अण्णासाहेब पाटील महामंडळामार्फत १२ कोटी कर्जवाटप ः पालकमंत्री

अण्णासाहेब पाटील महामंडळामार्फत १२ कोटी कर्जवाटप ः पालकमंत्री
अण्णासाहेब पाटील महामंडळामार्फत १२ कोटी कर्जवाटप ः पालकमंत्री

कोल्हापूर : शासनाने अण्णासाहेब पाटील आर्थिक मागास विकास महामंडळामार्फत उद्योगासाठी १० लाखांपर्यंतच्या कर्जाची हमी शासनाने घेतली आहे. याचे पाच वर्षांपर्यंतचे व्याज शासन भरणार आहे. या महामंडळामार्फत जिल्ह्यात ३२०० अर्जदारांना पात्रता प्रमाणपत्र दिले असून, १८३ अर्जदारांना १२ कोटींहून अधिक कर्ज दिल्याची माहिती पालकमंत्री चंद्रकांत पाटील यांनी दिली. 

मध्यवर्ती प्रशासकीय इमारतीमध्ये सुरू केलेल्या अण्णासाहेब पाटील आर्थिक मागास विकास महामंडळाच्या नूतन कार्यालयाच्या उद्‍घाटनप्रसंगी पाटील बोलत होते.  अण्णासाहेब पाटील आर्थिक मागास विकास महामंडळाच्या माध्यमातून सध्या राष्ट्रीयीकृत बँकामार्फत कर्ज उपलब्ध करून दिले जात आहे. 

यापुढील काळात सहकारी बँकामार्फतही कर्ज देण्याबाबत शासन पुढाकार घेईल, अशी ग्वाही देत पाटील म्हणाले, ‘‘कोल्हापुरात महामंडळाचे कार्यालय स्थापन केल्यामुळे महामंडळाच्या कामाला निश्‍चितपणे गती मिळेल. जिल्ह्यातील गरजूंनी महामंडळाच्या कर्ज योजनेचा लाभ घ्यावा, असे आवाहनही पाटील यांनी केले. जीएसटी, स्टॅंप आदीद्वारे राज्याच्या उत्पन्‍नात वाढ झाली आहे.

प्रारंभी अण्णासाहेब पाटील आर्थिक मागास विकास महामंडळाचे उपाध्यक्ष संजय पवार यांनी यांनी स्वागत करून महामंडळामार्फत राबविल्या जाणाऱ्या वैयक्‍तिक कर्ज, गट कर्ज आणि गट प्रकल्प कर्ज योजनेची माहिती दिली. 

कार्यक्रमास महापौर सरिता मोरे, खासदार धनंजय महाडिक, महामंडळाचे उपाध्यक्ष संजय पवार, महेश जाधव, जिल्हाधिकारी दौलत देसाई, निवासी उपजिल्हाधिकारी संजय शिंदे, अधीक्षक अभियंता संभाजी माने, अरुण दुधवडकर, कार्यकारी अभियंता संजय सोनवणे, जिल्हा रोजगार व उद्योजकता मार्गदर्शन केंद्राचे सहायक संचालक जे. बी. करीम, विजय देवणे, मुरलीधर जाधव आदींसह नागरिक उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com