agriculture news in marathi, An administrator on the Solapur Market committee | Agrowon

सोलापूर बाजार समितीच्या प्रशासकपदी काकडे
टीम अॅग्रोवन
शनिवार, 9 डिसेंबर 2017

सोलापूर : जिल्हा विशेष लेखापरीक्षक सुरेश काकडे यांनी सोलापूर कृषी उत्पन्न बाजार समितीच्या प्रशासकाचा पदभार घेतला. समितीचे प्रशासक व शहर उपनिबंधक कुंदन भोळे यांनी आपल्याकडील बाजार समितीचा पदभार काढण्याची विनंती जिल्हा उपनिबंधक अविनाश देशमुख यांना केली होती. त्या विनंतीनुसार हा बदल करण्यात आला असल्याचे सांगण्यात आले. पण अचानकपणे घेतलेल्या या निर्णयामुळे वेगवेगळ्या चर्चांना उधाण आले आहे.

सोलापूर : जिल्हा विशेष लेखापरीक्षक सुरेश काकडे यांनी सोलापूर कृषी उत्पन्न बाजार समितीच्या प्रशासकाचा पदभार घेतला. समितीचे प्रशासक व शहर उपनिबंधक कुंदन भोळे यांनी आपल्याकडील बाजार समितीचा पदभार काढण्याची विनंती जिल्हा उपनिबंधक अविनाश देशमुख यांना केली होती. त्या विनंतीनुसार हा बदल करण्यात आला असल्याचे सांगण्यात आले. पण अचानकपणे घेतलेल्या या निर्णयामुळे वेगवेगळ्या चर्चांना उधाण आले आहे.

तत्कालीन सभापती माजी आमदार दिलीप माने यांच्या संचालक मंडळाची मुदत संपल्यानंतर १८ ऑक्‍टोबरपासून या समितीवर प्रशासकाची नियुक्ती करण्यात आली आहे. दोन वेळा मुदतवाढ घेतल्यानंतर आता या समितीवर प्रशासकाला १६ एप्रिल २०१८ पर्यंत मुदतवाढ देण्यात आली आहे.

भोळे यांच्याकडे सोलापूर नागरी सहकारी बॅंक या विसर्जित बॅंकेचा अतिरिक्त पदभार, अवसायनातील संस्था, सोलापूर शहरातील निवडणुकीस पात्र असलेल्या सहकारी संस्था, न्यायालयात दाखल झालेले दावे या सर्वांमुळे अतिरिक्त कामाचा ताण येत असल्याने त्यांनी बाजार समितीचा पदभार काढण्याची विनंती केली होती.

गेल्या अनेक दिवसांपासूनची त्यांची ही मागणी होती. पण ती मान्य होत नव्हती, अखेरीस ती मान्य झाली. नूतन प्रशासक सुरेश काकडे यांच्याकडे सध्या सोलापूर जिल्हा देखरेख सहकारी संस्थेचे (केडर) प्रशासक पद आहे. त्यानंतर आता बाजार समितीचे प्रशासकपद आले आहे.  

काकडे यांची प्रशासनावर पकड
राज्य सरकारने जाहीर केलेल्या शेतकरी कर्जमाफी योजनेत विशेष लेखापरीक्षक काकडे यांच्या नेतृत्वाखाली लेखापरीक्षकांच्या पथकाने याद्या पडताळणीचे काम कमी कालावधीत पूर्ण केले आहे. प्रशासनावर पकड असलेले अधिकारी म्हणून काकडे यांचा परिचय आहे. सोलापूर बाजार समितीमध्ये होत असलेली शेतीमालाची चोरी, व्यापाऱ्यांनी पुकारलेले आंदोलन यासह अनेक प्रश्‍नांनी तोंड वर काढले आहे. काकडे या प्रश्‍नांतून कसा मार्ग काढतात, याकडे सर्वांचे लक्ष लागले आहे.

शिस्तप्रिय भोळेंमुळे उलाढाल वाढली
प्रशासकाच्या कालावधीत जबाबदारी असताना कुंदन भोळे यांनी बाजार समितीच्या सेसच्या प्रश्‍नासह समितीतील अनेक प्रश्‍नांत लक्षात घातले होते. बाजार समितीतील व्यवहाराला शिस्त लावण्याचा चांगला प्रयत्न केला. त्यांच्याच काळात बाजार समितीची उलाढाल सात कोटींहून अधिक रुपयांपर्यंत झाली. शिस्तप्रिय भोळेंमुळे हे शक्‍य झाले. आता त्यांच्यानंतर याच पद्धतीने कारभार होईल का, हे पाहणे महत्त्वाचे आहे.

 

इतर ताज्या घडामोडी
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...
रताळे उत्पादनवाढीसाठी ओडिशाचा...पेरू येथील आंतरराष्ट्रीय बटाटा केंद्राच्या...
सिंधुदुर्ग जिल्ह्यात गीर, साहिवाल...पुणे : सिंधुदुर्ग जिल्ह्यात दुग्ध आणि कुक्कुट...
औरंगाबाद जिल्ह्यात ४६९७ क्‍विंटल...औरंगाबाद : हमीभावाअंतर्गत औरंगाबाद जिल्ह्यात मका...
मराठवाड्यातील ५६९ गाव-वाड्यांना टॅंकरऔरंगाबाद : मराठवाड्यातील पाणीटंचाईचा सामना...
तुरीला ५००० पर्यंत दर, देशी वाणांना...जळगाव : खानदेशात तुरीची मळणी अनेक भागात सुरू झाली...
टँकरऐवजी पाइपलाइनने पाणीपुरवठा करा :...नागपूर : अपुऱ्या व अनियमित पावसामुळे जिल्ह्यातील...
दिल्लीतील व्यावसायिकांनी फळबागा...नगर : नगर जिल्ह्यामधील पाथर्डी तालुक्‍यातील तीव्र...
सातारा जिल्ह्यातील धरणांत अल्प साठासातारा : जिल्ह्यातील प्रमुख धरणांत गतवर्षीच्या...
नाशिक जिल्हा बँकेत खडखडाट तरी सचिवांना...नाशिक : एकीकडे सभासदांना पुरेशी रक्कम देण्यास...
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...