agriculture news in Marathi, 764 crore fund for drip subsidy, Maharashtra | Agrowon

ठिबक अनुदानासाठी ७६४ कोटींचा निधी
टीम अॅग्रोवन
सोमवार, 22 जानेवारी 2018

पुणे: राज्यात ठिबक संच बसविलेल्या शेतकऱ्यांना अनुदान वाटण्यासाठी यंदा, २०१७-१८ मध्ये तब्बल ७६४ कोटी उपलब्ध झाले आहेत. ठिबक योजनेच्या इतिहासात एवढा निधी प्रथमच मिळाला असून, आतापर्यंत २१६ कोटी रुपये वाटण्यात आले आहेत. 

सूक्ष्म सिंचन योजनेतील गैरव्यवहाराच्या विरोधात केंद्र शासनाने नियमावली कठोर केली आहे. अर्थात, शेतकऱ्यांसाठी मात्र भरपूर निधी मंजूर करून देण्याची काळजीदेखील प्रथमच घेतली गेली आहे. पाच एकरपेक्षा जादा शेतजमीन असल्याचे कारण दाखवून शेतकऱ्याला दहा टक्के कमी ठिबक अनुदान दिले जात होते. ती अटदेखील यंदा केंद्र सरकारने यंदा रद्द केली आहे. 

पुणे: राज्यात ठिबक संच बसविलेल्या शेतकऱ्यांना अनुदान वाटण्यासाठी यंदा, २०१७-१८ मध्ये तब्बल ७६४ कोटी उपलब्ध झाले आहेत. ठिबक योजनेच्या इतिहासात एवढा निधी प्रथमच मिळाला असून, आतापर्यंत २१६ कोटी रुपये वाटण्यात आले आहेत. 

सूक्ष्म सिंचन योजनेतील गैरव्यवहाराच्या विरोधात केंद्र शासनाने नियमावली कठोर केली आहे. अर्थात, शेतकऱ्यांसाठी मात्र भरपूर निधी मंजूर करून देण्याची काळजीदेखील प्रथमच घेतली गेली आहे. पाच एकरपेक्षा जादा शेतजमीन असल्याचे कारण दाखवून शेतकऱ्याला दहा टक्के कमी ठिबक अनुदान दिले जात होते. ती अटदेखील यंदा केंद्र सरकारने यंदा रद्द केली आहे. 

"महाराष्ट्रातील शेतकऱ्यांसाठी केंद्र शासनाने सूक्ष्म सिंचन योजनेतील स्वतःचा वाटा म्हणून ३८१ कोटी रुपयांचा निधी यंदा दिला आहे. राज्य शासनाने यात आपला वाटा म्हणून २४० कोटी रुपये टाकले आहेत. राज्य शासनाने याशिवाय ठिबकची स्वतंत्र एक योजना १०० टक्के अनुदानावर मराठवाड्यातील शेतकऱ्यांसाठी उपलब्ध करून दिली आहे. त्यासाठी राज्याच्या तिजोरीतून १४३ कोटी रुपये ठिबककरीता मिळाले आहेत. त्यामुळे एकूण ७६४ कोटी रुपयांचा निधी प्रथमच ठिबक योजनेसाठी उपलब्ध झाला आहे. इतका निधी ठिबकसाठी यापूर्वी कधीही मंजूर झालेला नव्हता, अशी माहिती सूत्रांनी दिली. 

ठिबकसाठी मंजूर निधी भरपूर असला तरी वापराच्या प्रमाणात निधीचे वितरण होत असते. त्यामुळे आतापर्यंत प्रत्यक्षात शेतकऱ्यांना वाटण्यासाठी ७६४ कोटी रुपयांपैकी ३७७ कोटी मिळाले आहेत. उर्वरित ३८७ कोटी रुपये शेतकऱ्यांना वाटले जाणार आहेत. "मार्चमध्ये आर्थिक वर्ष संपले तरी उर्वरित ३८७ कोटी रुपये परत (लॅप्स) जाणार नाहीत. हा निधी पुढील आर्थिक वर्षातदेखील वापरण्याची मुभा असल्यामुळे शेतकऱ्यांना ठिबकसाठी पुढील वर्षीदेखील अनुदानाची अडचण येणार नाही, असे कृषी विभागाचे म्हणणे आहे.

दीड लाख शेतकऱ्यांना लवकरच अनुदान
राज्यातील ८३ हजार शेतकऱ्यांना चालू वर्षात आतापर्यंत २१६ कोटी रुपये वाटण्यात आलेले आहेत. चार लाख ५१ हजार शेतकऱ्यांनी ठिबक अनुदानासाठी अर्ज केलेले आहेत. त्यापैकी २ लाख ५ हजार शेतकऱ्यांच्या अर्जांना पूर्वसंमती मिळाली आहे. अंदाजे दीड लाख शेतकऱ्यांनी ठिबक संच बसवून बिलेदेखील सादर केली आहेत. त्यामुळे या शेतकऱ्यांना पुढील काही दिवसांत थेट बॅंक खात्यांत अनुदानाची रक्कम जमा केली जाईल, असेही सूत्रांनी स्पष्ट केले. 

इतर बातम्या
मराठवाडयात कपाशीवर मर रोगाचा प्रादुर्भावपरभणी : सलग तीन आठवडे  पावसाचा खंड आणि...
चाळीतल्या कांद्याचे काय होणार?कांद्यास जुलै २०१७ ते फेब्रुवारी २०१८ या आठ...
पुणे, साताऱ्यातील १५ गावे, ७५...पुणे  : पुणे व सातारा जिल्ह्यांच्या पश्‍चिम...
अौरंगाबाद जिल्ह्यात बोंड अळीचा...औरंगाबाद : गतवर्षीच्या तुलनेत यंदा मराठवाड्यातील...
रोबोट्स निभावतील शिक्षक सहायकाची भूमिकालहान मुलांच्या शिक्षणपद्धतीमध्ये रोबोट हे...
नांदेड जिल्ह्यात ६५ हजार हेक्टरवरील...नांदेडः गेल्या आठवड्यामध्ये झालेली अतिवृष्टी,...
कोल्हापूर जिल्ह्यातील ५२ बंधारे...कोल्हापूर : जिल्ह्याच्या पश्‍चिम भागात पावसाचा...
पुणे विभागात चारा पिकांची ९२ हजार हेक्‍...पुणे : पावसाळ्यात जनावरांसाठी चाऱ्याची अडचण भासू...
सीना धरणातील पाणीसाठ्यात घटकुळधरण, जि. नगर : सीना मध्यम प्रकल्पाच्या पाणलोट...
'वाटेगाव-सुरूल ही देशाच्या सहकार...इस्लामपूर, जि. सांगली ः वाटेगाव-सुरूल शाखा ही...
‘समृद्धी’साठी जमीन संपादन प्रक्रिया...अकोला : प्रस्तावित नागपूर-मुंबई समृद्धी...
वनौषधी उत्पादकांनी केली अनुदानाची मागणीअमरावती  ः पानपिंपरी तसेच वनौषधी...
पाऊस आला; पण त्यानं नुकसान टळलं का?झळा दुष्काळाच्याः जिल्हा जालना जालना जिल्ह्यात...
मोसंबीची फळगळ वाढलीऔरंगाबाद : मोसंबीच्या आंबे बहारावर फळगळीचे संकट...
केरळमध्ये युद्धपातळीवर मदतकार्य तिरुअनंतपुरम : केरळमधील पूरस्थिती अजूनही गंभीर...
‘भूजल’विरोधात आंदोलनाचा पवित्रालखमापूर, जि. नाशिक : शासनाने नव्याने भूजल अधिनियम...
नेमका गरजेवेळी युरिया जातो कुठे?जळगाव  ः जिल्ह्यात मागील काही दिवसांत चांगला...
मराठा आरक्षणासाठी आजपासून पुण्यात चक्री...पुणे : मराठा आरक्षण आणि इतर प्रलंबित मागण्यांसाठी...
नगरमध्ये कामगंध सापळे मिळेनात नगर ः जिल्ह्यामध्ये यंदा जनजागृती करूनही कापसावर...
राज्यात मुबलक युरियापुणे: राज्याच्या काही भागात अपेक्षित पाऊस...