखून केळी बागेचे आदर्श नियोजनकठोरा (ता. जि. जळगाव) येथील पांडुरंग मोहन पाटील व...
एकात्मीक शेतीतून खुल्या झाल्या...आत्महत्याग्रस्त अशी ओळख असलेल्या यवतमाळ जिह्यातील...
दूधदर प्रश्नी विधिमंडळ दणाणले; सभेत...नागपूर : राज्यात सुरु असलेल्या दूध दर आंदोलनाचे...
दूध आंदोलन तापले, बहुतांश जिल्ह्यात...पुणे : शेतकऱ्यांना प्रति लिटर थेट पाच रुपये...
कोल्हापूरात दूध संकलन १०० टक्के बंद ! कोल्हापूर- गायीच्या दूधाला प्रतिलिटर पाच...
आंतरराष्ट्रीय सुबाभूळ परिषदेच्या...पोषण हा पशुपालनातील सगळ्यात महत्त्वाचा घटक आहे....
चिंब झाली रान माती...कमी पाऊसमानानंतर उद्भवणारी पाणीटंचाई आणि दुष्काळी...
आंदोलन होणारचकोल्हापूर/ पुणे : अनेक दूध संघ अगोदरच गायीच्या...
काेकण, विदर्भात तुरळक ठिकाणी...पुणे : बंगालच्या उपसागरातील कमी दाबाचे क्षेत्र...
साखर कारखान्यांकडे १२ हजार कोटींची...लखनौ ः उत्तर प्रदेशात २०१७-१८ च्या हंगामात...
संघांकडून दूध दरात तीन रुपयांची वाढपुणे ः दूध दरावर ताेडगा काढण्यासाठी राज्य सरकारने...
पीककर्ज वितरण केवळ ३० टक्केचपुणे : शेतकऱ्यांना पीककर्ज वाटपात दिरंगाई...
सेंद्रिय भातशेतीसोबतच राबविली थेट...पुणे जिल्ह्यातील भोयरे (ता. मावळ) येथील रोहिदास...