agriculture news in marathi, 41/5000 Vaḍāṅgaḷīta ubhāraṇāra 5 mēgāvŏṭacā sōlara prakalpa 5 MW Solar Project to be set up in wadangali | Agrowon

वडांगळीत उभारणार ५ मेगावॉटचा सोलर प्रकल्प
टीम अॅग्रोवन
मंगळवार, 9 जानेवारी 2018

नाशिक : सिन्नर तालुक्यातील वडांगळी येथे खासगीकरणातून पाच मेगावॉटचा सोलार प्रकल्प उभा करण्यासाठी महाजनकोने प्रस्ताव मागवले आहे. हा प्रकल्प उभा करण्याबरोबरच परिसरातील पाच किमी परिसरातील शेतकऱ्यांना वीजपुरवठा करणार आहे. शेतकऱ्यांकडून वीजबिलाची वसुली प्रकल्प उभारणाऱ्यानेच करावी, यासाठी खडांगळीचा ११ केव्हीचा फीडर प्रकल्प उभारण्यासाठी गुंतवणूक करणाऱ्या कंपनीकडेच हस्तांतरित करण्यात येणार आहे.

नाशिक : सिन्नर तालुक्यातील वडांगळी येथे खासगीकरणातून पाच मेगावॉटचा सोलार प्रकल्प उभा करण्यासाठी महाजनकोने प्रस्ताव मागवले आहे. हा प्रकल्प उभा करण्याबरोबरच परिसरातील पाच किमी परिसरातील शेतकऱ्यांना वीजपुरवठा करणार आहे. शेतकऱ्यांकडून वीजबिलाची वसुली प्रकल्प उभारणाऱ्यानेच करावी, यासाठी खडांगळीचा ११ केव्हीचा फीडर प्रकल्प उभारण्यासाठी गुंतवणूक करणाऱ्या कंपनीकडेच हस्तांतरित करण्यात येणार आहे.

येत्या दोन वर्षांत सोलार प्रकल्पातून २५० मेगावॉट वीज उत्पादन करण्याचे उद्दिष्ट राज्य सरकारने ठरवले असून, २०२२ पर्यंत १५००० मेगावॉटचा पल्ला गाठण्याचा सरकारचा मनोदय आहे. सरकारने प्रयत्न करूनही आजपर्यंत संपूर्ण राज्यात केवळ ५०० मेगावॉटचे प्रकल्प उभे करण्यात सरकारला यश आले आहे. एवढा मोठा पल्ला गाठणे एकट्या सरकारला अशक्य असून, खासगी गुंतवणूकदारांना त्यासाठी प्रोत्साहित करण्याचे धोरण सरकारने अवलंबले आहे.

पारंपारिक स्रोतांपासून सध्या वीज ६-७ रुपये प्रतियुनिट दराने सरकार खरेदी करते; अथवा जवळपास त्याचदरम्यान वीज उत्पादनाचा खर्च येतो. मात्र, शेतकऱ्यांना हीच वीज एक ते सव्वा रुपये प्रतियुनिट दराने सरकार अर्थात वीज वितरण कंपनी बांधावर पोचवते.

अपांरपरिक ऊर्जेच्या माध्यमातून वेगवेगळ्या भागांत प्रकल्प उभारून त्या-त्या भागाची गरज भागवण्याचा व खर्च कमी करण्याचा निर्णय सरकारने घेतला आहे. त्यासाठी खास मुख्यमंत्री सौर कृषी वाहिनी योजना राज्यभर राबवण्यात येत असून, या योजनेचे पायलट प्रोजेक्ट राळेगणसिद्धी व यवतमाळमध्ये यशस्वी झाल्यानंतर प्रत्येक जिल्ह्यात पाच असे प्रकल्प उभारण्याचा निर्णय सरकारने घेतला आहे. त्याअंतर्गत वडांगळीला ५ मेगावॉटचा सोलर प्रकल्प उभा करण्यासाठी शासनाने प्रस्ताव मागवले आहेत.

या प्रस्तावानुसार प्रकल्पासाठी आवश्यक असणारी जागा सरकार उपलब्ध करून देणार असून, प्रकल्पापासून जवळच्या वीज उपकेंद्रापर्यंत वीज पोचवल्यानंतर या उपकेंद्रापासून ठरवलेल्या फीडरपर्यंतच वीज पोचवण्याची जबाबदारी वीज वितरण कंपनी घेणार आहे. एक ते सव्वा रुपये युनिटऐवजी शेतकऱ्यांना ३ ते सव्वा तीन रुपये प्रतियुनिट दराने वीजपुरवठा व्हावा, अशी सरकारची अपेक्षा असून, या प्रकल्पातून तयार होणारी वीज २४ तास शेतकऱ्यांना उपलब्ध असणार आहे.

वीज बिलाची वसुलीही गुंतवणूकदाराला स्वत:च करावी लागणार असून, आपली गुंतवणूक वसूल करण्यासाठी २०-२५ वर्षांपर्यंत हा प्रकल्प गुंतवणूकदाराकडेच राहणार आहे. या प्रकल्पातील वीज गळती रोखण्यापासून देखभाल दुरुस्तीची जबाबदारीही संबंधित गुंतवणूक करणाऱ्या कंपनीची राहणार आहे. शेतकऱ्याने वीजबिल भरले नाही, तर त्याची वीज जोडणी तोडण्याचा अधिकारही संबधित गुंतवणूकदाराला असणार आहे.

२२ ते २५ कोटींची होणार गुंतवणूक

वडांगळी परिसरातील गायरान जमिनीवर मोठ्या प्रमाणावर येड्या बाभळींचे जंगल उभे राहिले असून, या गायरान जमिनीपैकी २५ एकर जमीन या प्रकल्पासाठी देण्यात येणार आहे. सुमारे २२ ते २५ कोटीची गुंतवणूक करून हा प्रकल्प उभा राहणार आहे, अशी माहिती सूत्रांनी दिली.

इतर बातम्या
कपाशीच्या नांदेड ४४ बीटी बियाण्याची ५...परभणी ः महाबीज आणि वसंतराव नाईक मराठवाडा कृषी...
वनस्पतीच्या ताण स्थितीतील संदेश यंत्रणा...वनस्पतीतील ताणाच्या स्थितीमध्ये कार्यरत होणाऱ्या...
ऑस्ट्रेलियातील सुपरमार्केटची दुष्काळाशी...ऑस्ट्रेलियातील एका सुपर मार्केटने दुष्काळाशी...
गोदावरीत प्रदूषण केल्यास होणार कारवाईनाशिक : नाशिक शहरातून वाहणाऱ्या गोदावरी...
सोलापुरात टंचाई निवारणाचा भार...सोलापूर : सोलापूर जिल्ह्याचा ग्रामीण भाग...
शेतीमालाच्या काढणीपश्चात तंत्रज्ञानावर...नाशिक :  ‘उन्नत शेती समृद्ध शेतकरी...
खानदेशात पपईला उन्हासह पाणीटंचाईचा फटकानंदुरबार : खानदेशात या हंगामात पपई लागवड कमी...
रायवाडी तलावातून १५ हजार ब्रास गाळ काढलासांगली ः कवठेमहांकाळ तालुक्यातील सर्वाधिक पाणी...
सांगली बाजारसमितीत हळद, गुळाची उलाढाल ...सांगली ः व्यापाऱ्यांना सेवाकराच्या नोटिसा...
नगर जिल्ह्यात छावण्यांवर दर दिवसाला...नगर  : नगर जिल्ह्यामध्ये दुष्काळात पशुधन...
सातारा जिल्ह्यात पाणीटंचाई होतेय तीव्रसातारा ः जिल्ह्यात दिवसेंदिवस पाणीटंचाई तीव्र होत...
लातूर विभागात होणार चौदाशे शेतीशाळालातूर ः या वर्षीपासून शेतकऱ्यांच्या शेतावर...
कोरडवाहू फळपिकांच्या क्षेत्र वाढीसाठी...नांदेड ः जिल्ह्यातील शेतकऱ्यांच्या शाश्वत...
पुणे जिल्ह्यासाठी २६ हजार ५७३ क्विंटल...पुणे  ः खरीप हंगाम सुरू होण्यास एक ते दीड...
पुणे विभागात राष्ट्रीय फलोत्पादन...पुणे   ः कृषी विभागामार्फत चालू वर्षी...
तंटामुक्‍त गाव अभियानाला चंद्रपुरात...चंद्रपूर : शांततेतून समृद्धीकडे जाण्याचा...
परभणीत खरिपासाठी ९७ हजार क्विंटल...परभणी ः परभणी जिल्ह्यात २०१९-२० च्या खरीप...
अमरावतीत तुर चुकाऱ्यासाठी हवे ८७ कोटी;... अमरावती : चुकाऱ्यांसाठी यंदा शेतकऱ्यांना...
शेतीच्या दृष्टीने सरकारचा कारभार...नाशिक : अगोदरचा कालखंड व ही पाच वर्षे यात...
अमरावतीतून ९१ विहिरी अधिग्रहणाचे...अमरावती  ः सरासरीपेक्षा कमी पाऊस झाल्यामुळे...