अकोला जिल्ह्यातील सुधारित पैसेवारी ६० पैसे

अकोला जिल्ह्यातील सुधारित पैसेवारी ६० पैसे
अकोला जिल्ह्यातील सुधारित पैसेवारी ६० पैसे

अकोला : जिल्हा प्रशासनाला सुधारित पैसेवारीचे प्रस्ताव मिळाले असून ९९१ गावांपैकी ८२७ गावांची पैसेवारी ५० पेक्षाअधिक अाली अाहे. मूर्तिजापूर तालुक्यातील केवळ १६४ गावेच ५० पैशांच्या अात पैसेवारी असणारी अाहेत. जिल्ह्याची एकूण पैसेवारी ही ६० निघाली अाहे. याबाबतचा अहवाल जिल्हा प्रशासनाने विभागीय अायुक्तांना सादर केला अाहे.

यावर्षी जिल्हयात सरासरी इतका पाऊस झाला, तरी पावसातील खंड अधिक राहल्याने त्याचा पिकांच्या उत्पादकतेवर परिणाम झाला अाहे. मूग, उडीद, सोयाबीन या तिन्ही पिकांची सरासरी उत्पादकता घटली. अाता शेतांमध्ये उभे असलेले कपाशी, तुरीचे पीकही किती उत्पादन देईल, हे निश्चित नाही. परतीचा पाऊस न झाल्याने रब्बी लागवड करायची की नाही, अशा द्विधा मनःस्थितीत शेतकरी अाहेत.

शासकीय यंत्रणांनी नजर अंदाज पैसेवारीनंतर अाता सुधारित पैसेवारीचा अहवाल तयार केला. यानुसार अकोला तालुक्यातील १८२ गावांची ६२ पैसे, अकोटमधील १८५ गावांची ६८, बाळापूरमधील १०३ गावांची ५६, पातूरमधील ९४ गावांची ६२, मूर्तिजापूरमधील १६४ गावांची ४९, तर बार्शी टाकळी तालुक्यातील १५७  गावांची ५७ पैसे एवढी पैसेवारी निघाली अाहे.    उत्पादनात मोठी घट अालेली असताना यंत्रणांची ही पैसेवारी नेमकी कुठल्या अाधारावर फुगली अाहे, याबाबत अाता शेतकऱ्यांमध्ये विचारणा होऊ लागली. पैसेवारी निश्चित करण्यासाठी वर्षानुवर्षे पारंपरिक पद्धतीचा अाधार यंत्रणांकडून घेतला जातो. यामुळे शेतकऱ्यांचे नुकसान होते. जिल्ह्यात नुकताच काही तालुक्यात दुष्काळ जाहीर झाला. परंतु त्याच्या उपाययोजनांची अंमलबजावणी कधीपासून होईल, हे अद्याप स्पष्ट करण्यात अालेले नाही.

तालुकानिहाय पैसेवारी

अकोला  ६८
तेल्हारा   ६४
बाळापूर ५६
पातूर ६२
मूर्तिजापूर     ४९
बार्शी टाकळी ५७
एकूण  ६०

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com