agriculture news in marathi, 40 thousand demand for transformer from farmers | Agrowon

रोहित्रांसाठी शेतकऱ्यांकडे चाळीस हजारांची मागणी
टीम अॅग्रोवन
सोमवार, 8 जानेवारी 2018

अंबासन, जि. नाशिक : तालुक्‍यात वीज वितरण कंपनीचा भोंगळ कारभार चव्हाट्यावर आला असून, बागलाण पंचायत समितीत ग्रामस्थांची वीज वितरणकडून होणारी लूट पंचायत समितीच्या सदस्यांना चांगलीच जिव्हारी लागली आहे. तालुक्‍याचे कार्यकारी अभियंता अनिल उइके यांना बोलवून नेमक्‍या कोणत्या वरिष्ठांना पैसे पोचवले जातात, याबाबत जाब विचारत चांगलेच धारेवर धरले.

अंबासन, जि. नाशिक : तालुक्‍यात वीज वितरण कंपनीचा भोंगळ कारभार चव्हाट्यावर आला असून, बागलाण पंचायत समितीत ग्रामस्थांची वीज वितरणकडून होणारी लूट पंचायत समितीच्या सदस्यांना चांगलीच जिव्हारी लागली आहे. तालुक्‍याचे कार्यकारी अभियंता अनिल उइके यांना बोलवून नेमक्‍या कोणत्या वरिष्ठांना पैसे पोचवले जातात, याबाबत जाब विचारत चांगलेच धारेवर धरले.

तालुक्‍यातील करंजाडी खोऱ्यातील निताणे गाव सोळा दिवसांपासून अंधारात आहे. याच गावातील शेतकऱ्यांनी सहा महिन्यांपासून शेतीसाठी नव्याने पाच रोहित्रे बसविली आहेत. संबंधित ठेकेदारामार्फत संपूर्ण काम झाले असतानाही आजतागायत वीजपुरवठा सुरू झालेला नाही. या प्रत्येकी रोहित्रामागे चाळीस हजार रुपयांची संबंधित अधिकाऱ्यांकडून मागणी होत असल्याचे पंचायत समितीचे सदस्य वसंत पवार यांनी सांगितले.

याबाबत पंचायत समिती बागलाण येथे तातडीने बैठक बोलवून तालुक्‍याचे कार्यकारी अभियंता अनिल उइके यांना बोलविण्यात आले व सर्व हकीगती सदस्यांनी त्यांना सांगितल्या. आपण या सर्व गोष्टींबाबत अनभिज्ञ असून, कुठलीही कल्पना नसल्याचे श्री. उइके यांनी सांगितले. विजेच्या कोटेशनसाठी फक्त पाच ते साडेपाच हजार रुपये खर्च येत असतानाही संबंधित अधिकारी पंचवीस ते तीस हजार घेत आहेत. याबाबत कोणीही विचारणा केल्यास वरिष्ठ अधिकाऱ्याकडे हे पैसे पोचवावे लागतात, असे उत्तर दिले जाते.

अनेक शेतकऱ्यांनी वीजपंपांची तीन हजार रुपये देयके दिली असतानाही त्यांना बिलाची पावतीच दिली गेली नाही. वीज वितरण कंपनीचे अधिकारी तोंडाने पैशांची मागणी करीत असल्याचे या वेळी बैठकीत पंचायत समितीच्या उपस्थित सदस्यांनी सांगितले. संबंधित मुजोर अधिकाऱ्याची दोन दिवसांत उचलबांगडी न केल्यास पंचायत समितीचे सर्व सदस्य तालुक्‍यातील ग्रामस्थांना घेऊन आंदोलन केल्याशिवाय राहणार नसल्याचे पंचायत समितीत झालेल्या बैठकीत सांगण्यात आले.

गटविकास अधिकारी जितेंद्र देवरे यांनी संबंधित अधिकाऱ्यांच्या बदलीसाठी मासिक मीटिंगमध्ये ठराव मांडण्यात आल्याचे सांगितले. वीज वितरण कंपनीने शेतकऱ्यांची चालवलेली लूट थांबवावी अन्यथा वीज वितरणविरोधात तीव्र आंदोलन छेडण्याचा इशारा देण्यात आला आहे.  बैठकीत अतिरिक्त गटविकास अधिकारी महेंद्र कोर, सभापती विमल सोनवणे, उपसभापती शीतल कोर, सदस्य वसंत पवार, माणिक आहिरे, वैशाली महाजन, कान्हू आहिरे, अतुल आहिरे, संजय जोपळे, ज्योती आहिरे, कल्पना सावंत, रामदास सोनवणे, जिभाऊ कोर, पंडित आहिरे, दादाजी महाजन उपस्थित होते.

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...