जायकवाडी पाटबंधारे विभाग क्रमांक दोनमधील ६११ पदे रिक्त
जायकवाडी पाटबंधारे विभाग क्रमांक दोनमधील ६११ पदे रिक्त

जायकवाडी पाटबंधारे विभाग क्रमांक दोनमधील ६११ पदे रिक्त

परभणी ः परभणी येथील जायकवाडी पाटबंधारे विभाग क्रमांक दोनअंतर्गत आकृती बंधानुसार मंजूर पदांची संख्या ८४० आहे. परंतु सध्या २२९ पदे कार्यरत असून, ६११ पदे म्हणेजच ७२ टक्के पदे रिक्त आहेत. उपकार्यकारी अभियंता, उपविभागीय अभियंत्याची ३ पदे, शाखा अभियंत्याची २१ पदे तर कालवा निरीक्षकांची २३६ पदे, कालावा चौकीदारांची ५८ पदे रिक्त आहे. सर्वच कर्मचारी संवर्गातील पदे मोठ्या संख्यने रिक्त आहेत. त्यामुळे जायकवाडी डाव्या कालव्याच्या सिंचन प्रणालीचे व्यवस्थापन, देखभाल दुरुस्ती, पाणीपट्टी वसुली आदी कामासाठी मनुष्यबळ तोकडे पडत त्यामुळे सध्या कार्यरत असलेल्या कर्मचाऱ्यांवरील कामाचा ताण वाढला आहे.

परभणी येथील जायकवाडी विभाग क्रमांक दोनच्या कार्यकारी अभियंता कार्यालयातर्फे पैठण येथील जायकवाडी धरणाचा डावा कालवा तसेच जिल्ह्यातील अन्य काही प्रकल्पांचे व्यवस्थापन केले जाते. 

या कार्यालयाच्या आकृतीबंधानुसार एकूण मंजूर पदांची संख्या ८४० आहे. मंजूर पदांमध्ये कार्यकारी अभियंत्याचे १ पद, उपकार्यकारी अभियंत्याचे १ पद, उपविभागीय अधिकारी-अभियंत्यांची ६ पदे, शाखा अभियंत्याची ४३ पदे, प्रथम लिपिक, विभागीय लेखपाल, भांडारपाल, सहायक भांडारपाल, आरेखक, वरिष्ठ दफ्तर कारकून, नाईक यांची प्रत्येकी १ पदे, वरिष्ठ लिपिकांची ११ पदे, कनिष्ठ लिपिकांची १६ पदे, टंकलेखकांची ६ पदे, स्थापत्य आभियंता सहायकांची ३३ पदे, दप्तर कारकुनांची ८१ पदे, कालवा निरीक्षकांची २६४ पदे, मोजणीदारांची १३२ पदे, संदेशकांची ३३ पदे, वाहन चालकांची ७ पदे, शिपायांची ५० पदे, चौकीदाराची ७ पदे, कालवा चौकीदाराची ९९ पदे, कालवा टपालीची ३३ पदे मंजूर आहेत. 

यापैकी सध्या केवळ २२९ पदे कार्यरत आहेत. उपकार्यकारी अभियंत्याचे एक, उपविभागीय अभियंत्यांची ३ पदे, शाखा अभियंत्याची २१ पदे, विभागीय लेखपाल, सहायक भांडारपाल, आरेखक, नाईक यांचे प्रत्येकी एक पद, वरिष्ठ लिपिकाची ५ पदे, कनिष्ठ लिपिक, टंकलेखक, वाहन चालक यांची प्रत्येकी ३ पदे, अनुरेखकाची ४ पदे, अभियांत्रिकी सहायकाची २३ पदे, दप्तर कारकूनाची ५४ पदे, कालवा निरीक्षकांची २३६ पदे, मोजणीदारांची १०१ पदे, संदेशकांची ३३ पदे, शिपायाची ३४ पदे, कालवा चौकीदारांची ५८ पदे, कालवा टपालीची २४ पदे असे एकूण ६११ पदे रिक्त आहेत.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com