agriculture news in marathi, 45 lakh agripumps electricity use will be audited says Minister Bavankule | Agrowon

राज्यातील ४५ लाख शेतीपंपांच्या वीजवापराचे ऑडिट करणार
टीम अॅग्रोवन
बुधवार, 6 जून 2018

नगर : महावितरणकडून वीजपुरवठा करण्यात येणाऱ्या राज्यातील ४५ लाख शेतीपंपांच्या वीजवापराचे येत्या तीन महिन्यांत स्वतंत्र "ऑडिट" करण्यात येणार आहे. ऊर्जामंत्री चंद्रशेखर बावनकुळे यांनी राळेगणसिद्धीत काल (सोमवारी) ही माहिती दिली. ऑडिटमुळे शेतकऱ्यांचा वीजवापर निश्‍चित होऊन वीजबिलाबाबतच्या तक्रारी निकाली निघतील, असे त्यांनी सांगितले. बावनकुळे यांनी ज्येष्ठ समाजसेवक अण्णा हजारे यांची भेट घेऊन चर्चा केली.

नगर : महावितरणकडून वीजपुरवठा करण्यात येणाऱ्या राज्यातील ४५ लाख शेतीपंपांच्या वीजवापराचे येत्या तीन महिन्यांत स्वतंत्र "ऑडिट" करण्यात येणार आहे. ऊर्जामंत्री चंद्रशेखर बावनकुळे यांनी राळेगणसिद्धीत काल (सोमवारी) ही माहिती दिली. ऑडिटमुळे शेतकऱ्यांचा वीजवापर निश्‍चित होऊन वीजबिलाबाबतच्या तक्रारी निकाली निघतील, असे त्यांनी सांगितले. बावनकुळे यांनी ज्येष्ठ समाजसेवक अण्णा हजारे यांची भेट घेऊन चर्चा केली.

बावनकुळे राळेगणसिद्धी येथे आले होते. राज्यातील शेतकऱ्यांना येणाऱ्या वीजबिलाबाबत ज्येष्ठ समाजसेवक अण्णा हजारे यांनी आंदोलनाचा इशारा देणारे पत्र बावनकुळे यांना पाठविले होते. या पत्राची तातडीने दखल घेऊन बावनकुळे यांनी सोमवारी सायंकाळी अण्णा हजारे यांची भेट घेऊन सरकारकडून आखण्यात आलेल्या उपाययोजनांबाबत माहिती दिली.

बावनकुळे म्हणाले, ‘‘शेतीपंपांच्या वीजवापराचे काटेकोर नियोजन व्हावे, यासाठी आयआयटीसारख्या नामांकित संस्थेकडून राज्यातील सर्वच कृषिपंपांच्या वीजवापराचे येत्या तीन महिन्यांच्या कालावधीत जिल्हानिहाय ऑडिट केले जाईल. या ऑडिटनुसार त्यानंतरच्या तीन महिन्यांत हे बिल वसूल केले जाईल. कृषिपंपांची थकबाकी वसूल करण्यासाठी यापूर्वी जाहीर करण्यात आलेल्या योजनेला अल्पप्रतिसाद मिळाला असून, शेतीपंपांची थकबाकी २९ हजार कोटी रुपयांपर्यंत पोहाेचली आहे. शेतकऱ्यांकडे व्याज, दंड वगळता १८ हजार कोटी रुपये मूळ थकबाकी आहे. ऑडिटनंतर वीजबिलाबाबतच्या तक्रारी उरणार नाहीत,’’ अशी अपेक्षा त्यांनी व्यक्त केली.

मुख्यमंत्री सोलर कृषी वाहिनी योजनेला जमीन देणाऱ्या गावातील शेतकऱ्यांना दिवसा अखंडित वीज देण्याचे धोरण आहे. शेतकऱ्यांसाठी वरदान ठरू शकणाऱ्या या योजनेला अधिक गती देण्यात येत असल्याचे त्यांनी सांगितले. या वेळी त्यांनी राळेगणसिद्धी येथे या योजनेतून साकारत असलेल्या दोन मेगावॉट प्रकल्पाची पाहणी करून या प्रकल्पात आणखी तीन मेगावॉटची क्षमता वाढविण्यास मंजुरी देण्यात येणार असल्याचे त्यांनी सांगितले.

दोषी अधिकाऱ्यांवर कारवाई
ज्येष्ठ समाजसेवक अण्णा हजारे अध्यक्ष असलेल्या राळेगणसिद्धी येथील कृष्णा पाणीपुरवठा संस्थेला अधिकचे वीजबिल पाठविले असल्याची तक्रार या वेळी करण्यात आली. त्यामुळे कोणी दोषी आढळले तर त्या दोषी अधिकाऱ्यांवर ऊर्जामंत्री बावनकुळे यांनी तातडीने कारवाई करण्याचे आदेश दिले.

इतर ताज्या घडामोडी
राज्यातील चौदा मतदारसंघांत आज मतदानमुंबई   ः लोकसभा निवडणुकीच्या तिसऱ्या...
स्थानिक घटकांपासून नावीन्यपूर्ण सौर...तीव्र थंडीच्या स्थितीमध्ये वापरण्यायोग्य सौर...
जळगावात हरभऱ्याची ऑनलाइन नोंदणी आज बंदजळगाव : जिल्ह्यात शासकीय हरभरा खरेदीसाठी अजून...
रावेर, जळगावसाठी आज मतदानजळगाव : लोकसभा निवडणुकीच्या जळगाव व रावेर...
वाळूउपशामुळे विहिरींच्या पाणीपातळीत घटनाशिक : बागलाण तालुक्यातील ताहाराबाद ...
नांदेड जिल्ह्यात अडीच हजार कोटींचे...नांदेड ः नांदेड जिल्ह्यातील विविध बॅंकांना २०१९-...
राज्याचे एक थेंबही पाणी गुजरातला देऊ...नाशिक  : ‘‘पंतप्रधान नरेंद्र मोदी...
धर्मराजाचा कडाही यंदा आटलामाजलगाव, जि. बीड : माजलगाव धरणालगतच असलेला...
लक्षवेधी माढ्यासाठी आज मतदानसोलापूर  : अत्यंत प्रतिष्ठेच्या ठरलेल्या...
जळगाव बाजारात केळी दरात सुधारणाजळगाव ः जिल्ह्यात मुक्ताईनगर व रावेरात दर्जेदार...
नगरमध्ये प्रशासन गुंतले निवडणुकीत,...नगर  : दुष्काळात जनावरे जगविण्यासाठी चारा...
पुणे विभागात तेरा हजार हेक्टरवर चारा...पुणे : पाणीटंचाईमुळे चाऱ्याची चांगलीच टंचाई...
पुणे जिल्ह्यात पाणीटंचाईमुळे फळबागा...पुणे  ः कमी झालेल्या पावसामुळे जिल्ह्यातील...
नगर लोकसभा मतदारसंघात आज मतदाननगर : नगर लोकसभा मतदारसंघासाठी आज (मंगळवारी) २०३०...
यवतमाळ जिल्ह्यात दोन लाख टन खतांची मागणीयवतमाळ  : येत्या खरीप हंगामासाठी कृषी...
यवतमाळ जिल्ह्यात होणार ६६४ विहिरींचे...यवतमाळ  ः जिल्ह्यात दिवसेंदिवस गंभीर होत...
कळमणा बाजारात तुरीच्या दरात सुधारणानागपूर ः कळमणा बाजार समितीत तुरीची आवक...
अमरावतीतील दहा हजारांवर शेतकऱ्यांचे... अमरावती  ः निसर्गाचा लहरीपणामुळे शेतकरी...
शरद जोशीप्रणीत शेतकरी संघटनेच्या...जळगाव   ः लोकसभा निवडणुकीसाठी नाशिक...
शेतकरी आणि व्यापाऱ्यांमधील ...नाशिक  : कृषी अर्थव्यवस्था बळकट करण्यासाठी...