सातारा जिल्ह्यात ४० टॅंकरद्वारे पाणीपुरवठा

सातारा जिल्ह्यात ४० टॅंकरद्वारे पाणीपुरवठा
सातारा जिल्ह्यात ४० टॅंकरद्वारे पाणीपुरवठा

सातारा : जिल्ह्यात माॅन्सूनची दमदार हजेरी लागली असली तरी टॅंकरच्या संख्येत नाममात्र घट झाली आहे. गेल्या तीन दिवसांत टॅंकरच्या संख्येत तीनने घट होऊन ४० वर आली आहे. सध्या जिल्ह्यात ५२ गावे १३२ वाड्यावस्त्यांवर टॅंकरद्वारे पाणीपुरवठा केला जात आहे. जिल्ह्यात माॅन्सूनने दमदार हजेरी लावली असली तरी टंचाईग्रस्त गावे अजूनही कोरडीच आहेत. यामुळे या गावातील जनतेस अजून पिण्याच्या पाण्यासाठी टॅंकरवरची विसबून राहावे लागत आहे. जिल्ह्यातील फलटण व सातारा या तालुक्‍याचा अपवाद वगळता इतर सर्व नऊ तालुक्‍यांतील काही गावात टॅंकरद्वारे पाणीपुरवठा केला जात आहे. सध्या जिल्ह्यात ४० टॅंकरद्वारे ५२ गावे १३२ वाड्यावस्त्यांवरील ६१ हजार २२४ लोकसंख्येस पाणीपुरवठा केला जात आहे. यमाध्ये सर्वाधिक जावली तालुक्‍यात १२ टॅंकरद्वारे ९ गावे व १० वाड्यावस्त्यांवर पाणीपुरवठा केला जात आहे. त्यापाठोपाठ माण तालुक्‍यात नऊ टॅंकरद्वारे १४ गावे ८४ वाड्यावस्त्यांवर पाणीपुरवठा केला जात आहे. खटाव तालुक्‍यात सहा टॅंकरद्वारे आठ गावे २८ वाड्यावस्त्यांवर, कोरेगाव तालुक्‍यात सहा टॅंकरद्वारे आठ गावांत, खंडाळा तालुक्‍यात एका टॅंकरद्वारे एका गावात, वाई तालुक्‍यात दोन टॅंकरद्वारे दोन गावे एका वाडीवस्तीवर, महाबळेश्‍वर तालुक्‍यात एका टॅंकरद्वारे सात गावे व तीन वाड्यावस्तीवर, तर कराड तालुक्‍यात एका टॅंकरद्वारे दोन गावे व दोन वाड्यावस्त्यांवर पाणीपुरवठा केला जात आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com