agriculture news in marathi, 94 percent crop loan distribution in Satara district | Agrowon

सातारा जिल्ह्यात ९४ टक्के पीककर्जाचे वितरण
टीम अॅग्रोवन
बुधवार, 10 ऑक्टोबर 2018

सातारा ः जिल्ह्यात खरीप हंगामासाठी एक हजार ६८० कोटी १ रुपये पीककर्जाचे उद्दिष्ट ठेवले आहे. त्यापैकी ३० सप्टेंबरअखेर एक हजार ५७१ कोटी ७८ लाख रुपये म्हणजेच उद्दिष्टाच्या ९४ टक्के पीककर्जाचे वाटप केले आहे. त्यात सर्वाधिक जिल्हा बॅंकेने ११६२ कोटी १३ लाख रुपये वाटप केले आहे. राष्ट्रीयीकृत बँकांत बँक ऑफ महाराष्ट्रने सर्वाधिक कर्जवितरण केले आहे.

सातारा ः जिल्ह्यात खरीप हंगामासाठी एक हजार ६८० कोटी १ रुपये पीककर्जाचे उद्दिष्ट ठेवले आहे. त्यापैकी ३० सप्टेंबरअखेर एक हजार ५७१ कोटी ७८ लाख रुपये म्हणजेच उद्दिष्टाच्या ९४ टक्के पीककर्जाचे वाटप केले आहे. त्यात सर्वाधिक जिल्हा बॅंकेने ११६२ कोटी १३ लाख रुपये वाटप केले आहे. राष्ट्रीयीकृत बँकांत बँक ऑफ महाराष्ट्रने सर्वाधिक कर्जवितरण केले आहे.

खरिपासाठी सप्टेंबरपर्यंत कर्जवाटपाची मुदत होती. खरीप हंगामासाठी जिल्ह्याला एक हजार ६८ कोटी रुपये पीककर्जाचे उद्दिष्ट ठेवले आहे. या वर्षी एप्रिल ते सप्टेंबरअखेर खरीप पेरण्यांचा कालावधी असतो. या मुदतीत उद्दिष्टाच्या ९४ टक्के वाटप झाल्याचे आकडेवारीवरून दिसून येते. बॅंकनिहाय हेच आकडे पाहता कर्जवाटपाची टक्केवारी कमी होते. जिल्ह्यातील सर्वाधिक शेतकरी हे सातारा जिल्हा मध्यवर्ती बॅंकेशी व त्यानंतर बॅंक ऑफ महाराष्ट्र, स्टेट बॅंकेशी जोडलेले आहेत. पीककर्ज वाटपात जिल्हा मध्यवर्ती बॅंक आघाडीवर असून, या बॅंकेने उद्दिष्टापेक्षा जास्त कर्जवितरण केले आहे.

या हंगामासाठी जिल्हा मध्यवर्ती बँकेस ९५० कोटींचे उद्दिष्ट होते. उद्दिष्टापेक्षा जास्त म्हणजे या बॅंकेने ११६२ कोटी १३ लाखांचे वाटप केले असून, १२२ टक्के उद्दिष्ट साध्य केले आहे. राष्ट्रीयीकृत बँकेने पीककर्ज वितरण होण्यासाठी शाखानिहाय शेतकरी मेळाव्यांचे आयोजन केले होते. यामुळे या बँकेचे पीककर्ज वितरण जास्त झाले आहे. बॅंक ऑफ महाराष्ट्रला १०५ कोटींचे उद्दिष्ट होते.

यापैकी या बँकेने ९७ कोटी ७० लाखांचे म्हणजेच ९३ टक्के कर्जवाटप केले. स्टेट बॅंक ऑफ इंडियास १०५ कोटींचे उद्दिष्ट होते. यापैकी या बँकेने ८८ कोटी ६४ लाखांचे म्हणजेच ८४ टक्के कर्जवाटप केले. बँक ऑफ इंडियास १०० कोटींचे उद्दिष्ट होते. यापैकी या बँकेने ६७ कोटी सात हजारांचे म्हणजेच ६७ टक्के कर्जवाटप केले आहे.

बॅंकांवर कारवाई होणार का?
जिल्हा मध्यवर्ती, राष्ट्रीयीकृत बॅंकांत बँक ऑफ महाराष्ट्र, स्टेट बॅंक ऑफ इंडिया, बँक ऑफ इंडिया या बँकांचा अपवाद वगळता इतर बँकांनी कर्जवितरणाकडे दुर्लक्ष केले आहे. बहुतांशी बँकांनी उद्दिष्टांच्या ५० टक्केही कर्जवितरण केलेले नाही. यामध्ये राष्ट्रीयीकृत व खासगी बँकांचा समावेश आहे. यामुळे या बँकावर करवाई केली जावी, अशी मागणी शेतकऱ्यांकडून केली जात आहे.

इतर बातम्या
देशातील कृषी क्षेत्राचे २०१९ मध्ये...पुणे : देशातील शेती, जमीन, पशुधन धारणा, शेतकरी...
स्थानिकीकरणातही मका टिकवून आहे काही मूळ...जंगली मका प्रजातीपासून स्थानिकीकरण होण्याच्या...
परभणीत रब्बी पीकविम्याचे १ लाख ८१ हजार...परभणी ः पंतप्रधान पीकविमा योजनेअंतर्गत यंदाच्या...
करवीर तालुक्‍यात लघुपाटबंधारे विभागात...कोल्हापूर : करवीर तालुक्‍यातील लघू...
`जलयुक्त`ची कामे गतीने पूर्ण करा : डवलेबुलडाणा : जलयुक्‍त शिवार अभियानातंर्गत भूजल...
नगर जिल्ह्यात सव्वाचार लाख हेक्‍टर...नगर ः नगर जिल्ह्यामध्ये रब्बीच्या सरासरी...
सांगलीतील मध्यम, लघू प्रकल्पांत २३...सांगली ः जिल्ह्यातील ८४ मध्यम आणि लघू प्रकल्पांत...
नगर जिल्हा परिषदेत दलालांचा सुळसुळाटनगर ः जिल्हा परिषदेत आता पहिल्यासारखी स्थिती नाही...
महामार्ग सुरू होण्यापूर्वीच वाळूमाफिया...जळगाव ः जळगाव शहरातील वाढते अपघात आणि...
शेतकऱ्यांनी जाणले कृषी तंत्रज्ञानभंडारा : परंपरागत कृषी विकास योजनेतून तालुका कृषी...
रेशीम शेतकऱ्यांना सरकारचे अर्थसाह्य :...नागपूर : नव्याने रेशीम शेतीकडे वळणाऱ्या...
गाळपेर क्षेत्रातून मिळणार ४८ हजार टन... नाशिक : दुष्काळात जिल्ह्यात चाराटंचाई...
नाशिक जिल्हा बॅँकेच्या संचालकांच्या...नाशिक : आर्थिक अडचणीत सापडलेल्या जिल्हा मध्यवर्ती...
सोलापुरातील रस्त्याचे काम शेतकऱ्यांनी...सोलापूर : सोलापूर-विजापूर राष्ट्रीय...
उजनी धरणातील पाणी प्रदूषितच :...सोलापूर  : उजनी धरणामुळे सोलापूर, पुणे आणि...
कर्नाटकसाठीची ऊसतोडणी मंदावलीकोल्हापूर: दक्षिण महाराष्ट्रात उसाची रक्कम...
अवैध एचटीबीटी बियाणे एसआयटीला मुदतवाढमुंबई: परवानगी नसलेले तणनाशकाला सहनशील जनूक...
बाजारात डाळिंबाचे दर दबावातसांगली ः देशात डाळिंबाच्या उत्पादनात अंदाजे २० ते...
समृद्धी महामार्ग : साडेतीनशे कोटींच्या...नाशिक : मुख्यमंत्री देवेंद्र फडणवीस यांचा ड्रीम...
विदर्भात पाऊस; मध्य महाराष्ट्राला...पुणे : बंगालच्या उपसागरात आलेल्या ‘पेथाई’...