agriculture news in Marathi, 81 sugar factories started sugarcane crushing in state, Maharashtra | Agrowon

राज्यात ८१ कारखान्यांची धुराडी पेटली
टीम अॅग्रोवन
शनिवार, 11 नोव्हेंबर 2017

पुणे : राज्यात यंदा भरपूर ऊस असल्यामुळे १४० साखर कारखान्यांमध्ये गाळपाची तयारी युद्धपातळीवर सुरू आहे. पहिल्याच टप्प्यात ८१ कारखान्यांची धुराडी पेटली असून, आतापर्यंत आठ लाख टन उसाचे गाळप झाले आहे. 

पुणे : राज्यात यंदा भरपूर ऊस असल्यामुळे १४० साखर कारखान्यांमध्ये गाळपाची तयारी युद्धपातळीवर सुरू आहे. पहिल्याच टप्प्यात ८१ कारखान्यांची धुराडी पेटली असून, आतापर्यंत आठ लाख टन उसाचे गाळप झाले आहे. 

राज्यातील शेतकऱ्यांचे ऊस वेळेत गाळपाला घेण्यासाठी नगरसहित सांगली, सातारा, कोल्हापूर आणि सोलापूर जिल्ह्यांतील साखर कारखाने आघाडीवर आहेत. कोल्हापूर भागात डी. वाय. पाटील कारखान्याने २१ हजार टन तर ‘गडहिंग्लज’ने १४ हजार आणि छत्रपती राजाराम कारखान्याने १२ हजार टन गाळप केले आहे. सांगली भागात दहा कारखाने सुरू झाले असून ‘हुतात्मा अहिर’मधून २७ हजार टन तर ‘श्री श्री शुगर’ने २० हजार टनांचे गाळप केले.

पुणे भागात ३४ हजार टन ऊस गाळून ‘विघ्नहर’ने आघाडी घेतली आहे. ‘सोमेश्वर’ने २५ हजार, ‘संत तुकाराम’मध्ये १५ हजार, ‘भीमाशंकर’मध्ये २१ हजार, तर ‘नीरा-भीमा’ने २३ हजार टन गाळप केले आहे. 

सोलापूर भागात आघाडीच्या विठ्ठलराव शिंदे साखर कारखान्याने ७० हजार टन ऊस गाळला आहे. नगरच्या साखर उद्योगातील भाऊसाहेब थोरात साखर कारखान्याने ३६ हजार टन, तर ‘कोपरगाव’ने १४ हजार, ‘अशोक’ने पाच हजार, ‘गंगामाई’ने ३२ हजार, तर ‘संजीवनी’ने आतापर्यंत १४ हजार टन गाळप केले आहे. 

राज्यात गाळप परवाने घेण्यासाठी १९१ कारखान्यांनी अर्ज केले आहेत. त्यातील ८१ कारखान्यांमधून नोव्हेंबरच्या पहिल्या आठवड्यापर्यंत पावणेआठ लाख टन गाळप झाले आहे. सव्वातीन लाख क्विंटल ताजी साखर तयार झाल्याचे सांगितले जात आहे. अर्थात, प्रत्येक कारखान्यात किती साखर तयार झाली याची माहिती अजून तयार झालेली नाही.

राज्यात अजून २६ कारखान्यांना लवकरच परवाना मिळणार आहे. मात्र या कारखान्यांनी सरकारची देणी दिलेली नाहीत. चार कारखान्यांनी अर्धवट माहिती पाठविल्यामुळे त्यांनाही गाळप परवाना मिळालेला नाही. शेतकऱ्यांची एफआरपी थकविणाऱ्या २१ साखर कारखान्यांना परवाना न देण्याचा निर्णय राज्य शासनाने तूर्त कायम ठेवला आहे.

इतर अॅग्रो विशेष
शासकीय महापूजेला मुख्यमंत्री जाणार नाहीतपुणे - आषाढी एकादशीच्या दिवशी मुख्यमंत्र्यांना...
तेल्हारा तालुक्यात बीटीवर बोंड अळीअकोला ः यंदाच्या हंगामात प्री-मॉन्सून लागवड...
साखरेसाठी दुहेरी दर योजना अव्यवहार्यनवी दिल्ली ः साखरेचे दर घसरल्याने उद्योगात वापर...
आता होणार पीक पेऱ्याची अचूक नोंद लातूर  : पेरणीचे सूक्ष्म नियोजन व अचूक संकलन...
पावसाचा जोर वाढण्याचा अंदाजपुणे : बंगालच्या उपसागरातील तीव्र कमी दाबाचे...
बनावट संवर्धके, कीटकनाशकांचा २९ लाखांचा...परभणी: विनापरवाना बनावट पीकवाढ संवर्धके (...
दूध दराबाबतचे हमीपत्र देणे बंधनकारकपुणे  ः दूधदरप्रश्‍नी शासनाने जाहीर केलेल्या...
पुणे दूध संघाला ‘एनडीडीबी’चे मानांकनपुणे ः भेसळयुक्त दूध विक्रीला आळा घालण्यासाठी...
पालख्या पंढरपूरच्या उंबरठ्यावर...भाग गेला, शीण गेला । अवघा झाला आनंद ।। ...
शेतीला दिली शेळीपालनाची जोडपाटबंधारे खात्यातील नोकरी सांभाळून राम चंदर...
बचत गटातून वाढली रोजगाराची संधीशेडगाव (ता. श्रीगोंदा, जि. नगर) येथील महिलांनी...
दूध दरवाढ निर्णयाच्या अंमलबजावणीबाबत...कोल्हापूर: दूध संघांनी गायीच्या दुधास २५ रुपये...
विदर्भ, मराठवाडा विकासासाठी २२ हजार...नागपूर (विशेष प्रतिनिधी) ः विदर्भ, मराठवाडा आणि...
विदर्भात आज अतिवृष्टीचा इशारापुणे : बंगालच्या उपसागरात शुक्रवारी (ता. २०...
जमिनीच्या सुधारणेसह आले पिकाची...जमिनीची सुपीकता टिकवणे हे सर्वात महत्त्वाचे झाले...
रोजगार शोधार्थ गाव सोडलेले निवृत्ती...शेतीतून शाश्‍वत उत्पन्नाची हमी नसल्यामुळे कोकर्डा...
कुटुंब एेवजी व्यक्ती घटक माणून कर्जमाफी...नागपूर : "शेतकरी सन्मान योजने" साठी आता कुटुंब...
सर्व इथेनॉल खरेदीची केंद्र शासनाची...नागपूर : अडचणीत असलेल्या साखर उद्योगाला...
गनिमी काव्याने ‘जाम’पुणे: दूध उत्पादकांनी गनिमी कावा करत राज्यभरात...
कोकण, मध्य महाराष्ट्रात पावसाचा जोर...पुणे ः गेल्या दोन ते तीन दिवसांपासून राज्यातील...