agriculture news in marathi, 782 posts for agricultural Sanjeevani project, akola | Agrowon

कृषी संजीवनी प्रकल्पासाठी 782 पदे भरण्याच्या हालचाली
गोपाल हागे
सोमवार, 2 ऑक्टोबर 2017

या प्रकल्पाला जागतिक बॅंकेची साधारणतः येत्या नोव्हेंबर-डिसेंबरमध्ये मान्यता मिळणे अपेक्षित आहे. ती मिळाल्यानंतर तातडीने नियोजित कामे सुरू केली जातील.
- विकासचंद्र रस्तोगी, प्रकल्प संचालक

अकोला : राज्यातील 15 दुष्काळी जिल्ह्यांतील चार हजार आणि खारपाणपट्ट्यातील सुमारे 900 गावांत राबविल्या जाणाऱ्या नानाजी देशमुख कृषी संजीवनी प्रकल्पासाठी (पोकरा) नवीन 782 पदांच्या आकृतीबंधास शासनाने मंजुरी दिली आहे. यामुळे येत्या काळात हा प्रकल्प लवकरच कार्यान्वित होण्याची चिन्हे निर्माण झाली आहेत.

विदर्भ आणि मराठवाड्यातील 15 जिल्ह्यांतील दुष्काळग्रस्त गावात तसेच पश्‍चिम विदर्भात पूर्णा नदीच्या खोऱ्यात असलेल्या खारपाणपट्ट्यातील 900 गावांमध्ये जागतिक बॅंकेच्या अर्थसाहायाने चार हजार कोटी खर्चाचा हा नानाजी देशमुख कृषी संजीवनी प्रकल्प राबविला जाणार आहे. 15 जिल्ह्यातील पाच हजार 142 गावे यासाठी निवडली आहेत. यासाठी मुंबईत प्रकल्प व्यवस्थापन कक्ष राहणार आहे.

शिवाय जिल्हास्तर, उपविभाग आणि गाव समूह स्तरावर या प्रकल्पाचे मनुष्यबळ काम करेल. या प्रकल्पाच्या संचालकांनी 805 पदांच्या निर्मितीचा शासनाकडे प्रस्ताव दिला होता. मुख्य सचिवांच्या अध्यक्षतेत झालेल्या उच्चस्तरीय सचिव समितीची नवीन 782 पदांना चक्रीय पद्धतीने मान्यता घेण्यात आली आहे. पहिल्या टप्प्यात 782 पैकी 290 पदांची नियुक्ती करण्यास मान्यता देण्यात आली.

यापैकी 101 पदे विविध विभागातील अधिकारी व कर्मचाऱ्यांमधून नियुक्ती किंवा प्रतिनियुक्तीने केली जाईल. या पदांकरिता संबंधित प्रशासकीय विभागाकडून अधिकारी न मिळाल्यास सेवानिवृत्त अधिकारी कर्मचारी बाह्यस्त्रोतातून घेतली जातील. ही सर्व पदे कृषी विभागाच्या आस्थापनेवर राहणार असून प्रकल्प संपुष्टात येताच ही पदेही आपोआप संपुष्टात येणार आहेत.

प्रकल्पामध्ये दुष्काळी गावामध्ये हवामान बदलास अनुसरून कृषी पद्धती विकसित करणे, अल्प व अत्यल्प शेतकऱ्यांच्या कृषी उत्पादकतेत वाढ करणे, शेतकऱ्यांचे उत्पन्न वाढविण्यासाठी कृषी मूल्य साखळीमध्ये त्याचा सहभाग वाढविणे, शेतकऱ्यांचे उत्पन्न वाढविणे, पूरक व्यवसाय देणे इत्यादी बाबींचा अंतर्भाव आहे.

प्रकल्पातील जिल्हे
बुलडाणा, अकोला, अमरावती, वर्धा, औरंगाबाद, जळगाव, बीड, जालना, उस्मानाबाद, परभणी, हिंगोली, वाशीम, यवतमाळ, नांदेड, लातूर जिल्ह्यातील गावे.

खारपाणपट्ट्यातील जिल्हे
अकोला, अमरावती, बुलडाणा जिल्ह्यासह मुक्ताईनगर (जि. जळगाव) तालुक्‍यातील 932 गावे.

इतर अॅग्रो विशेष
कुटुंब एेवजी व्यक्ती घटक माणून कर्जमाफी...नागपूर : "शेतकरी सन्मान योजने" साठी आता कुटुंब...
सर्व इथेनॉल खरेदीची केंद्र शासनाची...नागपूर : अडचणीत असलेल्या साखर उद्योगाला...
गनिमी काव्याने ‘जाम’पुणे: दूध उत्पादकांनी गनिमी कावा करत राज्यभरात...
कोकण, मध्य महाराष्ट्रात पावसाचा जोर...पुणे ः गेल्या दोन ते तीन दिवसांपासून राज्यातील...
`एफआरपी`चे कारखाने संघाकडून स्वागतपुणे : साखर कारखाने अडचणीत असतानाही एफआरपीमध्ये...
पीकविमा सर्व्हर ‘अंडर मेंटेनन्स’अकोला  ः या खरीप हंगामात लागवड केलेल्या...
सेंद्रिय ऊस, हळद, खपली गव्हाला मिळवली...सांगली जिल्ह्यातील आरग येथील जयकुमार अण्णासो...
दूध पावडर बनली आंदोलनाची ठिणगीपुणे : राज्यातील दूध आंदोलनाला दूध पावडरची समस्या...
दूधाला २५ रुपये दर; आंदोलन मागेनागपूर : गायीच्या दुधाचा खरेदी दर प्रति लिटर...
होले झाले कलिंगड, खरबुजातील ‘मास्टर’पुणे जिल्ह्यातील बिरोबावाडी येथील केशव होले या...
शेतकरी केंद्रस्थानी ठेवून आखावी धोरणे स्वातंत्र्यप्राप्तीनंतर देशातील शेतकरी,...
‘निधी’चे सिंचनसर्वाधिक धरणांची संख्या असलेल्या आपल्या राज्याचा...
पेरूसाठी अतिघन लागवड पद्धत उपयुक्तपेरू हे फळझाड व्यापारीदृष्ट्या फार महत्त्वाचे...
ऊस ‘एफआरपी’त २०० रुपये वाढनवी दिल्ली ः ऊस उत्पादकांना दिलासा देण्यासाठी ‘...
स्वाभिमानीचा आज ‘चक्का जाम’पुणे: दुधासाठी शेतकऱ्यांना थेट पाच रुपये अनुदान...
पावसाचा जोर आेसरलापुणे : राज्यात सुरू असलेल्या पावसाचा जोर बुधवारी...
शेतमालाच्या रस्ते, जहाज वाहतुकीसाठी...पुणे ः शेतमालाला देशांतर्गत बाजारपेठ उपलब्ध...
राज्यात निर्यातक्षम केळीचा तुटवडाजळगाव ः राज्यात निर्यातक्षम केळीचा तुटवडा निर्माण...
हमीभाववाढीने २०० अब्ज रुपयांचा भारनवी दिल्ली : केंद्र सरकारने खरिपातील १४ पिकांच्या...
अधिवेशनाच्या पहिल्याच दिवशी...नवी दिल्ली : संसदेचे पावसाळी अधिवेशन सुरू...