`ई-पॉस मशिन'द्वारे धान्य वितरणात धुळे राज्यात नववे

ई-पॉस मशिनद्वारे रेशन धान्य वितरणात पारदर्शीपणा आला आहे. नेटवर्कच्या अडचणी येऊनही केवळ जिल्हाधिकारी रेखावार यांच्या मार्गदर्शनामुळेच हे यश मिळत आहे. लाभार्थ्यांनी शिधापत्रिका आधार लिंकिंग करून धान्य घ्यावे. धान्य घेताना सोबत पावतीही घ्यावी. दुर्गम भागातही असे पॉस मशिन बसविण्याचे प्रयत्न सुरू आहेत. - गोविंद शिंदे, जिल्हा पुरवठा अधिकारी, धुळे
`ई-पॉस मशिन'द्वारे धान्य वितरणात धुळे राज्यात नववे
`ई-पॉस मशिन'द्वारे धान्य वितरणात धुळे राज्यात नववे
धुळे : काळा बाजार राेखण्यासाठी शासनाने स्वस्त धान्य दुकानांत "पॉइंट ऑफ सेल'' अर्थात `पॉस' मशिन आणले असून, जिल्ह्यातील एकूण ९८० पैकी ९५९ रेशन दुकानदारांनी या मशिनचा नियमित वापर सुरू केला आहे. "ई-पॉस'' मशिनद्वारे धान्य वितरणाचे व्यवहार करण्यात धुळे जिल्हा राज्यात नवव्या क्रमांकावर आला आहे.
स्वस्त धान्य दुकानांतील गैरप्रकारांना आळा बसावा, शहराबरोबरच ग्रामीण भागातील नागरिकांना रोखीने व्यवहार करणे सोपे व्हावे म्हणून बायोमेट्रिक सेल यंत्रणा बसविण्यात आली आहे. असे मशिन वापरण्यात कोल्हापूर जिल्हा प्रथम क्रमांकावर आहे. धुळे जिल्ह्याचा नववा क्रमांक, तर नाशिक विभागात जळगाव १७, नगर १८, नाशिक २२, नंदुरबार ३७ व्या क्रमांकावर आहे. 
ई-पॉसचा ९५९ दुकानांमध्ये वापर जिल्ह्यात एकूण ९८० स्वस्त धान्य दुकाने, तर १४ लाख लाभार्थी आहेत. त्यापैकी ९५९ रेशन दुकानांमध्ये "पॉस मशिन''द्वारे धान्य वितरणास सुरवात झाली आहे. उर्वरित २१ दुकाने ही शिरपूरसारख्या दुर्गम भागातील असल्याने तेथे "नेटवर्क''च्या अडचणी येत आहेत. "पॉस''चा वापर सक्‍तीचा केल्याने सर्वच दुकानांमध्ये असे व्यवहार सुरू झाले आहेत.
व्यवहारात पारदर्शीपणा या मशिनच्या माध्यमातून रेशन दुकानदाराने किती धान्य आणले, किती ग्राहकांना व किती रुपयात दिले, याची अचूक माहिती मिळते. "जीपीएस'' प्रणालीसोबत संलग्न असलेल्या या मशिनमुळे रेशन दुकानदार आता ग्राहकांची फसवणूक करू शकत नाही, यामुळे थोड्या फार प्रमाणात का होईना धान्य वाटपात पारदर्शीपणा आला आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com