शेतकऱ्यांनो, आत्महत्या करू नका ः आदित्य ठाकरे

बुलडाणा   ः तुम्ही संकटात असताना शिवसेनेच्या कार्यकर्त्यांना हाक द्या. तुम्हाला निश्चितच सहकार्य मिळेल. अात्महत्येसारखा टोकाचा मार्ग स्वीकारू नका, असे भावनिक अावाहन शिवसेनेचे युवा नेते अादित्य ठाकरे यांनी केले.

मेहकर येथे सोमवारी (ता.१९) अायोजित कार्यक्रमात ते बोलत होते. कार्यक्रमाच्या अध्यक्षस्थानी खासदार प्रतापराव जाधव होते. आमदार संजय रायमूलकर, सिद्धेश कदम, ऋषीकेश जाधव, भास्करराव मोरे, जिल्ह्याप्रमुख जालिंदर बुधवंत, दत्ता पाटील, नरेंद्र खेडेकर, संजय गायकवाड अादी या वेळी उपस्थित होते. 

या वेळी आदित्य ठाकरे म्हणाले, की राज्यभरात शेतकऱ्यांना मदत करण्याचे कार्य शिवसेनेमार्फत सुरू आहे. भाजपने आतापर्यंत आश्वासनाचे गाजर दाखवण्याचे काम केले आहे. शेतकऱ्यांप्रती ठोस कार्य झाले नाही. शेतकऱ्यांसाठी लढणारा शिवसेना हाच एकमेव पक्ष आहे. जनतेने साथ द्यावी, असे अावाहनही त्यांनी केले.

या वेळी खासदार जाधव, आमदार संजय रायमूलकर यांनी मनोगत व्यक्त केले. या कार्यक्रमासाठी उपजिल्हा प्रमुख राजू गाडेकर, तालुका प्रमुख सुरेश तात्या वाळूकर, समाधान साबळे यांच्यासह शिवसेनेचे नगरसेवक, सभापती, पंचायत समितीचे सर्व सदस्य, जिल्हा परिषद सदस्यांनी पुढाकार घेतला. कार्यक्रमात अादित्य ठाकरे यांच्या हस्ते शेतकऱ्यांप्रती कृतज्ञता व्यक्त करण्याच्या उद्देशाने शेतकरी कुटुंबांना गृहोपयोगी साहित्याचे वितरण करण्यात अाले.