agriculture news in Marathi, action will be taken if report of soil conservation not sent, Maharashtra | Agrowon

मृदसंधारणाचे तपासणी अहवाल न पाठविल्यास कारवाई
टीम अॅग्रोवन
मंगळवार, 17 एप्रिल 2018

पुणे : राज्यातील मृदसंधारणच्या कामात गावपातळीवर सुरू असलेल्या गोंधळाकडे अधिकाऱ्यांचे हेतुतः दुर्लक्ष होत असल्याचे कृषी आयुक्तांच्या लक्षात आले आहे. मृदसंधारण कामांचे तपासणी अहवाल पाठवीत नसल्यामुळे आयुक्तांनी एका कृषी सहसंचालकांच्या कामावर नाराजी व्यक्त केली असून, बेशिस्त अधिकाऱ्यांवर कारवाई करण्याचेही आदेश दिले आहेत. 

पुणे : राज्यातील मृदसंधारणच्या कामात गावपातळीवर सुरू असलेल्या गोंधळाकडे अधिकाऱ्यांचे हेतुतः दुर्लक्ष होत असल्याचे कृषी आयुक्तांच्या लक्षात आले आहे. मृदसंधारण कामांचे तपासणी अहवाल पाठवीत नसल्यामुळे आयुक्तांनी एका कृषी सहसंचालकांच्या कामावर नाराजी व्यक्त केली असून, बेशिस्त अधिकाऱ्यांवर कारवाई करण्याचेही आदेश दिले आहेत. 

शेतकऱ्यांच्या विस्तार कामांसाठी तयार झालेल्या कृषी विभागातील बहुतेक अधिकाऱ्यांना मृदसंधारणाच्या कामात का रस आहे, हे आता लपून राहिलेले नाही. मात्र, विस्ताराची कामे सोडून सतत मृदसंधारणात मश्गुल झालेले अधिकारी आपले कर्तव्य व जबाबदाऱ्यादेखील विसरत चालले आहेत. आयुक्तांनी एका सहसंचालकाला पाठविलेल्या पत्रातून अधिकाऱ्यांची अनागोंदी स्पष्ट होते, असे सूत्रांचे म्हणणे आहे. 

२०१६-१७ व २०१७-१८ या आर्थिक वर्षात मृदसंधारणाच्या कामांबाबत गंभीर स्वरूपाच्या तक्रारी आलेल्या आहेत. ‘‘मृदसंधारणाच्या कामांची तपासणी करण्याची जबाबदारी जिल्हा अधीक्षक कृषी अधिकारी, विभागीय अधीक्षक कृषी अधिकारी व उपविभागीय कृषी अधिकाऱ्यांची असते. आयुक्तांकडून या वरिष्ठ अधिकाऱ्यांना तपासणी उद्दिष्ट ठरवून दिलेले असते. मात्र, सदर वरिष्ठ अधिकारी तपासणीही करीत नाहीत व आयुक्तांना अहवालदेखील पाठवीत नसल्याचे उघड झाले आहे,’’ अशी माहिती सहसंचालक कार्यालयातून देण्यात आली. 

कृषी आयुक्त सच्चिंद्र प्रताप सिंह यांनी काही दिवसांपूर्वी एका सहसंचालकाला थेट पत्र पाठवून मृदसंधारणाच्या कामाची तपासणी होत नसल्याबद्दल खंत व्यक्त केली आहे. ‘‘अधिकाऱ्यांना नेमून दिलेल्या टक्केवारीच्या तुलनेत मृदसंधारण कामांची तपासणी करण्यात आलेली नाही. मापे तपासणी अहवाल सादर करण्याच्या सूचना दिल्यानंतरदेखील अहवाल पाठविण्यात आलेले नाहीत. यावरून संबंधित अधिकारी त्यांचे कर्तव्य व जबाबदारीमध्ये कसूर करीत असल्याचे माझ्या निदर्शनास आले आहे. तपासणी अहवाल प्राप्त करून घेण्यासाठी तुमच्या (सहसंचालकांच्या)स्तरावरदेखील उदासीनता दिसते, हे मी खेदाने नमूद करीत आहे,’’ अशा शब्दांत आयुक्तांनी नाराजी व्यक्त केली आहे. 

गेल्या अनेक वर्षांपासून मोकाट सुटलेल्या काही भ्रष्ट अधिकाऱ्यांनी कृषी विभाग खिळखिळा केला आहे. या अधिकाऱ्यांना वेसण घालण्याचे काम सुनील केंद्रेकर यांच्याकडून चालू असतानाच सोनेरी टोळीने त्यांची बदली करण्यास भाग पाडले. त्यामुळे सध्याचे कृषी आयुक्त श्री. सिंग यांनादेखील कारभार करताना अडचणी येत आहेत. ‘‘विद्यमान आयुक्तांनीदेखील हळूहळू काही विषयांमध्ये लक्ष घातले आहे. अनागोंदी कारभार आपण खपवून घेणार नसल्याचे संकेत आयुक्तांच्या कामकाजातून मिळत आहेत. त्यामुळेच मृदसंधारण कामाच्या तपासण्या वेळेत करून अहवालदेखील सादर करण्याचे आदेश आयुक्तांनी दिलेले आहेत, अशी माहिती सूत्रांनी दिली. 

अधिकाऱ्यांचे धाबे दणाणले
मृदसंधारण कामाच्या तपासण्या प्रत्यक्ष दौरा करून केल्या जाव्यात. खर्चात दाखविलेली मापे आणि प्रत्यक्ष स्थिती याची माहिती घेण्यासाठी मापे घेण्यात यावीत. घेतलेल्या मापांनुसार तपासणी अहवाल सादर केले असले, तरच दौरा दैनंदिनी मंजूर करावी, असे आदेश आयुक्तांनी दिलेले आहेत. कृषी सहसंचालकांनी स्वतःचादेखील तपासणी अहवाल न चुकता सादर करावा. सूचनांचे पालन न करणाऱ्या अधिकाऱ्यांवर प्रशासकीय कारवाई करण्याचे प्रस्ताव थेट आयुक्तालयाकडे विनाविलंब सादर करा, असेही आयुक्तांनी नमूद केल्यामुळे अधिकाऱ्यांचे धाबे दणाणले आहेत.

इतर अॅग्रो विशेष
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...
निर्यात कोट्यावरून साखर उद्योगात घमासानपुणे : देशात साखरेचा अफाट साठा तयार होत असताना...
शेतकऱ्यांचा जीवनसंघर्ष २०१८ मध्येही...मुंबई : गेल्या चार वर्षांत सिंचन सोडून कृषीच्या...
मध्य महाराष्ट्र, मराठवाडा, विदर्भात...पुणे : पूर्व आणि पश्चिमेकडून वाहणाऱ्या...
हवामान बदलांमुळे दारिद्र्य वाढण्याचा...नवी दिल्ली : हवामानबदलांचा प्रश्न अतिशय गंभीर आहे...
हिमवृष्टीमुळे काश्‍मीर, हिमाचल गारठले;...नवी दिल्ली : हिमवृष्टीमुळे काश्‍मिरसह हिमाचल...
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...