agriculture news in Marathi, Administrator's stay in adjournment proceedings | Agrowon

अडत्यांवरील कारवाईला प्रशासकांचीच स्थगिती
टीम अॅग्रोवन
शनिवार, 23 फेब्रुवारी 2019

पुणे ः खरेदीदार आणि शेतकऱ्यांकडून नियमबाह्य पद्धतीने जादा लेव्ही व हमाली वसूल करून कोट्यवधी रुपयांची लूट करणाऱ्या अडत्यांवर परवाना निलंबनाची कारवाई करणाऱ्या बाजार समिती प्रशासकांनी स्वत:च्या आदेशाला वीस दिवस होत नाही, तोच स्थगिती दिली. डाळिंब उत्पादक शेतकऱ्यांनी केलेल्या आग्रहामुळे परवाना निलंबन कारवाईस स्थगिती दिल्याचे कारण बाजार समितीकडून पुढे करण्यात आले. त्यामुळे बाजार समितीच्या कारवाईवरच प्रश्‍नचिन्ह निर्माण झाले आहे.

पुणे ः खरेदीदार आणि शेतकऱ्यांकडून नियमबाह्य पद्धतीने जादा लेव्ही व हमाली वसूल करून कोट्यवधी रुपयांची लूट करणाऱ्या अडत्यांवर परवाना निलंबनाची कारवाई करणाऱ्या बाजार समिती प्रशासकांनी स्वत:च्या आदेशाला वीस दिवस होत नाही, तोच स्थगिती दिली. डाळिंब उत्पादक शेतकऱ्यांनी केलेल्या आग्रहामुळे परवाना निलंबन कारवाईस स्थगिती दिल्याचे कारण बाजार समितीकडून पुढे करण्यात आले. त्यामुळे बाजार समितीच्या कारवाईवरच प्रश्‍नचिन्ह निर्माण झाले आहे.

पुणे (हवेली) बाजार समितीमधील डाळिंब यार्डातील चार अडत्यांनी खरेदीदार आणि शेतकरी यांच्याकडून नियमबाह्य पद्धतीने जादा हमाली व लेव्हीची वसुली केल्याचे समोर आले होते. ही रक्कम कोट्यवधी रुपये असल्याचेदेखील तपासणीमध्ये समोर आले आहे. यामध्ये शेतकऱ्यांसह बाजार समितीचे सेसद्वारे मिळणारे उत्पन्नदेखील घटल्याची शंका उपस्थित करण्यात येत होती. हे लक्षात आल्याने बाजार समितीने या प्रकरणाशी संबंधित अडत्यांवर परवाना निलंबनाची कारवाई केली होती. त्यास वीस दिवस झाले नाही तोच डाळिंबाचे अडते के. डी. चौधरी आणि दिलीप बाळकृष्ण डुंबरे या दोघांवर केलेल्या कारवाईला स्थगिती देण्यात आली.

मार्केट यार्डातील डाळिंबाच्या व्यापारावर या कारवाईचा परिणाम झाला होता. पाचशे टनांपर्यंत डाळिंबाची होणारी आवक सुमारे दोनशे ते अडीचशे टनांपर्यंत आली होती. दरम्यान पुणे, सोलापूर, सांगली जिल्ह्यांतील डाळिंब उत्पादक शेतकऱ्यांनी या संदर्भात बाजार समिती प्रशासनाची भेट घेतली. एकीकडे डाळिंब व्यापार पुन्हा सुरू करावा आणि दुसरीकडे दोषी अडत्यांवरील कारवाई प्रशासनाने सुरूच ठेवावी, अशी विनंती त्यांनी केली होती. ते कारण पुढे करीत चारपैकी दोघांचे निलंबन स्थगित करण्याचा निर्णय बाजार समितीने घेतला.

मर्जीतील अडत्यांच्या व्यापार वाढीसाठी खटाटोप प्रशासनाने डाळिंब व्यापार नव्याने सुरू केलेल्या काही मर्जीतील अडत्यांच्या व्यापार वाढीसाठी हा सर्व खटाटोप करीत, डाळिंब व्यापार वेठीस धरल्याचा आरोप काही अडत्यांनी केला आहे. डाळिंब व्यापारासाठी काही अडत्यांनी प्रशासकांच्या आशीर्वादाने गुरांच्या बाजारालगत अनधिकृत शेडबांधणी सुरू केली होती. मात्र, माध्यमांनी हा विषय सातत्याने लावून धरल्याने आणि या प्रकारच्या तक्रारी मंत्र्यांपर्यंत गेल्याने शेड उभारणी थांबविण्यात आली. यामुळे दुखावलेल्या काही अडत्यांनीच डाळिंब यार्डातील आडत्यांवर कारवाईचा आग्रह शेतकरी आणि खरेदीदारांच्या खांद्यावर बंदुका ठेऊन केल्याची चर्चा बाजार आवारात आहे.

चौधरी आणि डुंबरे यांचे परवाना निलंबन स्थगित करण्यात आले आहे. तपासाच्या कारवाईस अधीन राहून निलंबनास स्थगिती देण्यात आली आहे. शेतकऱ्यांनी व्यापार सुरू करण्याची मागणी केली होती. शेतकऱ्यांचे नुकसान होत असल्याने निलंबन स्थगित केले आहे. उर्वरित दोघा अडत्यांच्या परवाना निलंबनाच्या कारवाईस लवकरच स्थगिती दिली जाईल.
- बी. जे. देशमुख, प्रशासक, बाजार समिती

इतर ताज्या घडामोडी
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...
शिरवळला पशुवैद्यकीय विद्यार्थ्यांचे...सातारा : सहायक पशुधन विकास अधिकाऱ्यांच्या...
स्वाभिमानीसोबत दिलजमाईसाठी बुलडाण्यात...बुलडाणा ः लोकसभा निवडणुकीसाठी राष्ट्रवादीने...
जळगावात गव्हाची आवक रखडत; दर स्थिरजळगाव ः जिल्ह्यात गव्हासाठी प्रसिद्ध असलेल्या...
नाशिकमध्ये हिरव्या मिरचीची आवक टिकून;...नाशिक : नाशिक कृषी उत्पन्न बाजार समितीमध्ये...
I transfer my JOSH to you...पणजी : गोव्याचे मुख्यमंत्री मनोहर पर्रीकर यांनी...
जीवलग मित्र गेला...मनोहर गेला. हे जरी सत्य असले तरी ते मान्य होणे...
जबरदस्त, प्रभावी इच्छाशक्तीचे केंद्र :...लहानपणापासूनच कुठलीही गोष्ट एकदा ठरवली की, तो ती...
तळपत्या सूर्याचा अस्त !राजकारणी माणसाला यश आणि अपयशाचा सामना रोजच करावा...