agriculture news in Marathi, 93 villages include in smart village, Maharashtra | Agrowon

राज्यातील ९३ गावांना आदर्श होण्याचे वेध
टीम अॅग्रोवन
सोमवार, 15 जानेवारी 2018

पुणे: आदर्श गाव योजनेत सहभागी होण्यासाठी तीन जिल्ह्यांमधून आलेल्या नव्या प्रस्तावांना राज्यस्तरीय समितीने मंजुरी दिली आहे. त्यामुळे राज्यभर आता ९३ गावांना आदर्श होण्याचे वेध लागले आहेत. 

पुणे: आदर्श गाव योजनेत सहभागी होण्यासाठी तीन जिल्ह्यांमधून आलेल्या नव्या प्रस्तावांना राज्यस्तरीय समितीने मंजुरी दिली आहे. त्यामुळे राज्यभर आता ९३ गावांना आदर्श होण्याचे वेध लागले आहेत. 

राऊतवाडी (ता. कोरेगाव, जि. सातारा), गोवले (माणगाव, रायगड) आणि केरा (दोडामार्ग, सिंधुदुर्ग) या तीन गावांचा समावेश आदर्श गाव योजनेत नुकताच झाला आहे. ‘आदर्शगाव संकल्प व प्रकल्प समिती’चे कार्याध्यक्ष पोपटराव पवार यांनी या गावांना भेटी दिल्यानंतरच योजनेत सहभागाला अंतिम मंजुरी दिली गेली. आदर्श गाव करण्यासाठी राज्यात अनेक गावांमध्ये धडपड सुरू आहे. मात्र, त्यासाठी गावातील एकोपा व गावकऱ्यांची चिकाटी महत्त्वाची समजली जाते.

या तीन गावांमधील गावकऱ्यांनी प्रथम ग्रामसभा बोलावून गावाला आदर्श गाव योजनेत गाव निवडीचा ठराव केला होता. धुळे जिल्ह्यातून देखील एका गावाचा प्रस्ताव राज्यस्तरीय समितीकडे आला आहे. त्यामुळे लवकरच चौथ्या गावाचाही समावेश आदर्श गाव योजनेत होण्याची शक्यता आहे. 
हिवरेबाजार किंवा राळेगणसिद्धीप्रमाणेच या गावांमध्ये देखील ग्रामविकासाचा सप्तसूत्री कार्यक्रम राबविण्याचा संकल्प तेथील गावकऱ्यांनी केला आहे. यात नसबंदी, नशाबंदी, चराईबंदी, कुऱ्हाडबंदी, श्रमदान, लोटाबंदी, बोअरवेल बंदी आणण्याचे ठराव या गावांनी केले आहेत. 

आदर्श गाव योजनेत समावेश होण्यासाठी गावाची लोकसंख्या दहा हजारांच्या आत असावी लागते. गावाचे महसुली क्षेत्र अडीच हजार हेक्टरपर्यंत असावे लागते. त्यासाठी तलाठ्याकडून सिंचन व महसुली क्षेत्राचे प्रमाणपत्र जोडावे लागते, अशी माहिती सूत्रांनी दिली. 

पाणलोटाची कामे करण्यासाठी या गावांमध्ये कृषी, तसेच इतर विभागांकडून मदत केली जाते. याशिवाय सदर गावांना क्षेत्रानुसार प्रतिहेक्टरी १२ हजार रुपये अनुदान मिळते. आदर्श गावांमध्ये गावकऱ्यांकडून विविध ४० बाबींवर कामे केली जातात. 

पाण्याचा ताळेबंद, आरोग्य, शिक्षण, वनीकरण, व्यसनमुक्ती, चराईबंदी, कुऱ्हाडबंदी, सामाजिक सलोखा, पीकरचनेतील बदल अशा प्रमुख बाबी यशस्वीपणे राबविल्या तरच गावाला आदर्श गावाचा दर्जा मिळतो. 

‘‘राज्यात कोठाडे, निवडुंगवाडी, पिंपळगाव कवठा, दवणगाव, पिंपळसकवडा, खोर अशी वीसपेक्षा जादा गावे आदर्श झाली आहेत. श्री.पोपटराव पवार यांच्या मार्गदर्शनाखाली राज्यभर ९३ गावांना आदर्श करण्याचे काम यशस्वीपणे सुरू आहे,’’ अशी माहिती आदर्श गाव संकल्प व प्रकल्प समितीचे उपसंचालक महादेव निंबाळकर यांनी दिली.

इतर ताज्या घडामोडी
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...
सिंचनाच्या पाण्याचे मोजमाप करण्याच्या...शेतीमध्ये पाणी हा अत्यंत महत्त्वाचा घटक असून,...
परभणीत वांगी प्रतिक्विंटल १००० ते २५००...परभणी : येथील पाथरी रस्त्यावरील फळे भाजीपाला...
मतदान केंद्रावरील रांगेपेक्षा...सोलापूर  : सोलापूर लोकसभा मतदारसंघात सर्वत्र...
अवकाळीचा सोलापूर जिल्ह्याला मोठा फटकासोलापूर : जिल्ह्याला गेल्या चार महिन्यांत अधून-...
मंठा तालुक्यात वादळी वाऱ्याने नुकसानमंठा, जि. जालना  : तालुक्यात मंगळवारी ( ता....
पुणे विभागातील दोन लाख हेक्टरवरील ऊस...पुणे  ः गेल्या चार ते पाच महिन्यांपासून पुणे...
मराठवाड्यातील मतदान टक्केवारीत किंचित घटबीड, परभणी : मराठवाड्यातील बीड, उस्मानाबाद,...
सातारा जिल्‍ह्यातील ऊस उत्पादकांना...सातारा  ः जिल्ह्यातील सह्याद्री कारखान्याचा...
म्हैसाळ योजनेत २२ पंपांद्वारे उपसासांगली : म्हैसाळ योजनेच्या पंपांची संख्या विक्रमी...
दिग्गजांच्या सभांनी तापणार साताऱ्यातील...सातारा : सातारा लोकसभा मतदारसंघातील राजकीय...
प्रभावी अपक्ष उमेदवारांमुळे लढती रंगतदारमुंबई : राज्यात तिसऱ्या आणि चौथ्या टप्प्यातील २१...
राज्यात काकडी प्रतिक्विंटल ४००ते २०००...नाशिकला काकडी प्रतिक्विंटल १२५० ते १७५० रुपये...
धनगर समाज भाजपच्याच पाठीशी ः महादेव...सांगली  : मुख्यमंत्री देवेंद्र फडणवीस हेच...
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...