agriculture news in Marathi, 924 e-pos machines distributed in solapue district, Maharashtra | Agrowon

सोलापुरात ९२४ ई-पॉस मशिनचे वाटप
टीम अॅग्रोवन
शनिवार, 4 नोव्हेंबर 2017

शेतकऱ्यांची सोयच झाली आहे. थोडासा त्रास होणारच, पण आता खताची वेळेवर आणि योग्य दरात विक्री होईल. अफरातफरीला विक्रेत्यांना वाव नसेल. ही योजना चांगली आहे.  - अप्पा कोरके, शेतकरी, गुळवंची, ता. उत्तर सोलापूर.

सोलापूर ः रासायनिक खत विक्रीत पारदर्शकता येण्यास किरकोळ खतविक्रेत्यांना ‘पॉस’ मशिनद्वारे खत विक्री करणे बंधनकारक केले आहे. जिल्ह्यात ९२४ ‘पॉस’ मशिनचे वाटप केले आहे, पण त्यापैकी सध्या ९०० मशिन कार्यरत आहेत. त्यांची तांत्रिक प्रक्रिया पूर्ण झाली आहे. आणखी २४ मशिन कार्यरत झालेल्या नाहीत. त्याही लवकरच कार्यरत होतील, त्यामुळे खतविक्रीत कोणतीच अडचण नाही. अद्याप कुठेच वापर सुरू नाही, येत्या आठवड्यात तो सुरू होईल, असे कृषी विभागाकडून सांगण्यात आले.  

जिल्ह्यातील अनुदानित रासायनिक खतविक्रेत्यांना ‘पॉस'' मशिनचा वापर बंधनकारक आहे. ‘पॉस’ मशिनचा वापर न केल्यास विक्री परवाना रद्द करण्यात येणार आहे. ज्या खतविक्रेत्यांना अनुदानित खतांशिवाय इतर पाण्यात विरघळणारी खते, सूक्ष्म मूलद्रव्ये व जैविक खतांचा व्यवसाय करायचा आहे त्यांनी परवान्यामधून अनुदानित खतांचे स्रोत वगळण्याचा प्रस्ताव संबंधित पंचायत समितीच्या कृषी अधिकाऱ्यांकडे द्यायचा आहे. एवढेच नाही तर खत विक्री केंद्रात अनुदानित खताची विक्री होत नसल्याबाबतचा फलक लावण्याच्या सूचनाही दुकानदारांना देण्यात आल्या आहेत. जे घाऊक खतविक्रेते आहेत, त्यांनी किरकोळ खतविक्रेते पॉस मशिनच्या साहायाने खतांची विक्री करतात की नाही, हे पाहण्याच्या सूचना कृषी विभागाने दिल्या. 

शेतकऱ्यांची या निर्णयामुळे सोयच झालेली आहे. त्यामुळे शेतकरी वर्गातून त्याचे स्वागत होत आहे. या मशिनलाही शेतकऱ्यांच्या आधार कार्डची जोडणी बंधनकारक करण्यात आली आहे. त्यामुळे पारदर्शकपणे या खताची खरेदी-विक्री होणार आहे. 

प्रतिक्रिया
खत विक्री करणाऱ्या कंपन्यांच्या प्रतिनिधींनी खतांची विक्री पॉस मशिनच्या साहायाने होते की नाही, याची खात्री करायची आहे. त्यांनी त्याकडे दुर्लक्ष केल्यास कंपनीला संबंधित खताचे अनुदान मिळणार नाही. 
- एस. पी.  बेंदगुडे, जिल्हा कृषी विकास अधिकारी, जिल्हा परिषद, सोलापूर

आम्ही सगळ्या तांत्रिक बाबी तपासून मशिन वाटप केल्या आहेत. त्याची पडताळणीही करत आहोत. कोणत्याही परिस्थितीत पॉसशिवाय खताचे वाटप होणार नाही, याकडे लक्ष देत आहोत. येत्या आठवडाभरात सगळे कामकाज सुरळीत सुरू होईल. 
- दत्तात्रय येळे, मोहिम अधिकारी, कृषी विभाग, जिल्हा परिषद, सोलापूर.

 

इतर बातम्या
पुलवामातील हल्ल्यात बुलढाणा जिल्ह्याचे...बुलडाणा : पुलवामा येथे झालेल्या अतिरेकी ...
हल्ल्या मागे जे आहेत त्यांना शिक्षा...नवी दिल्ली : जम्मू-काश्‍मीरच्या पुलवामा...
आम्ही विसरणार नाही.. माफही करणार नाही...नवी दिल्ली- जम्मू-काश्‍मीरच्या पुलवामा जिल्ह्यात...
पाकच्या मुस्क्या आवळणार; विशेष राष्ट्र...नवी दिल्ली: पुलवामा हल्ल्याच्या निषेधार्थ...
काश्‍मीरमधील शेतकऱ्याला थकबाकीची रक्कम...पुणे : काश्‍मीरमधील शेतकऱ्याला सफरचंदाचे पैसे...
कृषी पथदर्शक राज्य साकारण्याची संधी :...पुणे : “शेतकऱ्यांपर्यंत आधुनिक शेती तंत्र...
बिबट्याच्या दहशतीखाली चोरट्यांकडून...आंबेठाण, जि. पुणे : शिंदे गाव (ता. खेड) येथे दोन...
‘डिंभे’चे पाणी जोड बोगद्याद्वारे ‘...मुंबई : डिंभे डाव्या तीर कालव्यातील गळती...
डिजिटल परवान्यासाठी लढा देणार : राजू...पुणे : कृषी आयुक्तालयाच्या गुणनियंत्रण विभागाकडून...
विदर्भात आज गारपीट, हलक्या पावसाचा अंदाजपुणे : पोषक हवामानामुळे आज (ता. १४) विदर्भात...
कापसासाठी ‘एमसीएक्‍स’कडून गोदामांची...मुंबई : कापूस उत्पादक शेतकऱ्यांना समृद्ध...
कर्ज देण्याच्या नावाखाली ७३ शेतकऱ्यांची...गोंदिया : कर्ज देण्याच्या नावाखाली ७३...
`महानंद'मधील गैरव्यवहाराची चौकशी सुरूमुंबई : महाराष्ट्र राज्य सहकारी दूध संघ अर्थात...
सांगली, कोल्हापूर जिल्ह्यांतील काही...कोल्हापूर : उर्वरित एफआरपीबाबत साखरेची मागणी...
इतिवृत्तात शेतकरी प्रतिनिधींच्या...नांदेड : ऊसदर निश्चित करण्याच्या बाबतीत...
उसाला प्रतिटन २०० ते २२५ अनुदान मिळणार...नवी दिल्ली : साखर कारखान्यांन्या साखरेच्या...
पंतप्रधान दौऱ्याच्या दिनी मनसे वाटणार...यवतमाळ : निवडणुकीपूर्वी अच्छे दिनचे स्वप्न...
जमीन गैरव्यवहार चौकशी 'सक्तवसुली'मार्फत... पुणे : सोलापूरच्या जुनी मिल नावाने ओळखल्या...
संत्रा, मोसंबी नुकसानीचा अहवाल द्या ः...नागपूर ः संत्रा, मोसंबी पिकांचा बहुवार्षिक पिकात...
शाश्वत विजेचा पर्याय : मुख्यमंत्री सौर...सौर कृषिपंपामध्ये मुख्यतः सोलर पॅनल, वॉटर पंप संच...