गोदावरीत प्रदूषण केल्यास होणार कारवाई

गोदावरीत प्रदूषण केल्यास होणार कारवाई
गोदावरीत प्रदूषण केल्यास होणार कारवाई

नाशिक : नाशिक शहरातून वाहणाऱ्या गोदावरी नदीचे स्वच्छता व पर्यावरणाच्या अनुषंगाने उच्च न्यायालयाच्या आदेशानुसार नाशिकमध्ये हरितकुंभ संकल्पना तयार करण्यात आली आहे. त्याअंतर्गत गोदावरी नदीत प्रदूषण करणाऱ्यांवर दंडात्मक कारवाईचे आदेश देण्यात आले आहेत. 

नाशिक शहरातील पोलिस परिमंडळ एकमधील पाच पोलिस ठाण्यांच्या हद्दीत ४ पोलिस अधिकारी आणि २९ कर्मचारी यांची गोदावरी नदी परिसरात नजर ठेवण्यासाठी नेमणूक करण्यात आली आहे. हे पोलिस कर्मचारी गस्त घालतील. तसेच प्रदूषण करणाऱ्यांवर कारवाई करण्यात येणार आहे.

शहरातील भद्रकाली, सरकारवाडा, पंचवटी, गंगापूर, आडगाव पोलिस ठाण्यांच्या हद्दीत गोदावरी नदीचे पात्र आहे. अनेकठिकाणी कपडे, भांडे, वाहने, जनावरे धुण्यासह कचरा-प्लॅस्टिक नदीपात्रात टाकण्यात येते. त्यामुळे परिसर अस्वच्छ होत असून प्रदूषण वाढत आहे. त्यामुळे परिसर अस्वच्छ करणाऱ्यांवर कारवाई करण्याचे आदेश देण्यात आले आहेत. 

प्रत्येक पोलिस ठाण्यातून एक पोलिस उपनिरीक्षक दर्जाचा अधिकारी आणि पुरुष व महिला पोलिस कर्मचारी असणार आहेत. नागरिकांनी गोदा प्रदूषण करू नये, अन्यथा त्यांच्यावर कायदेशीर कारवाई केली जाईल, असा इशारा पोलिस उपायुक्‍त लक्ष्मीकांत पाटील यांनी दिला आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com