चहा मळा
चहा मळा

छोट्या चहा उत्पादकांकडून ५० टक्के उत्पादन

देशात सध्या चहा उत्पादन वाढले असले तरी त्या प्रमाणात मागणी नाही. त्यामुळे चहाचे दर कमी झाले आहेत. छोट्या उत्पादकांचे उत्पादन वाढत असल्याने मोठ्या उद्योगांसमोर आव्हान उभे राहिले आहे. - पी. के. बेझबारुआह, सचिव, चहा बोर्ड

कोलकता ः चहाच्या मोठ्या मळ्यांपेक्षा छोट्या चहा उत्पादकांचा देशातील एकूण उत्पादनातील वाटा वाढत आहे. २०१७ मध्ये एकूण उत्पादनापैकी तब्बल ५० टक्के उत्पादन हे छोट्या उत्पादाकांनी घेतले आहे, अशी माहिती भारतीय चहा असोसिएशनने दिली आहे. चहा बोर्डानुसार चहा उत्पादनाची ही स्थिती पाहिजे तेवढी समाधानकारक नाही. यामुळे बाजारात चहाच्या किमतीत मोठे चढ-उतार येऊ शकतात. २०१७ मध्ये जानेवारी ते डिसेंबर या काळात १३४८.८४ दशलक्ष किलो चहाचे उत्पादन झाले आहे. यापैकी छोट्या उत्पादकांनी ६३१.६९ दशलक्ष किलो उत्पादन घेतले आहे. चहा बोर्डाचे सचिव पी. के. बेझबारुआह म्हणाले, की चहाला मागणी वाढली तर ठीक आहे, नाहीतर उत्पादनाची हीच प्रवृत्ती राहिली तर संपूर्ण चहा उद्योग विस्कळित होईल आणि आर्थिक संकट अधिक गडद होत जाईल. पाने खरेदी कारखाने आणि छोट्या उत्पादकांचा उत्पादन खर्च हा स्थापित संमिश्र चहा मळ्यांच्या तुलनेत कमी आहे. तसेच पाने खरेदी कारखाने छोट्या उत्पादकांकडून पाने खरेदी करून त्यावर प्रक्रिया करतात. पाने खरेदीसाठी त्यांना उत्पादकांना पैसे द्यावे लागतात. दक्षिण भारत त्यानंतर पश्चिम बंगाल आणि आसाम या राज्यांमध्ये छोट्या चहा उत्पादकांचा हिस्सा एकूण उत्पादनात जास्त आहे. ‘‘सध्या चहा उद्योगासमोर अनेक अडचणी आहेत. त्यात चांगल्या प्रतीच्या पानांची मागणी पूर्ण होत नाही. चहाच्या दर्जेदार आणि चांगल्या प्रतीच्या हिरव्या पानांची तोडणी आवश्यक आहे. मात्र छोटे चहा उत्पादक आणि स्थिपित संमिश्र चहा मळेवाले असे पाने तोडण्यात कमी रस घेताना दिसतात. छोट्या उत्पादकांकडूनच जास्त उत्पादन होत असल्याने त्याचा परिणाम चहाच्या गुणवत्तेवर होत आहे. छोटे उत्पादक जास्त उत्पादनासाठी मोठ्या आकाराची पाने आणि कळ्याही तोडतात. मात्र त्यामुळे चहाची गुणवत्ता खालावते’’, असही ते म्हणाले. गुणवत्तेचा प्रश्‍न चहाच्या गुणवत्तापूर्ण उत्पादनासाठी लहान हिरव्या चांगल्या दर्जाच्या पानांची तोडणी होणे आवश्यक असते. चहा उद्योगाकडून या पानांना मागणी असते. मात्र छोटे उत्पादक हे उत्पादन वाढीसाठी मोठी पाने व कळ्याही तोडतात. त्याचा परिणाम चहाच्या गुणवत्तेवर होते. त्यामुळे चहा बोर्ड शेतकऱ्यांना दर्जेदार पानांची काढणी आणि व्यवस्थापनाविषयी माहिती देत आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com