agriculture news in Marathi, 764 crore fund for drip subsidy, Maharashtra | Agrowon

ठिबक अनुदानासाठी ७६४ कोटींचा निधी
टीम अॅग्रोवन
सोमवार, 22 जानेवारी 2018

पुणे: राज्यात ठिबक संच बसविलेल्या शेतकऱ्यांना अनुदान वाटण्यासाठी यंदा, २०१७-१८ मध्ये तब्बल ७६४ कोटी उपलब्ध झाले आहेत. ठिबक योजनेच्या इतिहासात एवढा निधी प्रथमच मिळाला असून, आतापर्यंत २१६ कोटी रुपये वाटण्यात आले आहेत. 

सूक्ष्म सिंचन योजनेतील गैरव्यवहाराच्या विरोधात केंद्र शासनाने नियमावली कठोर केली आहे. अर्थात, शेतकऱ्यांसाठी मात्र भरपूर निधी मंजूर करून देण्याची काळजीदेखील प्रथमच घेतली गेली आहे. पाच एकरपेक्षा जादा शेतजमीन असल्याचे कारण दाखवून शेतकऱ्याला दहा टक्के कमी ठिबक अनुदान दिले जात होते. ती अटदेखील यंदा केंद्र सरकारने यंदा रद्द केली आहे. 

पुणे: राज्यात ठिबक संच बसविलेल्या शेतकऱ्यांना अनुदान वाटण्यासाठी यंदा, २०१७-१८ मध्ये तब्बल ७६४ कोटी उपलब्ध झाले आहेत. ठिबक योजनेच्या इतिहासात एवढा निधी प्रथमच मिळाला असून, आतापर्यंत २१६ कोटी रुपये वाटण्यात आले आहेत. 

सूक्ष्म सिंचन योजनेतील गैरव्यवहाराच्या विरोधात केंद्र शासनाने नियमावली कठोर केली आहे. अर्थात, शेतकऱ्यांसाठी मात्र भरपूर निधी मंजूर करून देण्याची काळजीदेखील प्रथमच घेतली गेली आहे. पाच एकरपेक्षा जादा शेतजमीन असल्याचे कारण दाखवून शेतकऱ्याला दहा टक्के कमी ठिबक अनुदान दिले जात होते. ती अटदेखील यंदा केंद्र सरकारने यंदा रद्द केली आहे. 

"महाराष्ट्रातील शेतकऱ्यांसाठी केंद्र शासनाने सूक्ष्म सिंचन योजनेतील स्वतःचा वाटा म्हणून ३८१ कोटी रुपयांचा निधी यंदा दिला आहे. राज्य शासनाने यात आपला वाटा म्हणून २४० कोटी रुपये टाकले आहेत. राज्य शासनाने याशिवाय ठिबकची स्वतंत्र एक योजना १०० टक्के अनुदानावर मराठवाड्यातील शेतकऱ्यांसाठी उपलब्ध करून दिली आहे. त्यासाठी राज्याच्या तिजोरीतून १४३ कोटी रुपये ठिबककरीता मिळाले आहेत. त्यामुळे एकूण ७६४ कोटी रुपयांचा निधी प्रथमच ठिबक योजनेसाठी उपलब्ध झाला आहे. इतका निधी ठिबकसाठी यापूर्वी कधीही मंजूर झालेला नव्हता, अशी माहिती सूत्रांनी दिली. 

ठिबकसाठी मंजूर निधी भरपूर असला तरी वापराच्या प्रमाणात निधीचे वितरण होत असते. त्यामुळे आतापर्यंत प्रत्यक्षात शेतकऱ्यांना वाटण्यासाठी ७६४ कोटी रुपयांपैकी ३७७ कोटी मिळाले आहेत. उर्वरित ३८७ कोटी रुपये शेतकऱ्यांना वाटले जाणार आहेत. "मार्चमध्ये आर्थिक वर्ष संपले तरी उर्वरित ३८७ कोटी रुपये परत (लॅप्स) जाणार नाहीत. हा निधी पुढील आर्थिक वर्षातदेखील वापरण्याची मुभा असल्यामुळे शेतकऱ्यांना ठिबकसाठी पुढील वर्षीदेखील अनुदानाची अडचण येणार नाही, असे कृषी विभागाचे म्हणणे आहे.

दीड लाख शेतकऱ्यांना लवकरच अनुदान
राज्यातील ८३ हजार शेतकऱ्यांना चालू वर्षात आतापर्यंत २१६ कोटी रुपये वाटण्यात आलेले आहेत. चार लाख ५१ हजार शेतकऱ्यांनी ठिबक अनुदानासाठी अर्ज केलेले आहेत. त्यापैकी २ लाख ५ हजार शेतकऱ्यांच्या अर्जांना पूर्वसंमती मिळाली आहे. अंदाजे दीड लाख शेतकऱ्यांनी ठिबक संच बसवून बिलेदेखील सादर केली आहेत. त्यामुळे या शेतकऱ्यांना पुढील काही दिवसांत थेट बॅंक खात्यांत अनुदानाची रक्कम जमा केली जाईल, असेही सूत्रांनी स्पष्ट केले. 

इतर अॅग्रो विशेष
पारंपरिक उत्साहात शिवजयंती साजरीपुणे : संपूर्ण महाराष्ट्रासह देश-विदेशात अनेक...
माजी आमदार जयंत ससाणे यांचे निधन नगर  :  कॉंगेसचे जिल्हाध्यक्ष माजी...
मराठवाड्याच्या तहानेवर इस्रायली उपाय!७००-८०० मि.मी पाऊस पडणाऱ्या मराठवाड्यात...
जगणे सुसह्य करण्यासाठी जागे व्हाअखिल भारतीय मराठी साहित्य संमेलन शेती,...
‘महामेष’ योजना ३४ जिल्ह्यांत राबविणार...औरंगाबाद : राजे यशवंतराव होळकर महामेष योजना...
शेतीतील यांत्रिकीकरणासाठी हवे शासनाचे...अकोला ः अाजच्या बदलत्या काळात शेती पद्धतीत...
मध्य प्रदेशात गारपीटग्रस्तांना हेक्टरी...नवी दिल्ली ः मध्य प्रदेश राज्यात नुकत्याच...
गारपीटग्रस्तांना भरीव मदतीचा प्रस्ताव...नागपूर ः गारपीटग्रस्तांना सरकारकडून जाहीर करण्यात...
शेतकरी कंपन्यांच्या धान्य खरेदीबाबत...पुणे : हमीभावाने धान्य खरेदीत शेतकरी उत्पादक...
महसूल मंडळातील सरासरी उत्पादकतेनुसार...परभणी : केंद्र शासनाच्या किंमत समर्थन...
गारपीटग्रस्त क्षेत्र तीन लाख हेक्टरमुंबई : राज्यात गेल्या आठवड्यात झालेल्या...
राजधानी दिल्लीत शेती क्षेत्रावर आज...नवी दिल्ली : देशाला नवे कृषी धोरण देण्यासाठी...
‘कापूस ते कापड’पासून आता ‘पिकणे ते...नाशिक : राज्यातील कापसावर प्रक्रिया होऊन...
उन्हाचा चटका जाणवू लागलापुणे : उत्तरेकडील थंड वाऱ्यांचा प्रवाह कमी होऊ...
बचत, व्यवसायातून मिळवली आर्थिक सक्षमता गोऱ्हे बु. (ता. हवेली, जि. पुणे) गावामधील...
एकट्या मराठवाड्यातच २ लाख हेक्टरचे...औरंगाबाद : मराठवाड्यात ११ ते १३ फेब्रुवारीदरम्यान...
विश्वासघाताची किंमत मोजावी लागेल ः अजित...नगर : फेकूगिरी, दिशाभूल, फसव्या घोषणा, महागाईचा...
राज्यातील पाच हजार सोसायट्यांचे...खामगाव, जि. बुलडाणा : राज्यात आगामी काळात ५०००...
पुढील चार दिवस हवामान कोरडे राहणारपुणे : राज्यावरील ढगाळ हवामानाचे सावट दूर...
विश्वासघाताची किंमत मोजावी लागेल ः पवारनगर : फेकूगिरी, दिशाभूल, फसव्या घोषणा,...