agriculture news in Marathi, abstacles in online registration for MSP, Maharashtra | Agrowon

ऑनलाइन नोंदणीचे तीनतेरा
टीम अॅग्रोवन
रविवार, 7 ऑक्टोबर 2018

अकोला ः या हंगामात मूग, उडीद, सोयाबीन खरेदीच्या अनुषंगाने ऑनलाइन नोंदणीची प्रक्रिया २५ सप्टेंबरपासून सुरू करण्याची घोषणा झाली खरी; मात्र यंत्रणा सुरू करण्यातच एक आठवडा गेला. अद्यापही अनेक ठिकाणी नोंदणीची प्रक्रीया सुरु झालेली नाही. काही ठिकाणी गुरुवारपासून (ता. चार) सुरू करण्यात आली. शिवाय काही ठिकाणी एकाच संगणकावर नोंदणी केली जात असल्याने प्रक्रिया अत्यंत संथ पद्धतीने होत आहे.

अकोला ः या हंगामात मूग, उडीद, सोयाबीन खरेदीच्या अनुषंगाने ऑनलाइन नोंदणीची प्रक्रिया २५ सप्टेंबरपासून सुरू करण्याची घोषणा झाली खरी; मात्र यंत्रणा सुरू करण्यातच एक आठवडा गेला. अद्यापही अनेक ठिकाणी नोंदणीची प्रक्रीया सुरु झालेली नाही. काही ठिकाणी गुरुवारपासून (ता. चार) सुरू करण्यात आली. शिवाय काही ठिकाणी एकाच संगणकावर नोंदणी केली जात असल्याने प्रक्रिया अत्यंत संथ पद्धतीने होत आहे. यामुळे वेळेत (९ ऑक्‍टोबरपर्यंत) मूग, उडदाची नोंदणी कशी होईल हा पेच बनलेला आहे; तर काही ठिकाणी शासनाने १ ऑक्‍टोबरपासून सोयाबीनसाठी ऑनलाइन नोंदणीची घोषणा केलेली असताना त्याबाबतही अशीच स्थिती समोर आली आहे. 

या हंगामातील मूग, उडीद, सोयाबीन हमीभावाने खरेदीसाठी शासनाने शेतकऱ्यांना ऑनलाइन नोंदणीचे आवाहन केले आहे. मूग, उडदासाठी २५ सप्टेंबरपासून ९ ऑक्‍टोबरपर्यंत; तर सोयाबीनसाठी एक ते ३१ ऑक्‍टोबर मुदत देण्यात आली. खरेदी केंद्रांना याबाबत आधीच पत्र देण्यात आले होते. मात्र केंद्रांची नावे नवीन नियमांनुसार अंतिम करण्यात वेळ लागत आहे. जेथे केंद्र सुरू होईल हे निश्‍चित झाले, त्या ठिकाणी ऑनलाइन नाव नोंदणीसाठी हवा असलेला पासवर्ड मिळायला आठवडयापेक्षा अधिक काळ गेला आहे.

अद्यापही बऱ्याच ठिकाणी केंद्र चालविण्यासाठी संस्थांचे प्रस्तावच अंतीम झालेले नसल्याने अनिश्‍चितता आहे. त्यामुळे ऑनलाइन नोंदणीसुद्धा सुरू झालेली नाही. प्रामुख्याने वाशीम जिल्ह्यात हा प्रश्‍न अधिक तीव्र आहे.

काही केंद्रांना चक्क गुरुवारी (ता. चार) सायंकाळी पासवर्ड मिळाला आहे. त्यानंतर नोंदणी सुरू झाली. परंतु मूग, उडदाच्या नोंदणीसाठी ९ ऑक्‍टोबरची मुदत दिलेली असून आता उरलेल्या अवघ्या चार दिवसांत किती शेतकऱ्यांची नोंदणी होऊ शकेल हाही प्रश्‍नच बनलेला आहे. 

शेतकऱ्यांची संख्या पाहता किमान एका केंद्रावर तीन ते चार संगणक चालविले तरच नोंदणी होईल. मात्र अशी नोंदणी करण्यासाठी प्रत्येकाला वेगवेगळा नोंदणी पासवर्ड हवा असतो, असे काही केंद्र चालकांनी सांगितले. परंतु एकच पासवर्ड पुरविण्यात आल्याने गोंधळ वाढण्याची चिन्हे आहेत. अकोला जिल्ह्यातील बार्शीटाकळी केंद्राला गुरुवारी सायंकाळी पासवर्ड मिळाला. यामुळे या ठिकाणी आता केवळ मूग, उडदाचीच नोंदणी आधी सुरू करण्यात आली. तेथे सोयाबीन उत्पादकांना नाव नोंदणीसाठी ९ ऑक्‍टोबरपर्यंत प्रतीक्षा करावी लागणार आहे. अशीच परिस्थिती जिल्ह्यात आहे. त्यामुळे संतप्त शेतकरी सातत्याने यंत्रणांकडे प्रश्‍नांचा भडीमार करीत आहेत. 

पेरेपत्रकासाठीही जाच
मूग, उडीद, सोयाबीनच्या विक्रीसाठी ऑनलाइन नोंदणी करताना शेतकऱ्यांना या हंगामाचा सातबारा व पेरेपत्रक द्यावे लागते. परंतु अनेक ठिकाणी तलाठी वेळेवर मिळत नसल्याने शेतकऱ्यांना त्रास सहन करावा लागत आहे. काही ठिकाणची माहिती अपडेट झालेली नसल्याने पेरेपत्रक बनत नाही. शेतकऱ्यांना ऑनलाइन नोंदणीसाठी सातबारा, पेरेपत्रक,  आधार कार्ड, बॅंक पासबुकची झेरॉक्‍स जोडणे बंधनकारक आहे. 

उत्पादकेअभावी खरेदीत खोडा
पिकांची उत्पादकता किती गृहीत धरावी हेसुद्धा सध्या निश्‍चित झालेले नाही. जोपर्यंत उत्पादकता निश्‍चित होत नाही तोवर खरेदी किती करावी हे ठरणार नाही. यासाठी कृषी खात्याकडून पिकांची उत्पादकता, क्षेत्र मिळणे आवश्‍यक आहे. अशी उत्पादकता मिळाली तरच लवकर खरेदीचा मार्ग सुकर होऊ शकतो.  

नोंदणीतील गोंधळामुळे अडचणी

  • खरेदी केंद्रांची नावे अंतिम करण्यास विलंब
  • अनेक ठिकाणी केंद्र चालविण्यासाठी संस्थांचे प्रस्तावच अंतिम झालेले नाहीत
  • नोंदणीसाठीचा पासवर्ड मिळण्यास लागला आठवडा
  • अनेक केंद्रांना मिळाला गुरुवारी पासवर्ड
  • वेळेत शेतकऱ्यांची नोंदणीसाठी केंद्रांवर तीन ते चार संगणक अवश्यक
  • परंतु प्रत्येक संगणकाला वेगळा पासवर्ड हवा असल्याने अडचण
  • केंद्रांना एकच पासवर्ड पुरविण्यात आल्याने गोंधळाची चिन्हे
  • अनेक ठिकाणी ९ आॅक्टोबरपर्यंत मूग, उडदाचीच होणार नोंदणी

इतर अॅग्रो विशेष
दुधाचा कृशकाळ सुरू होऊनही दर कमीच !पुणे: दुष्काळामुळे दुधाचा कृशकाळ सुरू झालेला असून...
उष्ण, कोरड्या हवामानाचा अंदाज पुणे: राज्यातील कमाल तापमानाचा पारा गेल्या काही...
एचटीबीटीविरोधात मोहीम तीव्र पुणे: राज्यात सुरू असलेल्या अनधिकृत तणनाशकाला...
फलोत्पादनासाठी अर्ज करण्यात नगर अव्वलनगर : एकात्मिक फलोत्पादन विकास अभियानअंतर्गत...
राज्यात पाणीटंचाईचा आलेख वाढताचपुणे: उन्हाचा चटक्याबरोबरच राज्यात पाणीटंचाईचा...
शेतकरी कंपन्या लातूरमध्ये उभारणार डाळी...लातूर : स्पर्धाक्षम बाजार घटक म्हणून शेतकरी...
देशातील जलाशयांमध्ये २१ टक्के पाणीसाठानवी दिल्ली ः उन्हाचा चटका वाढतानाच देशभरात...
नंदुरबारच्या दुर्गम भागात ‘सातपुडा भगर'...अक्कलकुवा तालुक्‍यातील आदिवासी महिला,...
गटशेती : काळाची गरजशेती शाश्वत व किफायतशीर होण्यासाठी एकट्याने शेती...
शिक्षण, आरोग्य अन्‌ प्रशिक्षणातून...नांदगाव (ता. बोदवड, जि. जळगाव) गावामध्ये विजय...
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
‘कृष्णा’ आली दिघंचीच्या अंगणीदिघंची, जि. सांगली ः  अनेक वर्षे दिवास्वप्न...
जनावरांच्या बाजारातील व्यवहार उधारीवरचपरभणी: खरिपाच्या पेरणीच्या तोंडावर काहीशी...
सहकार विभाग आयुक्तांविना पोरकापुणे : गेल्या आठ महिन्यांपासून राज्याच्या सहकार...
आत्मा प्रकल्प संचालक चौकशीत दोषीपुणे: कृषी खात्यातील वादग्रस्त अधिकारी बी. एन....
लोकसभा निवडणुकीत भाजपच्या ‘व्होट शेअर’...पुणे : यंदाच्या लोकसभा निवडणुकीत भारतीय जनता...
खानदेशात पूर्वहंगामी कापूस लागवड सुरू जळगाव ः खानदेशात मुबलक जलसाठे किंवा कृत्रिम...
कोकण वगळता उष्ण लाटेचा इशारापुणे : विदर्भ, मराठवाडा, मध्य महाराष्ट्राच्या...
शेतकऱ्यांनो विकते ते पिकवाः डॉ. भालेअकोला ः येत्या हंगामात पीक लागवड करताना...