agriculture news in marathi, In the 839 villages, farmers will give Kamgadh trails to the farmers | Agrowon

आत्मातर्फे ८३९ गावांत शेतकऱ्यांना कामगंध सापळे देणार
टीम अॅग्रोवन
शुक्रवार, 3 ऑगस्ट 2018

परभणी ः गुलाबी बोंड अळीच्या प्रभावी नियंत्रणासाठी परभणी जिल्ह्यातील ८३९ गावांतील प्रत्येकी पाच शेतकऱ्यांना एक एकर कपाशीच्या पिकांमध्ये लावण्यासाठी कामगंध सापळे उपलब्ध करून देण्यात येणार आहेत. बोंड अळी नियंत्रणासाठी शेतकऱ्यांनी खरेदी केलेल्या कीटकनाशकांच्या किमतीच्या ५० टक्के अनुदान थेट लाभ हस्तांतर (डीबीटी) च्या माध्यमातून बॅंक खात्यावर जमा केली जाणार आहे, या संदर्भात आत्माच्या सूत्रांनी माहिती दिली.

परभणी ः गुलाबी बोंड अळीच्या प्रभावी नियंत्रणासाठी परभणी जिल्ह्यातील ८३९ गावांतील प्रत्येकी पाच शेतकऱ्यांना एक एकर कपाशीच्या पिकांमध्ये लावण्यासाठी कामगंध सापळे उपलब्ध करून देण्यात येणार आहेत. बोंड अळी नियंत्रणासाठी शेतकऱ्यांनी खरेदी केलेल्या कीटकनाशकांच्या किमतीच्या ५० टक्के अनुदान थेट लाभ हस्तांतर (डीबीटी) च्या माध्यमातून बॅंक खात्यावर जमा केली जाणार आहे, या संदर्भात आत्माच्या सूत्रांनी माहिती दिली.

परभणी जिल्ह्यातील ८४८ गावशिवारांमध्ये १० जूनच्या आधी लागवड केलेले कपाशीचे पीक पाते, फुले लागलेल्या अवस्थेत आहे. अनेक गावशिवारातील कपाशीवर गुलाबी बोंड अळीचा मोठ्या प्रमाणावर प्रादुर्भाव झाला असल्याचे सर्वेक्षणात आढळून येत आहे.

जिल्हा अधीक्षक कृषी अधिकारी बाळासाहेब शिंदे, उपविभागीय कृषी अधिकारी सागर खटकाळे, आत्माचे उपसंचालक के. आर. सराफ, वसंतराव नाईक मराठवाडा कृषी विद्यापीठातील कीटकशास्त्र विभाग प्रमुख डॉ. पी. आर. झंवर यांच्या मार्गदर्शनाखाली कृषी विभागातर्फे पीक पाहणीच्या माध्यमातून बोंड अळीचे सर्वेक्षण केले जात आहे. सध्या आढळून आलेल्या बोंड अळीच्या नियंत्रणासाठी तसेच १० जून नंतर लागवड केलेल्या कपाशीच्या पिकांवर बोंड अळीचा प्राद्रुर्भाव रोखण्यासाठी करावयाच्या उपाय योजनांची माहिती शेतीशाळा, प्रक्षेत्र भेटीच्या माध्यामातून शेतकऱ्यांना दिली जात आहे.

जिल्ह्यातील नऊ तालुक्यांतील प्रत्येकी एका गावशिवारात प्रत्येकी १०० हेक्टर कपाशीमध्ये एकात्मिक कीड व्यवस्थापन पद्धती प्रात्यक्षिके घेण्यात येत आहेत. या अंतर्गत बोंड अळीच्या पतंगाचे मास ट्रॅपिंग करण्यासाठी हेक्टरी २० या प्रमाणे कामगंध सापळे लावण्यात येत आहेत. आत्मातर्फे उर्वरित ८३९ गावांमधील निवड शेतकऱ्यांच्या कपाशीमध्ये कामगंध सापळे लावण्यात येणार आहेत.त्यासाठी प्रत्येक गावातून आत्महत्याग्रस्त शेतकरी, अनुसूचित जाती, जमाती प्रवर्गातील शेतकरी यांना प्राधान्य देण्यात पाच शेतकऱ्यांची निवड केली जाणार आहे.
या शेतकऱ्यांना एक एकर क्षेत्रावरील कपाशीवरील बोंड अळीचे नियंत्रण करण्यासाठी कामगंध सापळे उपलब्ध करून देण्यात येणार आहेत.

या प्रात्यक्षिक क्षेत्रासाठी वसंतराव नाईक मराठवाडा कृषी विद्यापीठातील कीटकशास्त्र विभागातर्फे बोंड अळीच्या नियंत्रणासाठी शिफारशीत करण्यात आलेले कीटकनाशक तसेच निंबोळी अर्काची खरेदी केल्यानंतर किमतीच्या ५० टक्के अनुदानाची रक्कम थेट लाभ हस्तांतर (डीबीटी) च्या माध्यमातून संबंधित शेतकऱ्याच्या बॅंक खात्यावर जमा केली जाणार आहे. त्यादृष्टीने शेतकऱ्यांना महाराष्ट्र कृषी उद्योग विकास महामंडळाकडून प्राप्त झालेले कामगंध सापळे उपलब्ध करून देण्यासाठी नियोजन केले जात आहे, असे आत्माच्या सूत्रांनी सांगितले.

इतर बातम्या
मोदीच आजच्या महाविजयाचे महानायक : अमित...नवी दिल्ली : देशभरात पंतप्रधान नरेंद्र मोदींच्या...
पुन्हा मोदी लाट, काँग्रेस भुईसपाट नवी दिल्ली ः पंतप्रधान नरेंद्र मोदी यांच्या...
ये नया हिंदुस्थान है' : पंतप्रधानआज देशातील नागरिकांनी आम्हाला कौल दिला. मी...
...आवाज कुणाचा? लोकसभा २०१९चा आज निकालनवी दिल्ली : संपूर्ण जगाचे लक्ष लागून असलेल्या...
कृषी विद्यापीठांना नकोय शिक्षण परिषदेचे...नागपूर : भारतीय कृषी संशोधन परिषदेने तयार...
कोकण, मध्य महाराष्ट्र, मराठवाड्यात...पुणे : उन्हाचा चटका वाढल्याने राज्यातील...
राज्यात कृत्रिम पावसाची तयारी सुरूमुंबई : राज्यातील यंदाच्या भीषण दुष्काळाची...
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...
‘कृष्णामाई’चा कर्नाटकातील काठ तहानला;...कोल्हापूर : कृष्णा नदीवर अवलंबून असणाऱ्या कर्नाटक...
देशभरात ७२४ महिला उमेदवारांचे भवितव्य...नवी दिल्ली : देशात नुकत्याच झालेल्या लोकसभा...
हृदयासाठी आरोग्यवर्धक पदार्थांतून सोया...अमेरिकी अन्न आणि औषध प्रशासनाने हृदयासाठी...
अमरावती : नाफेडने अचानक केली तूरखरेदी...अमरावती : ऑनलाइन नोंदणी केलेल्या दहा टक्‍के...
बुलडाणा जिल्ह्यात भीषण पाणीटंचाईबुलडाणा ः गेल्या काही वर्षांत पहिल्यांदाच...
दुष्काळात संत्रा बागेला टँकरच्या...अकोला ः दुष्काळी परिस्थितीने शेतकऱ्याला चौफेर...
खानदेशात सौर कृषिपंप योजनेतून लवकरच पंप...जळगाव ः सौर कृषिपंपासाठी खानदेशातून ८ हजार ९५०...
मिरज, तासगावसह सिंधुदुर्गात पाऊससिंधुदुर्ग, सांगली : विजांच्या कडकडाटांसह...
लातूर :थकित पैशांसाठी अडत्यांचे उपोषणलातूर : लातूर उच्चत्तम कृषी उत्पन्न बाजर...
मराठवाड्यात नवीन खासदारांबाबत उत्कंठानांदेड : मराठवाड्यातील आठ लोकसभा मतदारसंघांतील...
कोल्हापूर, सांगलीत निकालाची उत्सुकता...सांगली : लोकसभा निवडणुकीची मतमोजणी गुरुवारी (ता....